Ɛksadɔso 30:26 - AHYERƐLƐ KRONGRON

²⁶ Ná fa popa ɛtena sua atenaleɛ nu berɛ ne Adanzeɛ alaka ne,

Ɛksadɔso 30:26 Iomraidhean Croise

Ɛksadɔso 30:27

ɛpoen ne ne ye nwo nningyein amukoraati, kanea bakaa ne ne ye nwo nningyein, ɛyɛɛ afɔleɛ bokyea ne,

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Hesekiel 28:14

Wɔ yeɛ ɛte kɛrubo bɔ bapopa ye ngoo bɔ ɔkata so ɔ, né ɛwɔ Nyameɛ bokaa krongron ne aso, na nyɔboɛ see afia yeɛ né edi akɔneaba ɔ.

Numeri 17:2

“Ka kyire Yisraelfoɛ maa bɛma wɔ pɔmaa buru ne nyɔ. Dé fi bɛ bɔ betua bɛ nana mɔ sasofoɛ noa ne amukoraa bɛ dɔ; bɛ bɔ betua bɛ nana mɔ sasofoɛ noa ne, ebiala ye deɛ ko. Kyerɛ ebiala ye dumaa gua ye pɔmaa nwo,

Numeri 7:1

Kyẽa bɔ Mose sili nyianu sua ne yiele ne, ɔfale ɛpopalɛ ngoo popale ye, na ɔtele ye ne nu nningyein amukoraati nwo. Ɔfale ɛpopalɛ ngoo popale afɔleɛ bokyea ne, na ɔtele ye ne ye nwo nningyein amukoraati nwo.

Numeri 7:10

Kyẽa bɔ bɛpopale afɔleɛ bokyea ne ngoo ne, mbanyi nemɔ sá fale afɔleɛ bɛwale maa bɛfa betuli afɔleɛ bokyea ne bewurale AWURADE sa; mbanyi nemɔ fale b’afɔleɛ ne bɛwale afɔleɛ bokyea ne anyunu.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

1 Yohane 2:20

Nakoso ɛmɔ de, Krongronniɛ ne wapopa ɛmɔ ngoo, yiti ɛmɔse nikyee biala.

1 Yohane 2:27

Nakoso ɛmɔ de, ngoo bɔ wafa wapopa ɛmɔ ne, ɔte ɛmɔ nu, yiti onhia kyɛ ebie kohyirehyire ɛmɔ ɔ. Na sɔ ngoopalɛ ne ala kyirekyire ɛmɔ nikyee biala, ɔkã nahorɛ, ɔmbɛ ngondombo, na kyɛbɔ wahyirehyire ɛmɔ ne, ɛmɔli so.