Ɛksadɔso 3:7 - AHYERƐLƐ KRONGRON

⁷ Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Ɛksadɔso 3:7 Iomraidhean Croise

Gyenesise 16:11

Na AWURADE abɔfo ne sele ye bieku kyɛ, “Nea, ɛnwonzɛ, ɛkɔwo baa bienzua, na ɛkɔto ye dumaa Yismael, ofikyɛ w’aworabɔlɛ ne adwu AWURADE nyunu.

Gyenesise 18:21

ngodwu ngɔɔnea sɛ bɔ bayɔ ne, ye nwo abubue yeɛ waadwu me nyunu ne anaa. Na sɛ nna sɔ yeɛ ɔte hɔ a, ngonwu ye.”

Gyenesise 21:17

Nyameɛ tele akwadaa ne suɛ, na Nyameɛ abɔfo frɛle Hagar fili nyameɛso bisale ye kyɛ, “Hagar, nzikyɛ yeɛ ɔha wɔ ɔ? Nnɛsuro, ofikyɛ esuɛ bɔ akwadaa ne ɔla berɛ bɔ osũ ne, Nyameɛ ate.

Gyenesise 29:32

Lea nwonzɛle, na ɔwole baa bienzua, na ɔtole ye dumaa Ruben. Na ɔhane kyɛ, “AWURADE anwu m’amaneɛ bɔ méfa nu ne ati, kekesaala ye de me hu kohuro me.”

Gyenesise 31:12

Osele me kyɛ, ‘Pagya wɔ ti na nea: ngaka nyii bɔ bɛ́fo mmeleɛ ne amukoraa bɛ nwo te kyerekyerɛɛ, ndetaa ndetaa ne nworonworaen; ofikyɛ me nye tua bɔ Laban ɔ́fa di wɔ ne amu.

Gyenesise 31:42

Me baba ye Nyameɛ bɔ yeɛ ɔte Abraham ye Nyameɛ, na osa te Nyameɛ bɔ Yisake suro ye ne, sɛ wangyina me si a, ahaa ɛmaa mvale nzanza ngɔle. Na Nyameɛ nwuni m’ateetee ne me fɛɛ, yiti yeɛ ɔmaa ɔhane wɔ nyunu anoma kɔngɔen ne.”

2 Samuel 22:28

Ɛpepɛ de anwobrɛaseɛfoɛ, nakoso anwomasoɛfoɛ de, wɔ nye sa bɛ maa ɛbrɛ bɛ ase.

2 Ahemvo 13:4

Nakoso Yehoahase sũ frɛle AWURADE, na AWURADE tiele ye, ofikyɛ AWURADE nwuni kyɛbɔ Siria hene osi teetee Yisraelfoɛ ɔ.

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

Nehemia 9:9

“Yɛ nana mɔ bɔ né bɛwɔ Misraim ne, enwuni amaneɛ bɔ né bɛwɔ nu ɔ, na etiele bɛ sufrɛ wɔ Ɛpo Kɔkorɛ noa.

Edwein 106:44

Nakoso onwuni amaneɛ bɔ né benwu ye ne, na otiele bɛ sufrɛ.

Edwein 12:6

AWURADE bɔhyɛ te bɔhyɛ bɔ ye nwo te ɔ, ɔte kyɛ ɛdwetɛ bɔ bapɔ ye nwo wɔ ɛfaa afaa nu ɔ, bɔ bapɔ ye nwo pɛen nzoo ɔ.

Edwein 142:3

Sɛ me kra boto a, wɔ yeɛ ɛse m’atee ɔ. Atee bɔ mefa so ne, basua me ngaen bafea wɔ so.

Edwein 145:19

Ɔyɔ bɛ bɔ besuro ye ɔ b’apɛdeɛ ma bɛ; afei koso otie bɛ sufrɛ, na ɔpepɛ de bɛ.

Edwein 22:24

Ofikyɛ amaneɛnwunɛniɛ ne, ye amaneɛ ne, wammu ye nye wangua so, yeɛ wanye ye nye wamvea ye, na mmom osũ frɛle ye ne, otiele ye sufrɛ.

Edwein 34:4

Mbenane AWURADE si atee, na obuale me, na ɔpepɛ lele me fili nikyee bɔ mesuro biala ɔ nu.

Edwein 34:6

Sɔ anwumvoinniɛ he, osuni, na AWURADE tiele ye sufrɛ, ná ɔpepɛ lele ye fili ye amaneɛ amukoraa nu.

Edwein 35:22

Ao AWURADE, naa anwu ye; nnɛkã wɔ noa to nu! Ao AWURADE, nnɛyakyi me nu!

Edwein 9:14

amaa ɔnate so mabɔ w’ayɛyelɛ amukoraa nwo dawure. Na ɔnate elelɛ bɔ ale me ne ati, ngoli ahurusi wɔ Sion awa brasua pambim ne anu.

Ɛksadɔso 1:11

Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ.

Ɛksadɔso 1:8

Na ɛhene foforɛ bie bɔ né ɔnze Yosef oolili Misraim bia ne.

Ɛksadɔso 22:23

Sɛ ɛmɔsisi bɛ ná besu bɛfrɛ me a, ngotie bɛ suɛ ne paa;

Ɛksadɔso 33:13

Yiti mesrɛ wɔ, sɛ alo me de a, nzaade maa nwu wɔ ti anu adwene, amaa ɔnate so manwu wɔ, ná alo me. Afei koso, nwu ye kyɛ mmenia hemɔ te wɔ maen.”

Ɛksadɔso 5:10

Yiti maen adwumayɔlɛfoɛ mɔ so mbanyi, yeɛ adwumayɔlɛfoɛ mɔ so neafoɛ mɔ hɔle beesele mmenia ne kyɛ, “Faro nwa: ‘Mengɔma ɛmɔ ɛserɛ ko.’

Ɛksadɔso 5:6

Sɔ kyẽa ne ala, Faro hyɛle maen adwumayɔlɛfoɛ mɔ so mbanyi, yeɛ adwumayɔlɛfoɛ mɔ so neafoɛ mɔ kyɛ,

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Numeri 20:16

Yɛsu yɛfrɛle AWURADE. Otiele yɛ suɛ, na ɔsomane abɔfo maa ɔɔyele yɛ fili Misraim. Kekesaala ye yɛwɔ Kadese, kuro bɔ ɔwɔ w’aseɛ ne noa ne aso.

Asomafoɛ 7:34

Manwu amaneɛ bɔ me mmenia nwu ye wɔ Misraim. Mate b’esuɛ koso, na madwu mawa ase kyɛ mebaaye bɛ mefi ngoaasolɛ nu. Yiti bra ma nzoma wɔ ma ɛhɔ Misraim.’

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

1 Samuel 9:16

“Ɛhema, bekye sɔa ala, ngɔma biaa bie bɔ ofi Benyamin aseɛ so kɔwa wɔ berɛ, na fa ɛpopalɛ ngoo popa ye ma oli me maen Yisrael so hene. Ɔkɔpepɛ kole me maen kofi Filistifoɛ sa nu, ofikyɛ manwu amaneɛ bɔ me mmenia benwu ye ne, na bɛ suɛ adwu me nyunu.”