Ɛksadɔso 3:14 - AHYERƐLƐ KRONGRON

¹⁴ Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Ɛksadɔso 3:14 Iomraidhean Croise

YOB NWOMAA NE 11:7

“Nyameɛ mvealeɛ nu dwirɛ ne, ɛkɔhora kɔte ye bo? Tuminiɛ ne, ɛkɔhora kɔte ye bo koyie bɔkɔɔ?

Edwein 68:4

Ɛ́mɔto Nyameɛ nwo dwein, ɛ́mɔto ye dumaa nwo ayɛyelɛ dwein, ɛ́mɔpɛ atimbire bɛ́ma bɔ ɔte nikyee so ɔnate munungum so ne; ye dumaa ole AWURADE, na ɛmɔli ahurusi wɔ ye nyunu.

Edwein 90:2

Anzana ɛbaabɔ mmokaa mɔ ne, anaa ɛbaahyehyɛ aseɛ ne wiase ne, ofi tete bɔ ɔkwaadwu afebɔɔ, ɛte Nyameɛ.

Ɛksadɔso 15:3

AWURADE te koɛhonɛniɛ; ye dumaa li AWURADE.

Ɛksadɔso 23:21

Suro ye ná tie ye dwirɛ. Nnɛtwi fa ye dwirɛ so, na ɔngɔfa ɛmɔ mmeraatolɛ ngɔhyɛ ɛmɔ, ofikyɛ me dumaa la ye so.

Ɛksadɔso 3:13

Na Mose bisale Nyameɛ kyɛ, “Sɛ mekɔ Yisraelfoɛ berɛ, ná mekã mekyire bɛ kyɛ, ‘Ɛmɔ nana mɔ Nyameɛ yeɛ wasoma me ɔ,’ ná bɛ wora bebisa me kyɛ, ‘Ye dumaa li sɛɛ’ a, nzikyɛ dwirɛ yeɛ nga ngyire bɛ ɔ?”

Ɛksadɔso 6:2

Nyameɛ sele Mose kyɛ, “Me ole AWURADE.

Ɛksadɔso 6:3

Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.

Yesaya 42:8

Me ole AWURADE, me dumaa ɛne, memva m’animnyam memma ebiala, yeɛ m’ayɛyelɛ koso, memva memma amoen mɔ.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Mateo 18:20

Ofikyɛ nekaa biala bɔ mmenia nyɔ anaa nza koyia nu me dumaa nu nen, né nwɔ b’afia wɔ berɛ.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Yohane 8:24

Ye sɔ ati yeɛ nzele ɛmɔ kyɛ, ɛmɔkowu ɛmɔ bɔne nu ne; na sɛ ɛmɔanne banni kyɛ me ole ye a, ɛmɔkowu ɛmɔ bɔne nu.”

Yohane 8:28

Yiti Yesu hane kyɛ, “Sɛ ɛmɔnya bɛma Sona Awa ne so a, yeɛ ɛmɔkonwu kyɛ me ole ye ɔ; na memva me bɔbɔ me tumi menyɔ nikye fee, na mmom kyɛbɔ Baba ne hyirehyirele me ne, sɔ ala yeɛ mekã ɔ.

Yohane 8:58

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, anzana Abraham baawa ne, né nwɔ berɛ.”

2 Korintofoɛ 1:20

Ofikyɛ Nyameɛ bɔhyɛ bɔ ɔwɔ ye nu amukoraa te “Yoo.” Na ɔnate sɔ ne ati, ye so yeɛ yɛfa yɛkã “Amen” yɛhyɛ Nyameɛ animnyam ɔ.

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 4:8

Na abɔdeɛ ateasefoɛ nna ne, nu biala le ndaa nzia, na anyeɛ tuatua bɛ nwo ne bɛ nu amukoraa, na alehyeleɛ ne alesaleɛ biala bɛto dwein bɔ bɛnyakyi ɔ, kyɛ, “Tuminiɛ Awurade Nyameɛ, ɔte krongron, krongron, krongron ye yeɛ ɔwɔ berɛ fi tetetete, ɔwɔ berɛ kekesaala ye, ná ɔbaawa ne!