Ɛksadɔso 3:17 - AHYERƐLƐ KRONGRON

¹⁷ Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:17 Iomraidhean Croise

Gyenesise 46:4

Me bɔbɔ me ne wɔ kɔhɔ Misraim, na ngosa ngɔfa wɔ bosofoɛ ngɔwa sɔ aseɛ ye aso; na Yosef yeɛ okogua wɔ noa nu nzue ɔ.”

Gyenesise 50:24

Yeɛ Yosef sele oliɛma nemɔ kyɛ, “Mebaawu, nakoso Nyameɛ kɔɔnea ɛmɔ. Na aseɛ bɔ ɔtale ye nwo ndaen hyirele Abraham ne Yisake ne Yakob ne, ɔkɔye ɛmɔ kofi aseɛ he aso ɔkɔfa ɛmɔ kɔhɔ so.”

Gyenesise 50:25

Yosef mane Yisrael mma nemɔ tale ndaen hyirele ye, na ɔhane kyɛ, “Nyameɛ kɔɔye ɛmɔ kofi wa. Na sɛ ɔba ye sɔ a, ɛ́mɔsoa me mmowue béfi wa bɛhɔ.”

1 Aberɛso Dwirɛ 1:15

Hiwifoɛ, Akifoɛ, Sinifoɛ,

Edwein 102:21

amaa ɔnate so mmenia babɔ AWURADE dumaa nwo dawure wɔ Sion, ná babɔ ye ayɛyelɛ nwo dawure wɔ Yerusalem,

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 32:34

Nakoso kɔ, ná kɔfa mmenia ne kɔ nekaa bɔ mahã ye nwo dwirɛ mahyire wɔ ne. Tie, m’abɔfo koli wɔ nyunu moa, nakoso kyẽa bie kɔwa bɔ ngɔmaa bekonya bɛ bɔne nwo akatuaa ɔ.”

Ɛksadɔso 33:3

Kɔ aseɛ bɔ nyɔfonesue ne woɛ tengyɛ wɔ so ne aso; nakoso me de, me ne wɔ ngɔbɔ agyirɛ ngɔhɔ, annea né mama wɔ boso akyikyi wɔ atunu, ofikyɛ ɛte maen bɔ wɔ so yɛ se ɔ.

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Yeremia 11:5

amaa ɔnate so, ndaen bɔ nda ngyirele ɛmɔ nana mɔ kyɛ ngɔma bɛ aseɛ bɔ nyɔfone sue ne woɛ tengyɛ wɔ so, kyɛbɔ ɔte ɛnɛ ala ye ne, mamaa wawa nu.” Yeɛ mmuale kyɛ, “Ao AWURADE, maa ɔbra nu sɔ.”

Yeremia 32:22

na ɛfale sɔ aseɛ he mane bɛ, aseɛ bɔ nyɔfonesue ne woɛ tengyɛ wɔ so, bɔ ɛtale ndaen kyɛ ɛkɔfa kɔma bɛ nana mɔ ne.

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Lewitikɔso 20:24

Nakoso mahã mahyire ɛmɔ kyɛ, Ɛmɔ yeɛ ɛmɔkɔfa b’aseɛ ne ɔ, na ngɔfa aseɛ bɔ nyɔfonesue ne woɛ tengyɛ wɔ so ɔ ngɔma ɛmɔ maa ɔkɔyɛ ɛmɔ deɛ. Me ole AWURADE ɛmɔ Nyameɛ, na maye ɛmɔ masie ahameɛ mafi maen maen ngaa nemɔ anu.

Numeri 13:27

Bɛbɔle Mose amaneɛ kyɛ, “Yɛɛdwuli aseɛ bɔ ɛsomane yɛ wɔ so ne aso. Nyɔfonesue ne woɛ tengyɛ wɔ so, na so mmakaammaa ne bie ɛhe.

Deuteronomi 26:9

Wafa yɛ wawa wa, na wafa aseɛ he bɔ nyɔfonesue ne woɛ tengyɛ wɔ so ne wama yɛ.

Deuteronomi 6:3

Yiti, Yisrael, tie, ná nea kyɛ ekoli so ɔ, amaa ɔnate so wayie wɔ yé, ná wɔ boso atrɛ pee wɔ aseɛ bɔ nyɔfonesue ne woɛ tengyɛ wɔ so ne aso, kyɛbɔ AWURADE wɔ nana mɔ Nyameɛ ahyɛ wɔ bɔ ne.

Yosua 24:11

Na ɛmɔpɛle asue Yɔɔdan bɛwale Yeriko nen, Yerikofoɛ ne ɛmɔ hone. Sɔ ala yeɛ Amorifoɛ, Perisifoɛ, Kanaanfoɛ, Hitifoɛ, Gɛgasifoɛ, Hiwifoɛ ne Yebusifoɛ bɛ ne ɛmɔ hone ɔ. Na mvale bɛ nwurale ɛmɔ sa.

Yosua 5:6

Afoɛ aburanna yeɛ Yisraelfoɛ tuli atee fale ɛserɛ ne aso ɔ, kɔpem kyɛ maen ne amukoraa ne bɛ koɛhonɛfoɛ amukoraa bɔ befi Misraim bɛwale ne bewuwuli ɔ, ofikyɛ bandie AWURADE dwirɛ. Na AWURADE tale ndaen hyirele bɛ kyɛ, ɔngɔma bengonwu aseɛ bɔ ɔtale ndaen hyirele bɛ nana mɔ kyɛ ɔkɔfa kɔma yɛ ne, aseɛ bɔ nyɔfonesue ne woɛ tengyɛ wɔ so ne.

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.