Ɛksadɔso 30:17 - AHYERƐLƐ KRONGRON

¹⁷ Na AWURADE sele Mose kyɛ,

Ɛksadɔso 30:17 Iomraidhean Croise

1 Ahemvo 7:23

Afei Hiram hurole kɔɔbere fa yɔle nzim ne. Ofi ye noa kɔka ye noa ne, ɔte agyirɛ buru, yeɛ nu kuronn te agyirɛ nnu. Sɛ ɛfa ye nwo amukoraa bra yia a, ɔte agyirɛ aburasa.

1 Ahemvo 7:38

Ɔyɔle kɔɔbere ayaa buru. Ayaa biala fa nzue galɔn ɛyaa nyɔ aburanyɔ. Ayaa ko biala, fi ye noa kɔka ye noa ne, ɔte agyirɛ nna. Nyinasoɛ buru ne, ayaa gyi ko biala so.

2 Aberɛso Dwirɛ 4:6

Osa yɔle ayaa buru bɔ benwunzi naen bɔ bɛfa bɛbɔ naen yeralɛ afɔleɛ ne wɔ nu ɔ. Ɔfale nnu siesiele famaa so, yeɛ ɔfale nnu siesiele bɛen so. Nakoso angora kurukuru ne anu yeɛ né asɔfo nemɔ benwunzinwunzi bɛ bɔbɔ bɛ nwo ɔ.

Ɛksadɔso 30:16

Dide mbata sikaa ne fi Yisraelfoɛ berɛ, ná fa yɔ ɛtena sua atenaleɛ nu berɛ ɛsɔnenɛ nwo adwuma. Na ɔkɔyɛ Yisraelfoɛ nwo ngayeɛ wɔ AWURADE nyunu, ɔnate ɛmɔ ti nyɔboɛ tualɛ ne ati.”

Ɛksadɔso 30:18

“Fa kɔɔbere yɔ ayaa bɔ bekonwunzi bɛ nwo wɔ nu ɔ, ná fa kɔɔbere yɔ ye nyinasoɛ ne. Fa sie ɛtena sua atenaleɛ nu berɛ ɔne afɔleɛ bokyea ne b’afia, ná fa nzue gua nu.

Ɛksadɔso 38:1

Ɔfale bɔsema sili naen yeralɛ afɔleɛ bokyea ne koso. Ye tendenn nu te agyirɛ nnu, yeɛ ye tɛtrɛtɛɛ nu te agyirɛ nnu. Ɔte ahinanan, na ye aseɛnwo bɔ ɔkwaadwu ye anwuro ne te agyirɛ nza.

Ɛksadɔso 38:8

Ɔyɔle kɔɔbere ayaa, na ye nyinasoɛ ne koso te kɔɔbere. Na mmrasua bɔ bɛso wɔ ɛtena sua atenaleɛ anoa nu berɛ ne, bɛ neanu mɔ yeɛ ɔfa yɔle ɔ.