Ɛksadɔso 3:22 - AHYERƐLƐ KRONGRON

²² Yisrael brasua biala kobisa ɛdwetɛ ne sikaa kɔkorɛ mbembenanneɛ ne ndena kofi Misraim brasua bɔ ɔne ye bɛte bepingye ɔ berɛ, ɔne Misraim brasua biala bɔ ɔte ye awuro ɔ berɛ, na ɛmɔkɔfa sɔ nningyein ne bekosiesie ɛmɔ mma mmienzua ne mmrasua mɔ nwo. Na ɛhe kɔmaa ɛmɔkonya koɛ nu nzesadeɛ bekofi Misraimfoɛ berɛ.”

Ɛksadɔso 3:22 Iomraidhean Croise

Gyenesise 15:14

Nakoso ngobua maen bɔ bɛkɔso ye ne ndɛen, na ɛhe asi ye, bɛkɔfa anwonya pee paa bekofi maen ne anu bɛkɔhɔ.

Gyenesise 24:53

Afei somvoɛ ne yele ɛdwetɛ ne sikaa kɔkorɛ mbembenanneɛ ne ɛtena, na ɔfa mane Rebɛka. Osa mane oliɛma bienzua ne oni nningyein bɔ ye nyɔboɛ yɛ se ɔ.

Edwein 105:37

Yeɛ ɔmane Yisrael nyane ɛdwetɛ ne esikaa kɔkorɛ, na ɔyele bɛ fili berɛ hɔle, na ebiala nne ye mmusua kure nemɔ anu bɔ ɔyɛle mmerɛ ɔ.

Ɛksadɔso 11:2

Afei, bɔ wɔ mmenia nemɔ amaneɛ kyɛ, ɔsɛ kyɛ bienzua biala ne brasua biala obisa ɛdwetɛ ne sikaa kɔkorɛ mbembenanneɛ ofi obiɛngo Misraimniɛ berɛ.”

Anyandera 13:22

Sona paa yakyi ye nnomaa agyapadeɛ, nakoso bɔnefoɛ anwonyadeɛ de, okooli teneneefoɛ sa nu.

Yesaya 33:1

Sɛkyefoɛ, wɔ yaakɔ, wɔ bɔ wɔ de, bɛssɛkyele wɔ ɔ; wɔ, nnakannakaniɛ, bɔ wɔ de ebiala ɔllakalakale wɔ ɔ! Sɛ enya yie ye sɛkyelɛ a, wɔ koso bɛkɔsɛkye wɔ, yeɛ sɛ eyie wɔ nnakannaka ne a, wɔ koso bɛkɔlakalaka wɔ.

Hesekiel 39:10

Na ɔnate sɔ ati, bɛngɔpena eyein wɔ eburo, yeɛ bengobubu ebie wɔ ɛhɔayeɛ nemɔ anu, ofikyɛ akodeɛ nemɔ yeɛ bɛkɔfa bɛkɔsɔ see ɔ. Na bɛ bɔ bɛfene bɛ nningyein ne, bɛ koso bɛkɔfẽ bɛ deɛ bie; yeɛ bɛ bɔ bɛbɔle bɛ so apaa ne, bɛ koso bɛkɔbɔ bɛ so apaa bie, AWURADE Nyameɛ noa dwirɛ ɛne.