Ɛksadɔso 3:2 - AHYERƐLƐ KRONGRON

² Na AWURADE abɔfo yele ye nwo ali hyirele ye wɔ ngyɛkyerɛ bie bɔ né ogye wuronyiwuronyi nu. Mose neane, edwirɛ nwanwa, onwuni kyɛ ngyɛkyerɛ ne ogye de, nakoso né ɔnyera.

Ɛksadɔso 3:2 Iomraidhean Croise

Gyenesise 21:17

Nyameɛ tele akwadaa ne suɛ, na Nyameɛ abɔfo frɛle Hagar fili nyameɛso bisale ye kyɛ, “Hagar, nzikyɛ yeɛ ɔha wɔ ɔ? Nnɛsuro, ofikyɛ esuɛ bɔ akwadaa ne ɔla berɛ bɔ osũ ne, Nyameɛ ate.

Gyenesise 22:11

Nakoso AWURADE abɔfo ne frɛle ye fili nyameɛso kyɛ, “Abraham! Abraham!” Na osurole kyɛ, “Me ɛhe.”

Gyenesise 48:16

abɔfo bɔ aye me afi musue mukoraa nu ɔ, yira mmɛɛmaa ye; maa ɔnate bɛ so, me dumaa, ɔne me mbanyi mɔ Abraham ne Yisake dumaa otira ndii; ma bɛ boso ama bɛsone na bɛyɛ pee wɔ aseɛ ye aso.”

Edwein 66:12

Amaa mmenia bahwi bafa yɛ ti so, yɛfale see nu ne nzue nu, nakoso aye yɛ afite afa yɛ awa nekaa bɔ anwonya pee wɔ ɔ.

Ɛksadɔso 19:18

Nwosina katale Sinai bokaa ne aso amukoraati, ofikyɛ AWURADE natele see nu dwu wale so. So nwosina ne tu hɔle anwuro kyɛ foonoo nu nwosina, na bokaa ne amukoraa wosole kikikikikiki.

Ɛksadɔso 23:20

“Tie, mésoma abɔfo maa odi wɔ nyunu, maa ɔbɔ wɔ nwo waen fa wɔ kɔ nekaa bɔ masiesie ne.

Ɛksadɔso 24:17

Na Yisraelfoɛ nwuni AWURADE animnyam ne kyɛ see bɔ ogye wuronyiwuronyi wɔ bokaa ne ti afia.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Daniel 3:27

Yeɛ mbɔtam mbanyi, mbanyi, amrado mɔ ne Nana foɛtulɛfoɛ mɔ bɛbɔle nu bɛɛneane, na benwuni kyɛ see ne wannya sɔ mmenia nemɔ nwonaen so tumi, bɛ ti nwiaa anyera, b’ataadeɛ ne anyɛ hoyaa, yeɛ nwosina po mmo bɛ nwo.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Marko 12:26

Bɔ ɔfa awufoɛ dwɔsolɛ nwo de, aso ɛmɔkkenngale ye wɔ Mose nwomaa ne anu, kyɛbɔ Nyameɛ dwudwo hyirele ye wɔ ngyɛkyerɛ ne anu kyɛ, ‘Me ole Abraham Nyameɛ, Yisake Nyameɛ ne Yakob Nyameɛ’ ne?

Luka 20:37

Na ɔfa awufoɛ dwɔsolɛ nwo de, Mose koso maa yɛnwu ye wɔ ngyɛkyerɛ ne nwo dwirɛ ne anu, mmerɛ bɔ ɔfrɛ Awurade kyɛ: Abraham Nyameɛ, Yisake Nyameɛ ne Yakob Nyameɛ’ ne.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

Deuteronomi 33:16

Ma ye aseɛ so nningyein paa mukoraati. Mesrɛ kyɛ, Nyameɛ bɔ ɔyele ye nwo ali wɔ ngyɛkyerɛ nu ne, ɔlo ye. Ma saleɛ hemɔ amukoraati ɔ́yɛ Yosef ti so abotire, ye bɔ odi oliɛma mɔ so hene ne, maa ɔbɔ ye nwoma so.

Deuteronomi 4:20

Nakoso ɛmɔ de, AWURADE afa ɛmɔ, na waye ɛmɔ wafi buralɛ afaa hyerɛhyerɛ nu, mekyire Misraim, kyɛ ɛmɔɔyɛ ye bɔbɔ deinn ye deɛ, kyɛbɔ kekesaala ye ɛmɔte ye.

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

Maenbulɛfoɛ 13:13

Na AWURADE abɔfo ne sele Manoa kyɛ, “Odi kyɛ braa ne di edwirɛ bɔ mahã mahyire ye ne amukoraati so.