Ɛksadɔso 32:12 - AHYERƐLƐ KRONGRON

¹² Nzu ati yeɛ ɔsɛ kyɛ Misraimfoɛ ka kyɛ, ‘Adwene tɛɛ bie ti yeɛ ɔmaa ɔɔyele bɛ hɔle ɔ, kyɛ ɔkwaahuhu bɛ wɔ mmokaa ne anu dɔ, ná okyikyi bɛ boso fi aseɛ ye aso’ ɔ? Ma w’ahone tɔ nzue nu, ná yakyi musue bɔ ɛbaamaa ɔto wɔ mmenia nemɔ ne.

Ɛksadɔso 32:12 Iomraidhean Croise

Gyenesise 6:6

Na AWURADE nuni ye nwo kyɛ wayɔ sona wato aseɛ ye aso ɔ, na ɔyɛle ye yea soma.

1 Ahemvo 8:51

(Ofikyɛ bɛte wɔ maen ne w’agyapadeɛ, bɔ Misraim bɔ ɔte kyɛ buralɛ afaa hyerɛhyerɛ ne, ɛyele bɛ fili nu ɔ).

Ɛsra 10:14

Yiti ma yɛ mbanyi mɔ begyina mmenia ne amukoraa yɛ gya nu, ná ebiala bɔ ɔwɔ yɛ nguro nemɔ aso bɔ wagya Amaenmaensoniɛ braa ne, maa ɔbra bɛ nyunu wɔ mmerɛ bɔ bɛkɔhyɛ bɛkɔma ye ɔ nu. Sɛ bɛ́ba a, odi kyɛ bɛ kuro mbanyi ne ndɛenbualɛfoɛ bɛboka bɛ so bɛ ne bɛ bɛba. Na yɛkɔyɔ ye sɔ toonn kɔpem kyɛ yɛ Nyameɛ ɛyaa piri bɔ wafɛ ye yɛ so wɔ edwirɛ he anwo ne, ye ahone kɔtɔ nzue nu ɔ.”

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Edwein 74:18

Ao AWURADE, kaye ɛhe: kyɛbɔ pɔfoɛ ne ɔyɛ ngorohoɛ ɔ, ɔne kyɛbɔ ngwaseafoɛ begua wɔ dumaa nwo fiɛ ɔ.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Edwein 85:3

Ɛhwene wɔ yaa piri ne amukoraa sale, ɛmane w’ahone tɔle nzue nu.

Edwein 90:13

Ao AWURADE, sa baanea yɛ! Okoodwu kyinzu? Nwu wɔ somvoɛ mɔ anwumvoin!

Ɛksadɔso 32:14

Yiti AWURADE sesane ye adwene wɔ musue bɔ ɔyɛle kyɛ ɔkɔmaa ɔkɔto ye mmenia ne anwo.

Ɛksadɔso 33:13

Yiti mesrɛ wɔ, sɛ alo me de a, nzaade maa nwu wɔ ti anu adwene, amaa ɔnate so manwu wɔ, ná alo me. Afei koso, nwu ye kyɛ mmenia hemɔ te wɔ maen.”

Yesaya 64:7

Ebiala nne berɛ bɔ ɔbɔ wɔ dumaa sɔne wɔ ɔ bɔ waye ye kunu wafa ye nwo wabɔ wɔ ɔ; ofikyɛ aye wɔ nye ato buro afea yɛ, na yɛ amumuyɛɛ ti ahũhũ yɛ.

Yesaya 64:8

Nakoso, O AWURADE, wɔ yeɛ ɛte yɛ Baba ɔ, yɛ de, yɛte ɛfaa, na wɔ yeɛ ɛnwo yɛ ɔ; na yɛ mukoraa yɛte wɔ sa noa adwuma.

