Ɛksadɔso 3:18 - AHYERƐLƐ KRONGRON

¹⁸ “Bekotie wɔ dwirɛ, na ɛne Yisrael mbanyi bɛhɔ Misraim hene berɛ beese ye kyɛ, ‘AWURADE, Hebrifoɛ Nyameɛ ne, ɔne yɛ ayia. Yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne.’

Ɛksadɔso 3:18 Iomraidhean Croise

Gyenesise 12:1

Na AWURADE sele Abram kyɛ, “Tu fi wɔ maen nu, w’abusuafoɛ nu, ɔne ɛse awuro, ná kɔ aseɛ bɔ mebaahyire wɔ ne aso.

Gyenesise 14:13

Ebie nwatili fili koɛ ne anoa, na ɔɔbɔle Hebriniɛ Abram amaneɛ. Né Abram te pingye Amoriniɛ Mamre eluii mmakaa ne. Né Mamre aliɛma mɔ Ɛseko ne Anere bɛte Abram koɛ nu bokafoɛ.

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 48:3

Na Yakob sele Yosef kyɛ, “Ɛdangama Nyameɛ yele ye nwo ali hyirele me wɔ Luse bɔ ɔwɔ Kanaan aseɛ so. Oyirale me,

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Ɛksadɔso 17:5

Na AWURADE buale Mose kyɛ, “Fa Yisrael mbanyi nemɔ bie boka wɔ nwo so, ná se di mmenia ne nyunu. Fa pɔmaa bɔ ɛfa fini asue Naele nu ne tira, ná kɔ.

Ɛksadɔso 19:1

Yisraelfoɛ tuli bɛ bo befili Misraim aseɛ so ne, ye bosome bɔ ɔtɔ so nza ne anu, kyẽa bɔ oli moa ne yeɛ bedwuli Sinai ɛserɛ ne aso ɔ.

Ɛksadɔso 25:22

Berɛ yeɛ me ne wɔ yɛkoyia ɔ, wɔ mbata bia ne aso anwuro, wɔ kɛrubim nyɔ bɔ bɛwɔ Adanzeɛ alaka ne aso ne b’afia. Na ngɔhã me mmeraa dwirɛ mukoraati bɔ méfa méma Yisraelfoɛ ne ngohyire wɔ.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Ɛksadɔso 30:36

Tĩ bie ma ɔyɛ muhumuhu, ná fa bie sie Adanzeɛ ne nyunu wɔ ɛtena sua atenaleɛ nu berɛ, nekaa bɔ me ne wɔ yɛkoyia ne. Na ɔkɔyɛ krongron paa kɔma ɛmɔ.

Ɛksadɔso 30:6

Mbɛmuɛ tena bɔ onwi Adanzeɛ alaka ne nyunu ne, fa afɔleɛ bokyea ne sie ye nyunu, wɔ mbata bia bɔ ɔwɔ Adanzeɛ ne aso ne ye nyunu, nekaa bɔ me ne wɔ yɛkoyia ne.

Ɛksadɔso 4:1

Na Mose buale kyɛ, “Sɛ banne me banni, anaakyɛ bandie me dwirɛ, ná bɛka kyɛ, ‘AWURADE anye ye nwo ali wangyire wɔ huu’ ɛ?’ ”

Ɛksadɔso 4:23

Na mekã mekyire wɔ kyɛ, “Ma mma ne ɔhɔ ɔɔsɔne me.” Na sɛ amma ye ate ma wangɔ a, ngohũ wɔ bamuɛbaa bienzua.’ ”

Ɛksadɔso 4:24

Na Mose sili nu ne, AWURADE yiale ye wɔ asikyeleɛ bie anu wɔ atunu, na ɔyɛle kyɛ okohu Mose.

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Ɛksadɔso 5:1

Nziɛ ye, Mose ne Aarɔn hɔle Faro berɛ beesele ye kyɛ, “AWURADE Yisrael Nyameɛ nwa: ‘Ma me mmenia nemɔ bɛhɔ, ná beeli aluolue bɛma me wɔ ɛserɛ so.’ ”

Ɛksadɔso 5:3

Na besele kyɛ, “Hebrifoɛ Nyameɛ ne ɔne yɛ ayia, yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne; na anyɔ a né wafa ewue anwonyerɛ anaa ngrandɛ wawa yɛ so.”

