Ɛksadɔso 3:15 - AHYERƐLƐ KRONGRON

¹⁵ Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Ɛksadɔso 3:15 Iomraidhean Croise

Gyenesise 24:12

Na ɔbɔle mbaeɛ kyɛ, “O AWURADE, me mene Abraham Nyameɛ, mesrɛ wɔ ala, maa ɔyɛ yee ma me ɛnɛ, ná kyire kyɛ ekuro me mene Abraham dwirɛ paa.

1 Aberɛso Dwirɛ 16:16

apam bɔ ɔne Abraham bɛyɔle ne, bɔhyɛ bɔ ɔtale ndaen foale so fa mane Yisake ne,

1 Aberɛso Dwirɛ 29:18

Ao AWURADE, Abraham, Yisake, Yisrael ne yɛ nana mɔ Nyameɛ, adwene paa ne nhyehyɛleɛ paa bɔ ɔte sɔa ye, maa ɔtena wɔ mmenia bɛ ti anu daa. Maa beli nahorɛ bɛma wɔ daa.

2 Aberɛso Dwirɛ 28:9

Nakoso né AWURADE ngɔmhyɛlɛniɛ bie bɔ bɛfrɛ ye Odɛde wɔ Samaria. Ooyiale koɛhonɛfoɛ bɔ besa bɛba Samaria ne, na osele bɛ kyɛ, “Ɛ́mɔtie! Ɔnate kyɛ AWURADE ɛmɔ nana mɔ Nyameɛ, ɔfɛle Yuda so yaa ne ati, ɔfale bɛ wurale ɛmɔ sa. Nakoso ɛmɔafɛ yaa hahii bahũhũ bɛ ma ye nwo dwirɛ waadwu nyameɛso.

Edwein 102:12

Nakoso, ao AWURADE, ɛte w’ahennie bia so afebɔɔ; wɔ dumaa timu berɛ daa wɔ aworɛ ndoatoasoɛ amukoraa nu.

Edwein 102:13

Ekodwɔso konwu Sion anwumvoin, ofikyɛ mmerɛ aso kyɛ ɛdo ye ɔ, mmerɛ bɔ ahyehyɛ ato berɛ ne waso.

Edwein 135:13

Ao AWURADE, wɔ dumaa timu berɛ daa, Ao AWURADE, wɔ nwo ngayeɛ wɔ aworɛ ndoatoasoɛ amukoraa nu.

Edwein 30:4

Ao ɛmɔ, AWURADE anwoteefoɛ, ɛ́mɔto dwein bɛye ye ayɛ, ná ɛmɔla ye dumaa krongron ne ase.

Edwein 30:5

Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

Edwein 68:5

Ayisiaafoɛ baba ne akunafoɛ neafoɛ, ye ole Nyameɛ bɔ ɔwɔ ye atenaleɛ krongron nu ne.

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Ɛksadɔso 15:2

AWURADE te m’anwoserɛ ne me dwein, na wayɛ me ngoadefoɛ. Ɔte me Nyameɛ, na ngɔye ye ayɛ, me baba Nyameɛ ɛne, na ngɔma ye so.

Ɛksadɔso 15:3

AWURADE te koɛhonɛniɛ; ye dumaa li AWURADE.

Ɛksadɔso 3:13

Na Mose bisale Nyameɛ kyɛ, “Sɛ mekɔ Yisraelfoɛ berɛ, ná mekã mekyire bɛ kyɛ, ‘Ɛmɔ nana mɔ Nyameɛ yeɛ wasoma me ɔ,’ ná bɛ wora bebisa me kyɛ, ‘Ye dumaa li sɛɛ’ a, nzikyɛ dwirɛ yeɛ nga ngyire bɛ ɔ?”

Ɛksadɔso 3:6

Na ɔfa sɔle so kyɛ, “Me ole wɔ baba Nyameɛ ne, Abraham Nyameɛ ne, Yisake Nyameɛ ne Yakob Nyameɛ ne. Na Mose fale ye nyunu feale, ofikyɛ né osuro kyɛ ɔkɔnea Nyameɛ ɔ.

