Ɛksadɔso 30:1 - AHYERƐLƐ KRONGRON

¹ “Si afɔleɛ bokyea bɔ bɛkɔyera ɛyɛɛ so ɔ; bɔsema yeɛ fa si ɔ.

Ɛksadɔso 30:1 Iomraidhean Croise

1 Ahemvo 6:20

Nekaa krongron ne akunu, ye tendenn nu te agyirɛ aburanyɔ, ye tɛtrɛtɛɛ nu te agyirɛ aburanyɔ, yeɛ ofi ye aseɛnwo bɔ ɔkwaadwu ye anwuro ne, ɔte agyirɛ aburanyɔ. Ɔfale esikaa kɔkorɛ paa yeɛ ɔborole nu ɔ. Na ɔfale sida lele afɔleɛ bokyea ne anwo bra yiale.

1 Ahemvo 6:22

Afei ɔfale esikaa kɔkorɛ borole sua ne amukoraati nu maa sua ne anu yɛle nyemene. Afɔleɛ bokyea bɔ ɔwɔ nekaa krongron berɛ ne po, ɔfale esikaa kɔkorɛ borole ye nwo amukoraa.

1 Ahemvo 7:48

Solomon yɔle nningyein amukoraa bɔ bɛwɔ AWURADE awuro ne. Bɛ ole: esikaa kɔkorɛ afɔleɛ bokyea ne, esikaa kɔkorɛ poen bɔ bɛfa paanoo krongron begua so ne,

1 Aberɛso Dwirɛ 28:18

esikaa kɔkorɛ paa somaa bɔ odi kyɛ bɛfa bɛyɔ ɛyɛɛ bokyea ne ɔ. Yeɛ afei esikaa kɔkorɛ paa somaa bɔ odi kyɛ bɛfa bɛyɔ esikaa kɔkorɛ teaseɛnam, kɛrubim bɔ bɛ ndaa nu atrɛtrɛ akata AWURADE apam alaka ne aso ne.

1 Aberɛso Dwirɛ 6:49

Na Aarɔn ne ye mma mmienzua nemɔ, bɛbɔle afɔleɛ wɔ naen yeralɛ afɔleɛ bokyea, ɔne ɛyɛɛ afɔleɛ bokyea nemɔ aso. Na bɛyɔle krongron nu krongron berɛ adwuma ne amu bɛfa bɛpatale bɛmane Yisrael, kyɛbɔ ahyɛdeɛ amukoraa bɔ AWURADE somvoɛ Mose hyɛ mane bɛ ne, ɔte ne ala.

2 Aberɛso Dwirɛ 26:16

Nakoso mmerɛ bɔ Yusia nyane tumi ne, ɔyɛle anwomasoɛ, na ɔnate so ye ayieleɛ wanyie ye yé. Ɔyɔle bɔne tiale AWURADE ye Nyameɛ, ofikyɛ ye bɔbɔ ɔhɔle AWURADE asɔneyɛɛ sua ne anu ɔɔyerale ɛyɛɛ wɔ ɛyɛɛ afɔleɛ bokyea ne aso.

Ɛksadɔso 30:10

Afoɛ biala, ɔsɛ kyɛ Aarɔn bɔ bɔne nwo afɔleɛ wɔ ye mmɛen nemɔ aso. Ɔkɔfa bɔne nwo mbata afɔleɛ mogya kɔpata komapɛ afoɛ biala, wɔ ɛmɔ aworɛ ndoatoasoɛ mukoraati nu. Ɔte krongron paa ma AWURADE.”

Ɛksadɔso 30:2

Ma ye tendenn nu yɛ agyirɛ ko, ná ye tɛtrɛtɛɛ nu yɛ agyirɛ ko. Maa ɔyɛ ahinanan, ma ye aseɛnwo bɔ ɔkwaadwu ye anwuro ne ɔyɛ agyirɛ nyɔ. Ma ye mmɛen nemɔ béfi sɔ bakaa kundunzii komapɛ ne ala nu.

