Ɛksadɔso 30:33 - AHYERƐLƐ KRONGRON

³³ Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Ɛksadɔso 30:33 Iomraidhean Croise

Gyenesise 17:14

Na bienzua biala bɔ bambɛ ye bienzua nen, bɛkɔpɛ ye asue bekofi ye maen nu, ofikyɛ wabu m’apam ne aso.”

Ɛksadɔso 12:15

“Ɛmɔkoli paanoo kabrɛdi ɛlɛsoo. Kyẽa bɔ oli moa ne, ɔsɛ kyɛ ɛmɔye mɔle harewaa biala befi ɛmɔ awuro mɔ nu, ofikyɛ ofi kyẽa bɔ oli moa ne alaa bɔ ɔkwaadwu kyẽa bɔ ɔtɔ so nzoo nen, sona biala bɔ okoli mɔle harewaa ne, bɛkɔpɛ ye asue bekofi Yisraelfoɛ nu.

Ɛksadɔso 12:19

Ɛlɛsoo ne anu, ɔnzɛ kyɛ benwu mɔle harewaa wɔ ɛmɔ awuro; ofikyɛ ebiala bɔ okoli mɔle harewaa nen, sɛ ɛwɔfoɛ ahɔ oo, anaa bɛwole ye maen ne anu oo, bɛkɔpɛ sɔ sona ne asue bekofi Yisraelfoɛ nu.

Ɛksadɔso 29:33

Nningyein bɔ bɛfa bɛyɛle mbata bɛmane bɛ, bɔ begyinane so bɛhyɛle bɛ sɔfo, ná bɛfa bɛtele bɛ nwo ne, beli. Nakoso sona bɔ ɔtte sɔfo ne de, nnɛmaa odi bie, ofikyɛ ɔte aleɛ krongron.

Ɛksadɔso 30:34

Na AWURADE sele Mose kyɛ, “Fa ayirefona hemɔ: hwendea, korobo, prɛkɛsɛɛ ne ɛyɛɛ fonafona. Susu ye mukoraati pɛpɛɛpɛ;

Ɛksadɔso 30:38

Na ebiala bɔ ɔkɔfrafra nningyein kɔyɔ bie kɔfofã kotie nen, bɛkɔpɛ ye asue bekofi ye maen nu.”

Ɛksadɔso 31:14

Ɛ́mɔli afofikyẽa ne aso, ofikyɛ ɔte krongron ma ɛmɔ. Sona biala bɔ okogua afofikyẽa ne nwo fiɛ nen, ɔsɛ kyɛ beku ye; sona biala bɔ ɔkɔyɔ adwuma sɔ kyẽa nen, ɔsɛ kyɛ bɛpɛ ye asue befi ye maen nu.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 17:14

“Ofikyɛ anwoɔnaen biala, ye mogya yeɛ ɔte ye ngoa ɔ; yiti mahã mahyire Yisraelfoɛ kyɛ, Nnɛma ɛmɔdi abɔdeɛ biala ye mogya, ofikyɛ anwoɔnaen biala ye mogya yeɛ ɔte ye ngoa ɔ; na ebiala bɔ okoli mogya ne, odi kyɛ bɛpɛ ye asue.

Lewitikɔso 17:4

ná wamva ye wamma ɛtena sua atenaleɛ anoa nu berɛ, wamma ammɔ afɔleɛ wamma AWURADE wɔ AWURADE ɛtena sua ne anyunu a, okoli mogya hagualɛ nwo fɔ. Waha mogya wagua, na odi kyɛ bɛpɛ ye asue befi maen ne anu.

Lewitikɔso 17:9

ná wamva wamma ɛtena sua atenaleɛ anoa nu berɛ wamma ammɔ afɔleɛ ne wamma AWURADE a, odi kyɛ bɛpɛ ye asue befi maen ne anu.

Lewitikɔso 18:29

Ofikyɛ ebiala bɔ ɔkɔyɔ akyiwadeɛ hemɔ anu biala ne, odi kyɛ bɛpɛ ye asue befi maen ne anu.

Lewitikɔso 19:8

Ebiala bɔ okoli bie ne, ye musue kɔbɔ ye ti so, ofikyɛ wafa efiɛ waha bɔ ɔte krongron ma AWURADE; na sɔ sona ne odi kyɛ bɛpɛ ye asue befi maen ne anu.

Lewitikɔso 20:17

“Sɛ bienzua bie fa oliɛma brasua bɔ ɔte ɔse awa anaa oni awa, ná ɔne ye bɛda fa ye yɛ ɔye, ma brasua ne wora fa ye yɛ ohu a, ɔte animguaseɛ; odi kyɛ bɛpɛ bɛ asue befi bɛ maen nu, bɔ bɛ maen ne anu ama nye tua bɛ ɔ. Ɔne oliɛma bala, odi kyɛ bɛtwe ye so.

Lewitikɔso 20:18

Sɛ bienzua bie ne brasua bɔ wabu ye sa bɛda a, wabukye nekaa bɔ brasua ne mogya fi ba ɔ so, yeɛ brasua ne koso wabukye nekaa bɔ ye bɔbɔ ye mogya fi ba ɔ so; odi kyɛ bɛpɛ bɛ munyɔ asue befi maen ne anu.

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Lewitikɔso 22:3

Se bɛ kyɛ, ‘Akyɛdeɛ krongron bɔ Yisraelfoɛ betu besie berɛ bɛma AWURADE ne, wɔ ɛmɔ aworɛ ndoatoasoɛ nu, sɛ ɛmɔ boso ama biala ba ye nwo wɔ mmerɛ bɔ sɔ sona ne nwo nde a, onni kyɛ bɛma ye ate maa ɔba me nyunu ko: Me ole AWURADE.

Lewitikɔso 23:29

Ebiala bɔ wangye hɔen sɔ kyẽa ne amukoraa ne, odi kyɛ bɛpɛ ye asue befi maen ne anu.

Numeri 15:30

Nakoso ebiala bɔ ye nye la ye nwo ná ɔkɔyɔ bɔne ne, kyɛ ɔte maen baa oo, anaa ɛwɔfoɛ oo, wabu AWURADE animtia, na odi kyɛ bɛpɛ ye asue befi ye mmenia nu.

Numeri 15:31

Ɔnate kyɛ sɔ sona ne wabu AWURADE noa dwirɛ animtia, ná wabu ye mmeraa dwirɛ so ne ati, odi kyɛ bɛpɛ ye asue korakora, na ye musue kɔbɔ ye ti so.”

Numeri 19:13

Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Numeri 19:20

Sona biala bɔ ye nwo agua fiɛ, nakoso bande ye nwo ne, sɔ sona ne odi kyɛ bɛpɛ ye asue befi mmenia ne anu, ofikyɛ wagua AWURADE nekaa krongron ne anwo fiɛ. Ɔnate kyɛ banhwie nzue krongron ne bangua ye nwo ne ati, ye nwo nde.

Numeri 4:18

“Kohatefoɛ mmusua mmusua ne, ɛ́mɔnea yé kyɛ bɛ boso ngonua wɔ Lewifoɛ nu ɔ.

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.