Ɛksadɔso 4:1

Na Mose buale kyɛ, “Sɛ banne me banni, anaakyɛ bandie me dwirɛ, ná bɛka kyɛ, ‘AWURADE anye ye nwo ali wangyire wɔ huu’ ɛ?’ ”

Ɛksadɔso 4:5

Na AWURADE sele kyɛ, “Ɛhe kɔmaa bekole bekoli kyɛ AWURADE, bɛ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ waye ye nwo ali wahyire wɔ ɔ.”

Ɛksadɔso 6:2

Nyameɛ sele Mose kyɛ, “Me ole AWURADE.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 26:8

O AWURADE, yɛ nye la wɔ ate wɔ wɔ ndɛenbualɛ atee ne aso, yɛ kra wora adɔ wɔ dumaa, ɔne wɔ nwo ngayeɛ.

Yesaya 42:8

Me ole AWURADE, me dumaa ɛne, memva m’animnyam memma ebiala, yeɛ m’ayɛyelɛ koso, memva memma amoen mɔ.

Yesaya 63:12

Ye bɔ ɔmane ye animnyam asaa ne oolili Mose famaa so, ná ɔne ye bɛnatele ne, ye bɔ ɔpakyele nzue ne anu wɔ bɛ nyunu ɔfa nyane dumaa afebɔɔ mane ye nwo ne;

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 33:2

“AWURADE bɔ ɔbɔle nikye ɔ, AWURADE bɔ ɔhyehyɛle fa tindimuni berɛ, bɔ ye dumaa ole AWURADE ne, ɔnwa nyoo:

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Hosea 12:5

AWURADE Asafo Nyameɛ, ye dumaa bɔ bɛfa bɛkaye ye ole AWURADE.

Hosea 12:6

“Yiti sa kɔ wɔ Nyameɛ berɛ, sɔ ɔdɔ ne pɛpɛɛpɛyɛlɛ nu yé, ná fa wɔ wora wura Nyameɛ nu daa.”

Lewitikɔso 24:11

Biaa bɔ oni yeɛ ɔte Yisraelniɛ ne, ɔbɔle Dumaa bɔ bɛmmɔ ne ɔfa nomale, na ɔkekane musue dwirɛ tiale ye dumaa. Bɛfale ye bɛwale Mose nyunu. Oni dumaa ole Selomite, bɔ oni ole Dibri bɔ ofi Dan abusua kure nu ne.

Mika 4:5

Ofikyɛ amaen maen amukoraa, bɛ nu biala nate wɔ ye nyameɛ dumaa nu, nakoso yɛ de, yɛkɔnate AWURADE yɛ Nyameɛ dumaa nu afebɔɔ.

Malaki 3:6

“Ofikyɛ me, AWURADE, menzesã; yiti ɛmɔ, Yakob boso ama, ɛmɔ boso ngonua.

Mateo 22:32

kyɛ ‘Me ole Abraham Nyameɛ, Yisake Nyameɛ ne Yakob Nyameɛ’? Nyameɛ ɔtte awufoɛ Nyameɛ, na mmom ɔte ateasefoɛ Nyameɛ.”

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Asomafoɛ 7:32

‘Me ole wɔ nana mɔ Nyameɛ, Abraham ne Yisake ne Yakob Nyameɛ.’ Na Mose nwo wosowosole ye, na wangora wandindim wangɔannea ye ko.

Deuteronomi 1:11

Mesrɛ kyɛ AWURADE ɛmɔ nana mɔ Nyameɛ ne, ɔ́ma ɛmɔ boso trɛ mmɔhoɛ apee apee, ná óyira ɛmɔ, kyɛbɔ wahyɛ ɛmɔ bɔ ne!

Deuteronomi 1:35

‘Sɔ bɔne aworɛ ndoatoasoɛ he, nu sona ko po ngonwu aseɛ paa bɔ ndale ndaen kyɛ ngɔfa ngɔma ɛmɔ nana mɔ ne,

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Hebrifoɛ 11:16

Nakoso afei, maen paa bɔ ɔte nyameɛso maen yeɛ bɛpena ɔ. Yiti ɔnyɛ Nyameɛ nya kyɛ bɛkɔfrɛ ye bɛ Nyameɛ ɔ, ofikyɛ wasiesie kuro bie wama bɛ.

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.