Ɛksadɔso 3:20 - AHYERƐLƐ KRONGRON

²⁰ Yiti ngɔtengyɛ me sa ngɔfa anwanwadeɛ mukoraati bɔ ngɔyɔ ye Misraim ne ngotia Misraim, na ɛhe asi ne, ɔkɔma ɛmɔ kɔhɔ.

Ɛksadɔso 3:20 Iomraidhean Croise

Gyenesise 15:14

Nakoso ngobua maen bɔ bɛkɔso ye ne ndɛen, na ɛhe asi ye, bɛkɔfa anwonya pee paa bekofi maen ne anu bɛkɔhɔ.

Nehemia 9:10

Ɛyɔle nzɛngyerɛnneɛ ne anwanwadeɛ tiale Faro ne ye mbanyi amukoraa ne ye aseɛ ne aso ama mukoraa, ofikyɛ enwuni kyɛ bɛyɔle aniammɔwoho betiale yɛ nana mɔ. Elele dumaa, na sɔ dumaa ne watena berɛ maa waadwu ɛnɛ ye.

Edwein 105:27

Bɛyɔle ye nzɛngyerɛnneɛ wɔ bɛ nu, ɔne ye anwanwadeɛ wɔ Ham aseɛ so.

Edwein 105:38

Befili berɛ ne, Misraim nye gyele, ofikyɛ né bɛ nwo suronyi atɔ ye so.

Edwein 106:22

bɔ ɔyɔle anwanwadeɛ wɔ Ham aseɛ so ne, ɔne nningyein suronyisuronyi wɔ Ɛpo Kɔkorɛ nwo ne.

Ɛksadɔso 11:1

AWURADE sele Mose kyɛ, “Waha amaneɛ pirikua ko bɔ mebaafa meto Faro ne Misraim so ɔ. Ɛhe asi ye, ɔkɔmaa ɛmɔkofi wa bɛkɔhɔ, na sɛ ɔma ɛmɔ ate a, ɔkɔfoa ɛmɔ maa ɛmɔkofi wa.

Ɛksadɔso 12:39

Na mɔle kabrɛdi bɔ bɛ ne ye fili Misraim wale ne, bɛfa bɛyɔle taterɛ. Nna mɔle harewaa ɔ. Na ɔnate kyɛ betuli bɛ apereapereɛ so befili Misraim ne ati, bannya atee banyɔ aleɛ bɔ bekoli ye atunu ɔ.

Ɛksadɔso 13:3

Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Ɛksadɔso 15:6

O AWURADE, wɔ sa famaa ne te ngonim ne tumi, O AWURADE, wɔ sa famaa ne dworɔm pɔfoɛ ne.

Ɛksadɔso 4:21

Na AWURADE sele Mose kyɛ, “Sɛ esa kɔ Misraim a, nea kyɛ anwanwadeɛ mukoraa bɔ mama wɔ tumi kyɛ ɛyɔ ne, ɛkɔyɔ ye Faro nyunu. Nakoso ngɔma ye so kɔyɛ se, bɔ ɔnate so ɔngɔma me mmenia nemɔ ngɔhɔ ɔ.

Ɛksadɔso 6:1

Na AWURADE buale Mose kyɛ, “Afei de, ɛbaanwu nikyee bɔ ngɔfa ngɔyɔ Faro ɔ. Ofikyɛ, tumi piri kɔha ye kɔme asi maa ɔkɔyakyi bɛ maa bɛkɔhɔ; tumi piri kɔha ye kɔme asi maa ɔkɔfoa bɛ kofi ye aseɛ so.”

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Ɛksadɔso 9:15

Na sɛ matengyɛ me sa mama ewue anwonyerɛ abɔ wɔ ne wɔ mmenia a, ahaa bekye awu afi aseɛ ye aso.

Yesaya 19:22

AWURADE kopura Misraim, okopura ye de, nakoso ɔkɔsa ye anwonyerɛ. Bekosa bɛkɔwa AWURADE berɛ, okotie bɛ sufrɛ, na ɔkɔsa bɛ anwonyerɛ.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Hesekiel 20:33

“Kyɛ nde ase ye, AWURADE Nyameɛ noa dwirɛ ɛne, nahorɛ nu, tumi piri ne tumi asaa ne ahonehulɛ yeɛ ngɔfa ngoli ɛmɔ so hene ɔ.

Mika 7:15

Ngɔye anwanwadeɛ ali ngohyire ye, kyɛ mmerɛ bɔ efili Misraim aseɛ so ɛwale ne ala.

Asomafoɛ 7:36

Mose yeɛ ɔyele Yisraelfoɛ fili Misraim ɔ, na ɔyɔle nzɛngyerɛnneɛ ne anwanwadeɛ wɔ Misraim aseɛ so, Ɛpo Kɔkorɛ ne aso ne ɛserɛ so afoɛ aburanna.

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?

Deuteronomi 6:22

na AWURADE fale nzɛngyerɛnneɛ ne anwanwadeɛ mbiri mbiri bɔ ɔyɛ suro hwene Misraim ne Faro ne ye awuro ama mukoraati so, bɔ né yɛ nye tua ɔ.

Maenbulɛfoɛ 6:8

na AWURADE somane ngɔmhyɛlɛniɛ wɔ Yisraelfoɛ berɛ maa oosele bɛ kyɛ, “AWURADE Yisrael Nyameɛ nwa nyoo: Me yeɛ nyele ɛmɔ mvili Misraim, ná nyele ɛmɔ mvili ngoaasolɛ nu ɔ.

Maenbulɛfoɛ 8:16

Yiti Gideon hyele kuro berɛ mbanyi, na ɔfale ɛserɛ so agurɛ ne ɛfone bole kuro berɛ ama hyirele bɛ nworɛ.