Ɛksadɔso 31:8

ɛpoen ne ne ye nwo nningyein, kanea bakaa bɔ ye nwo te ne, ɔne ye nwo nningyein amukoraa, afɔleɛ bokyea bɔ bɛyera ɛyɛɛ so ne,

Ɛksadɔso 35:15

afɔleɛ bokyea bɔ bɛyera ɛyɛɛ so ɔ, ɔne ye mbuna mɔ, ɛpopalɛ ngoo, ayirefona, ɔne ɛtena bɔ bɛkɔfa konwi nyianu sua ne anoa nu berɛ ɔ;

Ɛksadɔso 39:38

sikaa kɔkorɛ afɔleɛ bokyea ne, ɛpopalɛ ngoo ne, ayirefona ne, ɔne ɛtena bɔ onwi ɛtena sua anoa nu berɛ ne;

Ɛksadɔso 40:5

Sikaa kɔkorɛ afɔleɛ bokyea bɔ bɛyera ɛyɛɛ so ne, fa sie Adanzeɛ alaka ne nyunu, ná fa nyianu sua anoa nu berɛ tena ne nwi berɛ.

Hesekiel 41:22

bakaa afɔleɛ bokyea, bɔ ofi ye aseɛnwo bɔ ɔkwaadwu ye anwuro ne, ɔte agyirɛ nza ɔ, ye tendenn nu te agyirɛ nyɔ, [ye tɛtrɛtɛɛ nu te agyirɛ nyɔ]. Na ye ndweasoɛ nemɔ, ye nyinasoɛ nemɔ ne ye fasue nemɔ te bakaa. Na biaa ne sele me kyɛ, “Ɛpoen he yeɛ ogyi AWURADE nyunu ne.”

Lewitikɔso 4:18

Afɔleɛ bokyea mmɛen mɔ bɔ bɛwɔ AWURADE nyunu wɔ ɛtena sua atenaleɛ nu berɛ ne, odi kyɛ ɔfa mogya ne bie ogua so. Na naen yeralɛ afɔleɛ bokyea ne bɔ ɔwɔ ɛtena sua atenaleɛ nu berɛ ne de, odi kyɛ ohwie mogya ne ngaa ne gua ye bo.

Lewitikɔso 4:7

Ɛyɛɛ fona afɔleɛ bokyea mmɛen mɔ bɔ bɛwɔ ɛtena sua atenaleɛ nu berɛ ne, odi kyɛ ɔsɔfo ne fa mogya ne bie oguagua so wɔ AWURADE nyunu. Na naen yeralɛ afɔleɛ bokyea bɔ ɔwɔ ɛtena sua atenaleɛ anoa nu berɛ ne, odi kyɛ ohwie nandwie mogya ne ngaa ne ogua ye bo.

Numeri 3:31

B’adwuma ole kyɛ bɛkɔnea ɛhemɔ aso: apam alaka ne, ɛpoen ne, kanea bakaa ne, afɔleɛ bokyea nemɔ, nekaa krongron berɛ nningyein bɔ asɔfo nemɔ fa yɔ ɛsɔnenɛ adwuma ne, ɔne mbɛmuɛ ɛtena ne, ɔne sɔ nningyein nemɔ nwo adwuma amukoraa.

Numeri 4:11

Odi kyɛ bɛfa ɛtena bibire bɛsɛ afɔleɛ bokyea bɔ bafa sikaa kɔkorɛ bayɔ ne aso, ná bɛ́fa abɔngye nwomaa ngatasoɛ bɛ́kata so, ná bɛ́fa ye mbuna nemɔ bewurawura nu.

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.

Nyekyire 8:3

Na abɔfo foforɛ bɔ otira sikaa kɔkorɛ ɛyɛɛ kulie ɔ oogyinane afɔleɛ bokyea ne anwo; na bɛmane ye ɛyɛɛ pee kyɛ ɔfa boka anwoteefoɛ amukoraa mbaeɛ so ɔbɔ afɔleɛ, wɔ sikaa kɔkorɛ afɔleɛ bokyea bɔ ɔwɔ ahennie bia ne nyunu ne aso.