Ɛksadɔso 3:6 - AHYERƐLƐ KRONGRON

⁶ Na ɔfa sɔle so kyɛ, “Me ole wɔ baba Nyameɛ ne, Abraham Nyameɛ ne, Yisake Nyameɛ ne Yakob Nyameɛ ne. Na Mose fale ye nyunu feale, ofikyɛ né osuro kyɛ ɔkɔnea Nyameɛ ɔ.

Ɛksadɔso 3:6 Iomraidhean Croise

Gyenesise 12:1

Na AWURADE sele Abram kyɛ, “Tu fi wɔ maen nu, w’abusuafoɛ nu, ɔne ɛse awuro, ná kɔ aseɛ bɔ mebaahyire wɔ ne aso.

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 17:3

Afei Abram fale ye nyunu butuli berɛ, na Nyameɛ sele ye kyɛ,

Gyenesise 24:12

Na ɔbɔle mbaeɛ kyɛ, “O AWURADE, me mene Abraham Nyameɛ, mesrɛ wɔ ala, maa ɔyɛ yee ma me ɛnɛ, ná kyire kyɛ ekuro me mene Abraham dwirɛ paa.

Gyenesise 26:24

Na AWURADE yele ye nwo ali hyirele Yisake sɔ kɔngɔen ne ala, na osele ye kyɛ, “Me ole wɔ baba Abraham ye Nyameɛ. Nnɛsuro, ofikyɛ ngyi wɔ si. Ɔnate m’akoaa Abraham ti ngoyira wɔ na mamaa wɔ bosofoɛ asone.”

Gyenesise 28:13

Ɛlaleɛ ne anu, né AWURADE gyi ye ti sorɔ, na osele kyɛ, “Me ole AWURADE, wɔ nana Abraham ye Nyameɛ bɔ ɔte Yisake koso ye Nyameɛ ne. Ngɔfa aseɛ he bɔ yeɛ ɛla so kekesaala ye ngɔma wɔ ne wɔ bosofoɛ.

Gyenesise 28:17

Ɛserɛ hane ye, na osele kyɛ, “Kyɛ ɛwa yɛ suro paa hɔ ɛhe! Nna hwee kyɛ Nyameɛ awuro ɔ, nyameɛso anoa ɔ.”

Gyenesise 31:42

Me baba ye Nyameɛ bɔ yeɛ ɔte Abraham ye Nyameɛ, na osa te Nyameɛ bɔ Yisake suro ye ne, sɛ wangyina me si a, ahaa ɛmaa mvale nzanza ngɔle. Na Nyameɛ nwuni m’ateetee ne me fɛɛ, yiti yeɛ ɔmaa ɔhane wɔ nyunu anoma kɔngɔen ne.”

Gyenesise 32:9

Na Yakob bɔle mbaeɛ kyɛ, “O me nana Abraham Nyameɛ bɔ ɛte me baba Yisake Nyameɛ, O AWURADE bɔ esele me kyɛ, ‘Sá kɔ wɔ maen nu ne wɔ mmenia berɛ, na ngogyina wɔ si’ ɔ,

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

1 Ahemvo 19:13

Elia tele komviɛ ne nen, ɔfale ye ataadeɛ aguasoɛ kyekyele ye nyunu, na ofitele oogyinane nyɔboɛ bɔ wasi sua ne anoa. Berɛ, komviɛ bie bisale ye kyɛ, “Elia, w’amaneɛ wɔ wa?”

Nehemia 9:9

“Yɛ nana mɔ bɔ né bɛwɔ Misraim ne, enwuni amaneɛ bɔ né bɛwɔ nu ɔ, na etiele bɛ sufrɛ wɔ Ɛpo Kɔkorɛ noa.

Ɛseta 3:4

Bebisale ye daa biala, nakoso ɔyɛle ye adwene kyɛ ɔngɔyɔ bɔ bɛka ne. Yiti bɛbɔle Haman amaneɛ bɛneane, sɛ Modekae kɔhɔ so kɔyɔ sɔ a, ofikyɛ né Modekae aha ahyire bɛ kyɛ ɔte Yudaniɛ.

Edwein 132:2

kyɛbɔ ɔtale ndaen hyirele AWURADE, ná ɔhyɛle Yakob ye Tuminiɛ ne bɔ kyɛ,

Ɛksadɔso 15:2

AWURADE te m’anwoserɛ ne me dwein, na wayɛ me ngoadefoɛ. Ɔte me Nyameɛ, na ngɔye ye ayɛ, me baba Nyameɛ ɛne, na ngɔma ye so.

Ɛksadɔso 29:45

Ngɔtena Yisraelfoɛ nu, ná mayɛ bɛ Nyameɛ.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Ɛksadɔso 33:20

Na ɔfa sɔle so kyɛ, nakoso ɛngɔhora ngonwu me nyunu, ofikyɛ sona nnwu me nyunu ná onnya ngoa.

Ɛksadɔso 4:5

Na AWURADE sele kyɛ, “Ɛhe kɔmaa bekole bekoli kyɛ AWURADE, bɛ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ waye ye nwo ali wahyire wɔ ɔ.”

Yeremia 24:7

Na ngɔma bɛ nimdeɛ bɔ ɔkɔmaa bekonwu me kyɛ me ole AWURADE ɔ. Bɛkɔyɛ me maen, ná me wora mayɛ bɛ Nyameɛ, ofikyɛ bɛkɔfa b’ahone amukoraa bekosa bɛkɔwa me berɛ.

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Yeremia 32:38

Bɛkɔyɛ me maen, ná me koso mayɛ bɛ Nyameɛ.

Hesekiel 11:20

amaa ɔnate so bali m’ahyɛdeɛ so, ná bafa me nhyehyɛleɛ babɔ bɛ bra, ná bayɛ ye nwo sotie, ná bayɛ me maen, ná me koso mayɛ bɛ Nyameɛ.

Sakaria 8:8

na ngɔfa bɛ ngɔwa maa bɛkɔɔtena Yerusalem; bɛkɔyɛ me maen, na me koso mayɛ bɛ Nyameɛ, wɔ nahorɛ ne tenenee nu.”

Mateo 17:6

Na asuafoɛ nemɔ tele sɔ dwirɛ nen, bɛfale bɛ nyunu bebutubutuli berɛ, na ɛserɛ hane bɛ paa.

Mateo 22:32

kyɛ ‘Me ole Abraham Nyameɛ, Yisake Nyameɛ ne Yakob Nyameɛ’? Nyameɛ ɔtte awufoɛ Nyameɛ, na mmom ɔte ateasefoɛ Nyameɛ.”

Marko 12:26

Bɔ ɔfa awufoɛ dwɔsolɛ nwo de, aso ɛmɔkkenngale ye wɔ Mose nwomaa ne anu, kyɛbɔ Nyameɛ dwudwo hyirele ye wɔ ngyɛkyerɛ ne anu kyɛ, ‘Me ole Abraham Nyameɛ, Yisake Nyameɛ ne Yakob Nyameɛ’ ne?

Luka 20:37

Na ɔfa awufoɛ dwɔsolɛ nwo de, Mose koso maa yɛnwu ye wɔ ngyɛkyerɛ ne nwo dwirɛ ne anu, mmerɛ bɔ ɔfrɛ Awurade kyɛ: Abraham Nyameɛ, Yisake Nyameɛ ne Yakob Nyameɛ’ ne.

Luka 5:8

Na Simɔn nwuni ye sɔ nen, obuli ndwerɛ Yesu nyunu berɛ hane kyɛ, “O Awurade, fi me nwo wa kɔ, ofikyɛ nde sona bɔnefoɛ.”

Asomafoɛ 7:32

‘Me ole wɔ nana mɔ Nyameɛ, Abraham ne Yisake ne Yakob Nyameɛ.’ Na Mose nwo wosowosole ye, na wangora wandindim wangɔannea ye ko.

Asomafoɛ 7:34

Manwu amaneɛ bɔ me mmenia nwu ye wɔ Misraim. Mate b’esuɛ koso, na madwu mawa ase kyɛ mebaaye bɛ mefi ngoaasolɛ nu. Yiti bra ma nzoma wɔ ma ɛhɔ Misraim.’

Deuteronomi 6:3

Yiti, Yisrael, tie, ná nea kyɛ ekoli so ɔ, amaa ɔnate so wayie wɔ yé, ná wɔ boso atrɛ pee wɔ aseɛ bɔ nyɔfonesue ne woɛ tengyɛ wɔ so ne aso, kyɛbɔ AWURADE wɔ nana mɔ Nyameɛ ahyɛ wɔ bɔ ne.

Hebrifoɛ 11:16

Nakoso afei, maen paa bɔ ɔte nyameɛso maen yeɛ bɛpena ɔ. Yiti ɔnyɛ Nyameɛ nya kyɛ bɛkɔfrɛ ye bɛ Nyameɛ ɔ, ofikyɛ wasiesie kuro bie wama bɛ.

Hebrifoɛ 12:21

Na bɔ osili berɛ ne, kyɛbɔ ye suronyi si te ne ati, ɔmaa Mose hane kyɛ, “Mesuro, na me nwo wosowoso me.”

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

Maenbulɛfoɛ 13:22

Yeɛ Manoa sele ɔye kyɛ, Ewue yeɛ yɛbaawu ɔ, ofikyɛ yanwu Nyameɛ.”