Ɛksadɔso 32:13 - AHYERƐLƐ KRONGRON

¹³ Kaye wɔ ngoaa Abraham, Yisake ne Yisrael bɔ ɛtale wɔ bɔbɔ wɔ nwo ndaen sele bɛ kyɛ, ‘Ngɔma ɛmɔ boso ama kɔsone pee kyɛ ewienu nzramaa; na aseɛ he amukoraati bɔ mabɔ ye nwo anohoba ne, ngɔfa ngɔma ɛmɔ boso ama, na ɔkɔyɛ bɛ deɛ afebɔɔ.’ ”

Ɛksadɔso 32:13 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 15:5

Afei Nyameɛ fale ye fitele, na osele kyɛ, “To wɔ nye anwuro na ka nzramaa nemɔ, na nea sɛ ɛkɔhora kɔha bɛ a.” Na osele ye kyɛ, “Sɔ ala yeɛ wɔ boso ama kɔyɛ ɔ.”

Gyenesise 15:7

Na osele ye kyɛ, “Me ole AWURADE bɔ mvale wɔ mvili Yure bɔ ɔwɔ Kaldea mmale ɔ, kyɛ méfa aseɛ he mema wɔ maa ɔyɛ wɔ deɛ.”

Gyenesise 17:8

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

Gyenesise 22:16

“AWURADE nwa nyoo, ɔnate bɔ ayɔ ne, bɔ amva ɛwa komapɛ twe ne ammɔ me aheɛ ne ati, mata me nwo ndaen kyɛ

Gyenesise 22:17

ngoyira wɔ, na ngɔma wɔ boso ama kɔsone kyɛ ewienu nzramaa ne mboanoa anweaa. Na wɔ boso ama kɔfa bɛ pɔfoɛ mɔ aseɛ bekoli so.

Gyenesise 24:7

Ofikyɛ AWURADE, nyameɛso Nyameɛ bɔ ɔfale me fili me baba awuro, ɔne aseɛ bɔ bɛwole me wɔ so ne, odwudwo hyirele me, na ɔtale ndaen hyirele me kyɛ, ‘Wɔ bosofoɛ yeɛ ngɔfa sɔ aseɛ he ngɔma bɛ ɔ.’ Na ye ala yeɛ ɔkɔsoma ye abɔfo maa okoli wɔ nyunu ɔ, ná aagya braa dɔ abrɛ mma ne ɔ.

Gyenesise 48:16

abɔfo bɔ aye me afi musue mukoraa nu ɔ, yira mmɛɛmaa ye; maa ɔnate bɛ so, me dumaa, ɔne me mbanyi mɔ Abraham ne Yisake dumaa otira ndii; ma bɛ boso ama bɛsone na bɛyɛ pee wɔ aseɛ ye aso.”

Ɛksadɔso 13:11

Na sɛ AWURADE fa wɔ kodwu Kanaanfoɛ aseɛ so, ná ɔfa ma wɔ, kyɛbɔ ɔtale ndaen hyirele wɔ ne wɔ nana mɔ ne a,

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 33:1

Na AWURADE sele Mose kyɛ, “Fi ɛwa kɔ, ɛne mmenia bɔ ɛɛyele bɛ fili Misraim aseɛ so wale ne. Aseɛ bɔ ndale ndaen mva mɔle Abraham, Yisake ne Yakob anohoba kyɛ, ‘Wɔ bosofoɛ yeɛ ngɔfa ngɔma bɛ ɔ’ ne, kɔ so.

Lewitikɔso 26:42

ye de ngɔkaye m’apam bɔ me ne Yakob yɛyɛle ne. Ngɔkaye m’apam bɔ me ne Yisake yɛyɛle ne ɔne bɔ me ne Abraham yɛyɛle ne koso, na ngɔkaye aseɛ ne.

Deuteronomi 1:10

AWURADE ɛmɔ Nyameɛ ne amaa ɛmɔata pee, na kekesaala ye de, ɛmɔ somaa te kyɛ ewienu nzramaa.

Deuteronomi 7:8

Na mmom, AWURADE kuro ɛmɔ dwirɛ, yeɛ osa di ndaen bɔ ɔta hyirele ɛmɔ nana mɔ ne aso. Na ɛhe ati yeɛ ɔmaa AWURADE nate tumi piri so yele ɛmɔ ɔ, na ɔyele ɛmɔ fili ngoaasolɛ nu, fili Misraim hene Faro sa nu.

Deuteronomi 9:27

Kaye wɔ ngoaa Abraham, Yisake ne Yakob, ná bu wɔ nye gua mmenia hemɔ b’asoserɛ, b’amumuyɛɛ ne bɛ bɔne so.

Hebrifoɛ 6:13

Mmerɛ bɔ Nyameɛ hyɛle Abraham bɔ nen, ɔnate kyɛ ebiala nne berɛ bɔ ɔtra ye (Nyameɛ) bɔbɔ bɔ ɔkɔfa ye kɔta ndaen ne ati, ɔtale ye bɔbɔ ye nwo ndaen