1 Na AWURADE sele Mose kyɛ,
Mose mane Yisrael ɛlɔen ne amukoraati yiale, na osele bɛ kyɛ, “Bɔ AWURADE ahyɛ kyɛ ɛmɔyɔ ɛhe:
“Ɛmɔ nu biala bɔ ɔse adwii di ne, ɔ́bra ɔɔyɔ bɔ AWURADE ahyɛ ne amukoraa:
Na Mose sele Yisraelfoɛ kyɛ, “Ɛ́mɔtie, AWURADE aneanea nu waye Besalel bɔ ɔse ole Yuri, bɔ ye koso ɔse ole Hure, bɔ ofi Yuda abusua kure nu ne;
“Na Besalel, Oholiabo ne dwumvoɛ amukoraa bɔ AWURADE ama bɛ adwiililɛ nwo nimdeɛ ne ndeaseɛ kyɛ bɛ́fa bési nekaa krongron nen, ɔsɛ kyɛ bɛyɔ adwuma ne pɛpɛɛpɛ kyɛbɔ AWURADE ahyɛ bɛ ne.”
Besalel bɔ ɔse ole Yuri, bɔ ye koso ɔse ole Hure, bɔ ofi Yuda abusua kure nu ne, ɔyɔle nikyee biala bɔ AWURADE hyɛle Mose ne.
B’adwuma ole kyɛ bɛkɔnea ɛhemɔ aso: apam alaka ne, ɛpoen ne, kanea bakaa ne, afɔleɛ bokyea nemɔ, nekaa krongron berɛ nningyein bɔ asɔfo nemɔ fa yɔ ɛsɔnenɛ adwuma ne, ɔne mbɛmuɛ ɛtena ne, ɔne sɔ nningyein nemɔ nwo adwuma amukoraa.