Ɛksadɔso 7:16

Na ka kyire ye kyɛ, AWURADE, Hebrifoɛ Nyameɛ ne asoma me kyɛ mmanga ngyire wɔ kyɛ, ‘Ma me mmenia nemɔ bɛhɔ bɛɛsɔne me wɔ ɛserɛ so, nakoso abubu mmakaa atua wɔ so maa waadwu bekye.’

Ɛksadɔso 8:1

Na AWURADE sele Mose kyɛ, “Kɔ Faro berɛ kose ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛsɔne me.

Ɛksadɔso 8:20

Na AWURADE sele Mose kyɛ, “Dwɔso ngyerɛmɔ tutuutu kɔ Faro berɛ, wɔ mmerɛ bɔ ófite kɔ nzue ne anu ɔ, ná ka kyire ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛso me.

Ɛksadɔso 8:23

Yiti ngɔfa elelɛ ɛwɛen ngɔto me mmenia ne wɔ mmenia afia; na sɔ nzɛngyerɛnneɛ ne kosi ɛhema.’ ”

Ɛksadɔso 9:1

Afei AWURADE sele Mose kyɛ, “Kɔ Faro berɛ kose ye kyɛ, ‘AWURADE, Hebrifoɛ Nyameɛ ne nwa nyoo: Ma me mmenia nemɔ ate ma bɛhɔ, ná bɛɛsɔne me.

Ɛksadɔso 9:13

Na AWURADE sele Mose kyɛ, “Pɛ aleɛ dwɔso ná kɔ Faro berɛ kose ye kyɛ, ‘AWURADE, Hebrifoɛ Nyameɛ ne nwa nyoo: Ma me mmenia nemɔ ate ma bɛhɔ, na bɛɛsɔne me.

Yesaya 64:5

Sona bɔ ɔbɔ tenenee bra wɔ anigye so ne, bɔ ɔkaye wɔ ɔfa w’atee so ne, ɛyɛ ye awaawaatuu. Tie, yɛ bɔne maa ɛfɛle yaa, yɛ bɔne nu yeɛ yɛtɛte ye dadadada ɔ, aso ekole yɛ ngoa anaa?

Yeremia 2:2

“Kɔ ná kɔbɔ ye dawure kyire Yerusalem kyɛ, AWURADE nwa nyoo: Mekaye wɔ ndaluwa nu anwofama ne, w’atɔmvorɛ mmerɛ nu ehurolɛ ne, mmerɛ bɔ elili me si wɔ ɛserɛ so, wɔ aseɛ bɔ né belluale so hwee ne aso ne.

Yeremia 2:6

Bammisa kyɛ, ‘AWURADE wɔ nisua? Ye bɔ ɔyele yɛ fili Misraim aseɛ so wale ne, bɔ olili yɛ nyunu fale yɛ fale ɛserɛ so, aseɛ pralaa ne ngumaa aseɛ so, wɔ aseɛ bɔ esue ndɔ wɔ so, bɔ so te awosii kabii ne, aseɛ bɔ ebiala mbɛ nu wɔ so, bɔ ebiala ɔtte so ne.’

Yeremia 26:5

ná ɛmɔandie me somvoɛ ngɔmhyɛlɛfoɛ nemɔ bɔ ngɔle so nzomane bɛ ɛmɔ berɛ ne bɛ noa dwirɛ, bɔ yeɛ ɛmɔandie ne,

Numeri 17:4

Fa gua ɛtena sua atenaleɛ ne anu wɔ Adanzeɛ ne anyunu, nekaa bɔ me ne ɛmɔ yɛyia ne.

Yosua 1:17

Na kyɛbɔ yɛtiele Mose dwirɛ fale nikyee biala nwo nen, sɔ ala yeɛ yɛkotie wɔ dwirɛ ɔ. Yɛsrɛ kyɛ, AWURADE wɔ Nyameɛ oli wɔ si, kyɛbɔ olili Mose si nen.