Yeremia 28:16

Yiti AWURADE nwa nyoo, ‘Tie, ngɔye wɔ ngofi aseɛ ye aso. Afoɛ he ala yeɛ ekowu ɔ, ofikyɛ ahã ɛlɔenyɛlɛ dwirɛ atia AWURADE.’”

Hesekiel 20:14

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nye tua kyɛ nyele bɛ mvili berɛ male ne.

Hesekiel 20:22

Nakoso ɔnate me dumaa ti, ndwe nzale; nyɔle sɔ, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nyunu yeɛ nyele bɛ mvili berɛ male ne.

Hesekiel 20:9

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen bɔ bɛte so nemɔ anyunu; maen maen bɔ so ama bɛ nye tua kyɛbɔ nyele me nwo ali ngyirele bɛ, ná nyele bɛ mvili Misraim aseɛ so ne.

Yoel 2:17

Asɔfo nemɔ, bɔ bɛ yeɛ bɛte AWURADE somvoɛ mɔ ne, odi kyɛ besu wɔ abrannaa ne, ɔne afɔleɛ bokyea ne b’afia, ná bɛkã kyɛ, “Ao AWURADE, nwu wɔ maen anwumvoin, nnɛma w’agyapadeɛ yɛ nikyee bɔ bebu ye animtia, maen maen mɔ noa nu ngorohoɛ dwirɛ. Nzu ati yeɛ bɛkekã ye wɔ maen maen mɔ nu kyɛ, ‘Bɛ Nyameɛ ne, ɔwɔ nisua?’ ɔ.”

Amose 7:3

AWURADE hwe sale, “Ɔngɔwa ye sɔ,” AWURADE noa dwirɛ ɛne.

Amose 7:6

AWURADE hwe sale: “Ɔngɔwa ye sɔ,” AWURADE Nyameɛ noa dwirɛ ɛne.

Yona 3:9

Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Sakaria 8:14

Ofikyɛ Asafo AWURADE nwa nyoo, “Kyɛbɔ nyɛle m’adwene kyɛ me ne ɛmɔ yɛkoli ye weewee, mmerɛ bɔ ɛmɔ nana mɔ huli m’ahone, bɔ manzesã m’adwene ne, Asafo AWURADE noa dwirɛ ɛne,

Numeri 14:19

Wɔ ɔdɔ pindinn ne, kyɛbɔ osi te piri ne, fa wɔ nye to ná fa mmenia ye b’amumuyɛɛ kyɛ bɛ, kyɛbɔ afa ahyɛ bɛ fi Misraim maa waadwu ɛnɛ ye.”

Numeri 16:21

“Nnɛma ɛmɔfa bɛ nwo bɛkɔfra sɔ ɛlɔen he anu, na mebaanua bɛ boso kekesaala ye.”

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Deuteronomi 9:28

Anyɔ a, aseɛ bɔ ɛɛyele yɛ fili so wale ne, sofoɛ kɔha kyɛ, “AWURADE angora wamva bɛ wangɔ aseɛ bɔ ɔfa hyɛle bɛ bɔ ne aso, na ɔpɔ bɛ ne ati, yeɛ ɔmaa ɔɔyele bɛ kyɛ ɔbaahuhu bɛ wɔ ɛserɛ ne aso ɔ.”

Yosua 7:26

Na bɛboaboale nyɔboɛ kure kandinga beguale ye so, bɔ nyɔboɛ kure ne tɛ wɔ berɛ maa waadwu ɛnɛ ɔ. Na AWURADE mane ye ahone tɔle nzue nu. Yiti bɛfrɛ berɛ Akɔre bɔnza maa waadwu ɛnɛ.

Yosua 7:9

Kanaanfoɛ ne aseɛ ye asofoɛ mukoraati bɛkɔte sɔ dwirɛ ye, bɛkɔpɛ yɛ nwo bekoyia, na bɛkɔma yɛ boso konua. Nzikyɛ yeɛ ɛkɔyɔ kɔfa wɔ dumaa bɔ odi mu ne anwo ɔ?

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.