Ɛksadɔso 30:15 - AHYERƐLƐ KRONGRON

¹⁵ Sɛ ɛmɔfa afɔleɛbɔlɛ nikyee ne bɛbrɛ AWURADE, kyɛ ɛmɔfa bɛyɛ ɛmɔ ti mbata a, nnɛma sikafoɛ tua maa ɔbo sekel bue, yeɛ nnɛma ehiafoɛ tua bɔ ondwu sekel bue ɔ.

Ɛksadɔso 30:15 Iomraidhean Croise

2 Samuel 21:3

Yeɛ Dawide bisale Gibeonfoɛ kyɛ, “Nzu yeɛ ɛmɔkuro kyɛ meyɔ mema ɛmɔ ɔ? Nzikyɛ yeɛ ɛmɔkuro kyɛ mefa mepata ɛmɔ ɔ, bɔ ɔnate so ɛmɔkoyira AWURADE mmenia ɔ?”

YOB NWOMAA NE 34:19

ye bɔ ɔnnea atitirefoɛ bɛ dibea, ná ommu sikafoɛ ndra ehiafoɛ ne, ofikyɛ bɛ mukoraa bɛte ye sa noa adwuma.

Ɛksadɔso 30:12

“Sɛ ɛka Yisraelfoɛ kyɛbɔ ɔkɔyɛ bɔ ekonwu bɛ noa a, ɔsɛ kyɛ ebiala tua ye ti nyɔboɛ sikaa ma AWURADE, wɔ mmerɛ bɔ egu so ɛka bɛ ne, ná musue biala ando bɛ wɔ bɛ halɛ ne anu.

Ɛksadɔso 30:14

Ebiala bɔ wali afoɛ aburanyɔ bɔ ɔkɔ ne, bɔ bɛkɔha ye wɔ mmeniahalɛ ne anu ne, ɔkɔfa ye afɔleɛbɔlɛ nikyee kɔbrɛ AWURADE.

Ɛksadɔso 30:16

Dide mbata sikaa ne fi Yisraelfoɛ berɛ, ná fa yɔ ɛtena sua atenaleɛ nu berɛ ɛsɔnenɛ nwo adwuma. Na ɔkɔyɛ Yisraelfoɛ nwo ngayeɛ wɔ AWURADE nyunu, ɔnate ɛmɔ ti nyɔboɛ tualɛ ne ati.”

Ɛksadɔso 38:26

Sona horɛ biala tuale bika ko (bika ko te kilo ko nu ngyɛmuɛ ɛyaa nyɔ, kyɛbɔ nekaa krongron berɛ kilo nonɛ te ɔ). Bɛhale mmienzua mukoraa bɔ bali afoɛ aburanyɔ bɔ ɔkɔ ne, na né bɛte apee ɛyaa nzia ne nza ɔne ɛyaa nnu ne aburannu.

Anyandera 22:2

Nikyee ko he ma sikaniɛ ne ehianiɛ bɛte pɛ: AWURADE yeɛ ɔbɔle bɛ mu ɔ.

Hesekiel 45:16

Odi kyɛ aseɛ ne aso ama mukoraa bɛfa sɔ afɔleɛ ne bɛbrɛ Yisrael hene ne.

Lewitikɔso 17:11

Ofikyɛ anwoɔnaen biala, ye ngoa wɔ ye mogya nu; na mafa mogya mama ɛmɔ wɔ afɔleɛ bokyea ne aso kyɛ ɛ́mɔfa bɛ́yɛ mbata bɛ́ma ɛmɔ kra. Ngoa wɔ mogya nu, yiti mogya yeɛ odi kyɛ bɛfa bɛyɛ mbata ɔ.

Numeri 31:50

Na bɔ yɛ nu biala nwuni ye ne: sikaa kɔkorɛ mbembenanneɛ, bɛ bati ngaa ne bɛ sa kɔm ngaa, nzɔanoɛ ngaa, asomade ne akomuade, yafa AWURADE afɔleɛ yabrɛ ye, na yafa yapata yama yɛ kra wɔ AWURADE nyunu.”

Ɛfesofoɛ 6:9

Meneɛ mɔ, ɛmɔ koso ɛ́mɔyɛ bɛ sɔ ala, nnɛma ɛmɔyɛ bɛ so ahupoo; ofikyɛ ɛmɔse kyɛ bɔ ɔte ɛmɔ ne bɛ Meneɛ ne ɔwɔ nyameɛso, bɔ ye de, ɔnyɛ mmenia nu nyeyemuɛ ɔ.

Kolosefoɛ 3:25

Nakoso sona bɔ ɔyɔ bɔne ne, okonya bɔne bɔ ɔyɔ ne nwo akatuaa, ofikyɛ Nyameɛ nyɛ sona nu nyeyemuɛ