Ɛksadɔso 32:1 - AHYERƐLƐ KRONGRON

¹ Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

Ɛksadɔso 32:1 Iomraidhean Croise

Gyenesise 19:14

Yiti Lɔto fitele oosele ye sia mmienzua bɔ bɛbaagyigya ye mma mmrasua nemɔ kyɛ, “Ɛ́mɔhã bɛ nwo befi wa, ofikyɛ AWURADE baasɛkye kuro ne.” Nakoso ye sia nemɔ dwenene kyɛ ɛhoaa bie yeɛ ɔ́to ɔ.

Gyenesise 21:26

Na Abimɛlɛke yele ye noa kyɛ, “Menze sona bɔ wayɔ sɔ nikyee ne; na wɔ koso anga angyire me. Nndele ye le, sana ɛnɛ ala.”

Gyenesise 39:8

Nakoso Yosef ambene, na osele ye mene aye ne kyɛ, “Eh, ɔnate me bɔ nwɔ wa ne ati, me mene ɔnha ye nwo wɔ awuro wa nikyee biala nwo; wafa ye nningyein amukoraati wawura me sa.

Gyenesise 44:15

Yosef bisale bɛ kyɛ, “Nzikyɛ nikyee yeɛ ɛmɔayɔ ye? Anaa ɛmɔnze kyɛ sona bɔ ɔte kyɛ me de, ɔse ase ɔ?”

Gyenesise 44:4

Bɛtrale kuro ne bɛhɔle moa kãa nen, Yosef sele ye awuro neafoɛ ne kyɛ, “Ka wɔ nwo foa mmenia nemɔ, na sɛ ɛkɔto bɛ a, bisa bɛ kyɛ, ‘Nzu ati yeɛ ɛmɔafa tɛɛ batua paa so ɔ? Nzu ati yeɛ ɛmɔawua me mene ɛdwetɛ kulie ne ɔ?

Edwein 106:19

Bɛyɔle nandwie ba wɔ Horebo, na bɛsɔnene amoen bɔ bahuro nikyee bayɔ ɔ.

Ɛksadɔso 13:21

Alehyeleɛ nu, AWURADE lili bɛ nyunu wɔ munungum ningɔnn nu hyirele bɛ atee. Na alesaleɛ nu koso, ɔtale hyireinn mane bɛ wɔ see ningɔnn nu, kyɛbɔ bɛkɔhora bɛkɔnate eyia ne kɔngɔen ɔ.

Ɛksadɔso 14:11

Na besele Mose kyɛ, “Asieleɛ mɔ nne Misraim hɔ ɔ, bɔ yiti yeɛ afa yɛ awa kyɛ yɛɛwuwu yɛgua ɛserɛ ye aso ye? Ɛɛyele yɛ fili Misraim ne, bɔ amaa wato yɛ hɔ ɛne?

Ɛksadɔso 16:3

Besele Mose ne Aarɔn kyɛ, “Sɛ AWURADE tumi maa yɛwuwuli Misraim aseɛ so a, ahaa ɔte paa. Berɛ de, yɛtenatenane naen kukue nwo yɛdidili yɛtele naen mane yɛ ko yili pambee. Nakoso ɛmɔafa yɛ baagua ɛserɛ so wa kyɛ bɛbaama ɛhɔen ku maen ye amukoraa.”

Ɛksadɔso 20:23

Nnɛma ɛmɔfa ɛdwetɛ bɛyɛ nyameɛ foforɛ mɔ bɛboka me so, anaa sikaa kɔkorɛ bɛyɛ nyameɛ foforɛ mɔ bɛfa.

Ɛksadɔso 24:12

Na AWURADE sele Mose kyɛ, “Fo bra me nwo faen wɔ bokaa ye aso, ná kɔnwondɛ berɛ. Na ngɔfa nyɔboɛ taataa ne, ɔne mmeraa ne mmeraa dwirɛ bɔ mahyerɛ kyɛ bɛfa behyirehyire bɛ ne ngɔma wɔ.”

Ɛksadɔso 24:18

Mose worole munungum ne anu, na ɔhɔle bokaa ne aso. Na Mose lili bokaa ne aso eleburanna, eyia ne kɔngɔen.

Ɛksadɔso 32:11

Nakoso Mose pale AWURADE ye Nyameɛ kyerɛ kyɛ, “O AWURADE, wɔ mmenia bɔ ɛnate tumi piri ne anwoserɛ so ɛyele bɛ fili Misraim aseɛ so wale ne, nzu ati yeɛ afɛ bɛ so yaa piri sɔa ɔ?

Ɛksadɔso 32:22

Na Aarɔn buale kyɛ, “Me mene, nnɛfɛ yaa; wɔ bɔbɔ ɛse kyɛ bɔne ali mmenia hemɔ ti.

Ɛksadɔso 32:23

Besele me kyɛ, ‘Yɔ nyameɛ mɔ bɔ bekoli yɛ nyunu ma yɛ, ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.’

Ɛksadɔso 32:7

Na AWURADE sele Mose kyɛ, “Dwu kɔ aseɛnwo dɔ, ofikyɛ wɔ mmenia bɔ ɛɛyele bɛ fili Misraim aseɛ so wale ne, babɔ musue.

