Ɛksadɔso 3:13 - AHYERƐLƐ KRONGRON

¹³ Na Mose bisale Nyameɛ kyɛ, “Sɛ mekɔ Yisraelfoɛ berɛ, ná mekã mekyire bɛ kyɛ, ‘Ɛmɔ nana mɔ Nyameɛ yeɛ wasoma me ɔ,’ ná bɛ wora bebisa me kyɛ, ‘Ye dumaa li sɛɛ’ a, nzikyɛ dwirɛ yeɛ nga ngyire bɛ ɔ?”

Ɛksadɔso 3:13 Iomraidhean Croise

Gyenesise 32:29

Yeɛ Yakob sele ye kyɛ, “Mesrɛ wɔ, bɔ wɔ dumaa kyire me.” Na Biaa ne buale kyɛ, “Nzu ati yeɛ ebisa me dumaa ɔ?” Na oyirale Yakob wɔ berɛ.

Ɛksadɔso 15:3

AWURADE te koɛhonɛniɛ; ye dumaa li AWURADE.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 3:14

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Ɛksadɔso 3:15

Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Ɛksadɔso 7:16

Na ka kyire ye kyɛ, AWURADE, Hebrifoɛ Nyameɛ ne asoma me kyɛ mmanga ngyire wɔ kyɛ, ‘Ma me mmenia nemɔ bɛhɔ bɛɛsɔne me wɔ ɛserɛ so, nakoso abubu mmakaa atua wɔ so maa waadwu bekye.’

Anyandera 30:4

Nwa yeɛ wafo wahɔ nyameɛso ná wadwu wawa ɔ? Nwa yeɛ waboaboa mvrama noa wɔ ye sa nu ɔ? Nwa yeɛ ɔfa ɛtena ɔbɔ nzue mɔ nonongu ɔ? Nwa yeɛ wafa aseɛ ye ti ne ye ti amukoraa wasiesie berɛ ɔ? Ye dumaa li sɛɛ, yeɛ ɔwa wora ye dumaa li sɛɛ? Sɛ ɛse a, kã kyire me e!

Yesaya 52:6

Ye sɔ ne ati, me maen konwu me dumaa. Yiti sɔ kyẽa ne, bekonwu kyɛ me ala yeɛ mekã kyɛ, Yoo, Me ɔ.”

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Maenbulɛfoɛ 13:17

Afei Manoa bisale AWURADE abɔfo ne kyɛ, “Bɛfrɛ wɔ sɛ, amaa sɛ wