Ɛksadɔso 3:5 - AHYERƐLƐ KRONGRON

⁵ Na AWURADE hane kyɛ, “Nnɛpingye wa! Puropuro wɔ gya nu mbaboa ne, ofikyɛ nekaa bɔ egyi ne te aseɛ krongron.”

Ɛksadɔso 3:5 Iomraidhean Croise

Ɛksadɔso 19:12

To ɛwɛen fa bokaa ne anwo bɔ mmenia ne ngɔbɔ ngɔtra ɔ, ná ka kyɛ, ‘Ɛ́mɔnea yé ná ɛmɔamvo bangɔ bokaa ne aso, anaakyɛ ɛmɔandra ɛwɛen ne. Ebiala bɔ ɔkɔfa ye nwo kɔha bokaa ne nen, ɔsɛ kyɛ beku ye.

Ɛksadɔso 19:21

Na AWURADE sele Mose kyɛ, “Dwu kɔ aseɛnwo dɔ kɔbɔ mmenia ne kɔkɔ, ná bandra ɛwɛen ne bamma kyɛ bɛbaanea AWURADE, ná bɛ nu pee anwuwu.

Ɛksadɔso 4:28

Mose fale AWURADE dwirɛ bɔ wafa wasoma ye ne amukoraa, ɔne nzɛngyerɛnneɛ bɔ wahyɛ ye kyɛ ɔyɔ ne nwo amaneɛ bɔle Aarɔn.

Nworɛ Dwirɛhanɛniɛ 5:1

Sɛ ɛkɔ Nyameɛ awuro a, nea wɔ nwo yé wɔ bɔ ɛkɔyɔ ɔ nwo. Ɛkɔ berɛ kotie ye a, ɔte paa tra afɔleɛ bɔ ngwaseafoɛ bɛbɔ ɔ. Ofikyɛ bɛ de, bɛnze kyɛ bɔne yeɛ bɛyɔ ɔ.

Yeremia 30:21

Bɛ bɔbɔ bɛ nu yeɛ b’atitirefoɛ kofi ɔ, yeɛ bɛ maenbulɛniɛ ne koso kofi bɛ nu. Ngɔmaa ɔkɔhwe kopingye, na okopingye me; ofikyɛ nwa yeɛ ɔkɔhora kosi ye hue kopingye me ɔ? AWURADE noa dwirɛ ɛne.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Asomafoɛ 7:33

Na Awurade sele ye kyɛ, ‘Ye wɔ gya kunu mbaboa ne, ofikyɛ nekaa bɔ egyi ne te aseɛ krongron.

Deuteronomi 23:14

Na ɔnate kyɛ AWURADE wɔ Nyameɛ natenate w’asikyeleɛ ne anu, kyɛ ɔbaale wɔ, ná ɔfa wɔ pɔfoɛ mɔ wura wɔ sa ne ati, ma w’asikyeleɛ ne anu yɛ krongron, ná wannwu nikyee tɛɛ biala wɔ wɔ nu, ná wanyakyi wɔ berɛ wangɔ.

Hebrifoɛ 12:20

Ɔnate kyɛ bangora Nyameɛ ahyɛdeɛ ne noa gyina. Ɔnwa, “Sɛ kaka po fa ye nwo kã bokaa ne a bɛboro ye nyɔboɛ (behũ ye).”

Yosua 5:15

Na AWURADE lɔen so safohene ne buale Yosua kyɛ, “Puropuro wɔ gya nu mbaboa ne, ofikyɛ nekaa bɔ egyi ne te krongron.” Na Yosua yɔle sɔ.

2 Petro 1:18

yɛtele sɔ komviɛ ne kyɛ ofi nyameɛso yeɛ ɔwale ɔ, ofikyɛ né yɛne ye yeɛ yɛwɔ bokaa krongron ne aso ɔ.