Ɛksadɔso 33:3

Kɔ aseɛ bɔ nyɔfonesue ne woɛ tengyɛ wɔ so ne aso; nakoso me de, me ne wɔ ngɔbɔ agyirɛ ngɔhɔ, annea né mama wɔ boso akyikyi wɔ atunu, ofikyɛ ɛte maen bɔ wɔ so yɛ se ɔ.

Hesekiel 20:8

Nakoso bɛyɛle me nwo lɔen, bɔ bandɛ me so ɔ. Bɛ nu biala wangyi akyiwadeɛ nningyein bɔ ye nye gye ye nwo ne wangua, yeɛ banyakyi Misraim mmosoen sɔnenɛ. Yiti ngane kyɛ ngɔma m’ahone kohu bɛ so, bɔ me yaafɛlɛ ne kɔyɔ bɛ nwo adwuma koyie ɔ, wɔ Misraim aseɛ so.

Hosea 12:13

Na AWURADE nate ngɔmhyɛlɛniɛ so yele Yisrael fili Misraim, na ɔnate ngɔmhyɛlɛniɛ so ɔbɔle ye nwo waen.

Mika 6:4

Ofikyɛ nyele wɔ mvili Misraim aseɛ so mmale, mbɔle wɔ mvili ngoaasolɛ nu, na nzomane Mose, Aarɔn ne Miriam maa belili wɔ nyunu.

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Mateo 24:43

Na ɔsɛ kyɛ ɛmɔnwu ye kyɛ, sɛ né awuro mene ne ɔse kɔngɔen mmerɛ horɛ bɔ awueniɛ ne kɔwa a, ahaa ɔkɔwɛne, bɔ ahaa ɔngɔma ongootu ye anoa bo ongoowua ye ɔ.

Mateo 24:48

Nakoso sɛ akoaa bɔnefoɛ ne de, ɔkã ye wɔ ye ti anu kyɛ, ‘Me mene kɔhyɛ koraka ná wawa,’

Asomafoɛ 17:29

Na ɔnate kyɛ yɛte Nyameɛ mma ne ati, ɔnzɛ kyɛ yɛdwene kyɛ Nyameɛ sue te kyɛ esikaa kɔkorɛ, anaa ɛdwetɛ, anaa nyɔboɛ bɔ kuro sona afa ye sa ne ye nworɛ wali adwii wayɔ ɔ.

Asomafoɛ 19:26

Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.

Asomafoɛ 7:40

Na bɛhã behyirele Aarɔn kyɛ, ‘Yɔ mmosoen bɔ bekoli yɛ nyunu ɔ ma yɛ, na sɔ Mose he bɔ ɔyele yɛ fili Misraim aseɛ so ne de, yɛngora nnwu nikyee bɔ wayɛ ye ɔ.’

Deuteronomi 31:8

AWURADE yeɛ oli wɔ nyunu ɔ; okoli wɔ si, ongoli wɔ ngasi, yeɛ ɔngɔyakyi wɔ nu. Nnɛsuro, yeɛ nnɛma wɔ kunu tete wɔ.”

Deuteronomi 9:1

“Yisrael, tie! Ɛnɛ kyẽa ye, maen maen bɔ bɛ mbiri ne b’anwoserɛ tra wɔ ɔ, ɛkwaapɛ asue Yɔɔdan ekode b’aseɛ, ɔne bɛ nguro mbiri bɔ bato bɛ nwo fasue bahɔ ewienu ɔ;

Deuteronomi 9:9

Na mmerɛ bɔ mvo ngɔle bokaa ne aso kyɛ mekwaale nyɔboɛ taataa ne, nyɔboɛ bɔ AWURADE apam bɔ ɔne ɛmɔ yɛle wɔ so nen, nnili bokaa ne aso eleburanna, eyia ne kɔngɔen. Mannidi, yeɛ manno hwee.

Yosua 7:13

Dwɔso! Te mmenia nemɔ nwo, ná ka kyɛ, ‘Ɛ́mɔte ɛmɔ nwo bésie bɛ́fa bɛ́nwondɛ ɛhema, ofikyɛ AWURADE Yisrael Nyameɛ ne nwa: O Yisrael, nningyein bɔ matu masie berɛ kyɛ bɛsɛkye ye ne, ebie wɔ wɔ berɛ. Na ɛngɔhora wɔ pɔfoɛ mɔ nyunu gyina, sana ɛmɔye nningyein bɔ matu masie berɛ kyɛ bɛsɛkye ye ne befi ɛmɔ nu.’

2 Petro 3:4

ná babisa kyɛ, “Ye walɛ ne nwo bɔhyɛ ne, ɔyɛle sɛɛ bɔ ɔwwale nu ɔ? Ofikyɛ, ofi mmerɛ bɔ yɛ nana mɔ bɛlelale ɔ, kyɛbɔ nikyee biala te fi mmerɛ bɔ Ɛdangama bɔle aleɛ ne, sɔ ala yeɛ ɔte ɔ!”