Ɛksadɔso 3:4 - AHYERƐLƐ KRONGRON

⁴ Na AWURADE nwuni kyɛ wamakye wafa dɔ ɔkwaanea nen, ɔfrɛle ye fili ngyɛkyerɛ ne anu kyɛ, “Mose! Mose! Na osurole kyɛ, “Me ɛhe.”

Ɛksadɔso 3:4 Iomraidhean Croise

Gyenesise 22:1

Ɛhemɔ asi ne, Nyameɛ sole Abraham neane. Ɔfrɛle ye kyɛ, “Abraham!” Na Abraham surole kyɛ, “Me ɛhe.”

Gyenesise 22:11

Nakoso AWURADE abɔfo ne frɛle ye fili nyameɛso kyɛ, “Abraham! Abraham!” Na osurole kyɛ, “Me ɛhe.”

Gyenesise 28:16

Yakob fili nnaa nu tingyele na osele kyɛ, “Amba, AWURADE wɔ wa, yeɛ saa né menze ye!”

Gyenesise 46:2

Na Nyameɛ dwudwo hyirele Yisrael kɔngɔen ne wɔ nyekyire nu. Ɔfrɛle ye: “Yakob, Yakob,” na osurole kyɛ, “Me ɛhe.”

Edwein 62:11

Nyameɛ dwudwole komapɛ, na mate ye pɛen nyɔ so kyɛ, Tumi te Nyameɛ deɛ’.

Ɛksadɔso 19:3

Mose fo hɔle Nyameɛ berɛ. AWURADE frɛle ye fili bokaa ne aso sele ye kyɛ, “Edwirɛ he yeɛ ka kyire Yakob bosofoɛ ɔ. Ka kyire Yisraelfoɛ kyɛ,

Ɛksadɔso 3:2

Na AWURADE abɔfo yele ye nwo ali hyirele ye wɔ ngyɛkyerɛ bie bɔ né ogye wuronyiwuronyi nu. Mose neane, edwirɛ nwanwa, onwuni kyɛ ngyɛkyerɛ ne ogye de, nakoso né ɔnyera.

Ɛksadɔso 33:12

Na Mose sele AWURADE kyɛ, “Tie oo, wɔ ala yeɛ ɛkã kyire me kyɛ, ‘Fa mmenia hemɔ kɔ,’ nakoso ɛmma nnwuni sona bɔ ɛkɔsoma ye maa ɔne me kɔhɔ ɔ. Nakoso wɔ komapɛ ne ala yeɛ aha kyɛ, ‘Mese wɔ paa ne wɔ dumaa, na malo wɔ.’

Ɛksadɔso 4:5

Na AWURADE sele kyɛ, “Ɛhe kɔmaa bekole bekoli kyɛ AWURADE, bɛ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ waye ye nwo ali wahyire wɔ ɔ.”

Lewitikɔso 1:1

AWURADE frɛle Mose, na ɔhã hyirele ye fi ɛtena sua atenaleɛ ne anu kyɛ,

Asomafoɛ 10:13

Na komviɛ bie sele ye kyɛ, “Petro, dwɔso ná ku bɛ di!”

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 9:4

Ɔpɛ fini, na ɔtele edwudwolɛ bie kyɛ, “Sɔɔlo, Sɔɔlo! Nzu ati yeɛ ɛtane me nye ye?”

Deuteronomi 33:16

Ma ye aseɛ so nningyein paa mukoraati. Mesrɛ kyɛ, Nyameɛ bɔ ɔyele ye nwo ali wɔ ngyɛkyerɛ nu ne, ɔlo ye. Ma saleɛ hemɔ amukoraati ɔ́yɛ Yosef ti so abotire, ye bɔ odi oliɛma mɔ so hene ne, maa ɔbɔ ye nwoma so.

1 Samuel 3:10

AWURADE wale oogyinane berɛ. Na kyɛbɔ olili moa yɔle ne ala, ɔfrɛle kyɛ, “Samuel! Samuel!” Yeɛ Samuel surole kyɛ, “Dwudwo, na wɔ somvoɛ ótie.”

1 Samuel 3:4

Na AWURADE frɛle Samuel kyɛ, “Samuel! Samuel!” Na osurole kyɛ, “Me ɛhe.”

1 Samuel 3:6

Na AWURADE sa frɛle Samuel kyɛ, “Samuel!” Na Samuel dwɔsole hɔle Eli berɛ oosele ye kyɛ, “Ɛfrɛle me, me ɛhe.” Nakoso Eli buale kyɛ, “Mma, mmvrɛle wɔ, sa kɔla.”

1 Samuel 3:8

AWURADE sa frɛle Samuel ye pɛen nza so. Na odwɔsole hɔle Eli berɛ ɔɔhane kyɛ, “Ɛfrɛle me, me ɛhe.” Na Eli nwuni kyɛ AWURADE yeɛ ɔ́frɛ abɛɛmaa ne ɔ.