Ɛksadɔso 30:24 - AHYERƐLƐ KRONGRON

²⁴ ɔne ɛmeɛ kilo nzia, kyɛbɔ nekaa krongron berɛ kilo nonɛ te ɔ, ɔne olive ngoo galɔn ko.

Ɛksadɔso 30:24 Iomraidhean Croise

Edwein 45:8

Korobo, pɛprɛ ne kandanguru ma wɔ tena nu bo fona. Ahemvie bɔ bafa ɛsoen gye baboro ye nwo ne, nu yeɛ bɛbɔ dwein bɛgyegye wɔ nye ɔ.

Ɛksadɔso 29:40

Fa ɛhe boka boaen akrɔngrɔma bɔ oli moa ne aso: esam paa olonka ko nu ngyɛmuɛ buru, bɔ bafa ngoo bɔ bahwi ɔ towaa ko ne bue bafra ɔ, ɔne bobe nzaa towaa ko ne bue bɔ ɛkɔfa kɔbɔ anonneɛ afɔleɛ ɔ.

Ɛksadɔso 30:23

“Fa ayirefona paa: korobo nzue bɔ nu nonɛ te kilo nzia, ayirefona kilo nza, ɔne ɛmanyire kilo nza,

Ɛksadɔso 30:25

Ná fa yɔ ɛpopalɛ ngoo krongron, sakyeɛfona kyɛbɔ sona bɔ ole ye nwo nimdeɛ afrafra nningyein ayɔ ɔ. Na ɔkɔyɛ ɛpopalɛ ngoo krongron.

Hesekiel 45:12

Sekel ko kɔyɛ gyera aburanyɔ. Sekel aburanyɔ, sekel aburanyɔ ne nnu ne sekel buru ne nnu yeɛ ɔkɔyɛ ɛmɔ mina ɔ.

Lewitikɔso 19:36

Ɛmɔ tonyi, ɛmɔ asusudeɛ nyɔboɛ, graa ɔne galɔn bɔ ɛmɔfa besusu nikyee ne, odi kyɛ ɔyɛ turoloo: Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so mmale ne.

Numeri 15:5

Afei koso, boaen akrɔngrɔma ko biala, fa bobe nzaa towaa ko ne bue yɛ anonneɛ afɔleɛ boka naen yeralɛ afɔleɛ anaa afɔleɛ ne aso.

Numeri 3:47

de bɛ nu biala ye ti nyɔboɛ sekel nnu, kyɛbɔ nekaa krongron berɛ sekel te nen; sekel bɔ nu nonɛ te gyera aburanyɔ ɔ.