Ɛksadɔso 30:13 - AHYERƐLƐ KRONGRON

¹³ Ebiala bɔ bɛkɔha ye wɔ mmeniahalɛ ne anu ne, sɔaa yeɛ okotua ɔ: sekel bue, kyɛbɔ nekaa krongron berɛ sekel te ɔ, (sekel ko te gyera aburanyɔ.) Sɔ sekel bue ne te afɔleɛbɔlɛ nikyee ma AWURADE.

Ɛksadɔso 30:13 Iomraidhean Croise

Gyenesise 23:15

“Me mene, tie, aseɛ ye nyɔboɛ te ɛdwetɛ sekel ɛyaa nna, ɔte nzu koraa wɔ yɛ munyɔ y’afia? Sie wɔ fuin ne wɔ so.”

2 Ahemvo 12:4

Na Yehoase sele asɔfo nemɔ kyɛ, “Esikaa amukoraa bɔ ɔte akyɛdeɛ krongron bɔ mmenia fa ba AWURADE awuro, bɔ yeɛ ɔte esikaa bɔ bapɛ bama ebiala kyɛ otua ne, ɔne esikaa bɔ ofi akyɛdeɛ afɔleɛ bɔ bɛfa bɛba AWURADE awuro ne anu ne,

2 Ahemvo 12:5

odi kyɛ asɔfo nemɔ bede befi bɛ bɔ bɛbɔ afɔleɛ nemɔ berɛ. Na AWURADE awuro ne, ye nekaa biala bɔ odi kyɛ bɛyɔ ye yé ne, bɛ́fa bɛ́yɔ ye yé.”

Ɛksadɔso 30:14

Ebiala bɔ wali afoɛ aburanyɔ bɔ ɔkɔ ne, bɔ bɛkɔha ye wɔ mmeniahalɛ ne anu ne, ɔkɔfa ye afɔleɛbɔlɛ nikyee kɔbrɛ AWURADE.

Ɛksadɔso 38:24

Sikaa kɔkorɛ amukoraati bɔ bɛfa bɛyɔle adwuma ne, mekyire nekaa krongron ne nwo adwuma mukoraati, ɔte afɔleɛ sikaa, na ɔte kɔyɛ kilo apee ko, kyɛbɔ nekaa krongron berɛ kilo nonɛ te ɔ.

Ɛksadɔso 38:26

Sona horɛ biala tuale bika ko (bika ko te kilo ko nu ngyɛmuɛ ɛyaa nyɔ, kyɛbɔ nekaa krongron berɛ kilo nonɛ te ɔ). Bɛhale mmienzua mukoraa bɔ bali afoɛ aburanyɔ bɔ ɔkɔ ne, na né bɛte apee ɛyaa nzia ne nza ɔne ɛyaa nnu ne aburannu.

Hesekiel 45:12

Sekel ko kɔyɛ gyera aburanyɔ. Sekel aburanyɔ, sekel aburanyɔ ne nnu ne sekel buru ne nnu yeɛ ɔkɔyɛ ɛmɔ mina ɔ.

Lewitikɔso 27:25

Odi kyɛ bɛfa nekaa krongron berɛ sekel ne yeɛ bɛsesẽ nyɔboɛ ne amukoraa ɔ: gyera aburanyɔ te sekel ko.

Lewitikɔso 27:3

Bienzua biala bɔ wali afoɛ aburanyɔ bɔ ɔkwaadwu aburasia ne, ye ti nyɔboɛ te ɛdwetɛ sekel aburannu, kyɛbɔ nekaa krongron sekel te ɔ.

Lewitikɔso 5:15

“Sɛ ɛmɔ nu bie yɔ bɔne, bɔ ɔyɔ bɔne fa AWURADE nningyein krongron ne anu biala nwo, ná sɛ sɔ sona ne ɔnze kyɛ wayɔ bɔne a, odi kyɛ ɔfa mmoaen kure ne anu boaen nyii ko bɔ ollili nnɛen biala ɔ ɔbɔ foɛlilɛ afɔleɛ ma AWURADE. Pɛ ye nyɔboɛ ne wɔ sikaa nu, kyɛbɔ nekaa krongron berɛ sekel te ɔ; ɔte foɛlilɛ afɔleɛ.

Numeri 18:16

Sɛ wali ofi bosome ko bɔ ɔkɔ ne a, ye ti nyɔboɛ ne, sese ye ɛdwetɛ sekel nnu kyɛbɔ nekaa krongron berɛ sekel te ɔ (ɔte gyera aburanyɔ).

Numeri 3:47

de bɛ nu biala ye ti nyɔboɛ sekel nnu, kyɛbɔ nekaa krongron berɛ sekel te nen; sekel bɔ nu nonɛ te gyera aburanyɔ ɔ.

Numeri 7:67

Ye afɔleɛ ne ɛhe: talie ko bɔ bafa ɛdwetɛ bayɔ ɔ, bɔ nu nonɛ te kilo ko ne bue, ayaa ko bɔ bafa ɛdwetɛ bayɔ ɔ, bɔ nu nonɛ te kilo ko, kyɛbɔ nekaa krongron berɛ kilo nonɛ te ɔ. Né esam paa bɔ bafa ngoo bafra ye ɔ, bɔ bɛfa bɛbɔ aburoo afɔleɛ ɔ wayi bɛ munyɔ tɛkyɛ;

Numeri 7:86

Ayaa buru ne nyɔ bɔ bafa esikaa kɔkorɛ bayɔ, bɔ ɛyɛɛ ayi bɛ tɛkyɛɛ ne, bɛ nu biala nu nonɛ, ɛkyɛ kilo ko nu ɛyaa a, ɔte nu ngyɛmuɛ nza, kyɛbɔ nekaa krongron berɛ kilo nonɛ te ɔ. Na sikaa kɔkorɛ amukoraa bɔ bɛfa bɛyɔle ayaa nemɔ ne, nu nonɛ te kilo ko ne bue.

Mateo 17:24

Mmerɛ bɔ beedwuli Kapanɔm nen, asɔneyɛɛ sua nwo ɛtoɔdidelɛfoɛ wale Petro berɛ beebisale ye kyɛ, “Ɛmɔ kyerɛkyerɛniɛ ne, aso ondua ɛtoɔ ne anaa?”

Mateo 21:12

Yesu wurale [Nyameɛ] asɔneyɛɛ sua ne anu, na ɔfoane bɛ bɔ bɛtɔne nningyein ne bɛ bɔ bɛtɔ amukoraa fili asɔneyɛɛ sua nu berɛ. Na obutubutuli sikaasesãlɛfoɛ bɛ poen nemɔ, yeɛ bɛ bɔ bɛtɔne mmorɔnoma ɔ bɛ bia mɔ.

Mateo 27:24

Na Pilato nwuni kyɛ ɔngɔhora ngɔyɔ ye nwo hwee, ná mmom basabasayɔlɛ yeɛ ɔpena ba ne, ɔfale nzue nwunzini ye sa wɔ ɛlɔen ne anyunu berɛ, na ɔhane kyɛ, “Sona teneneeniɛ he, medi be wɔ ye mogya nwo. Ɛmɔ bɔbɔ ɛ́mɔyɔ bɔ ɛmɔkɔyɔ ɔ!”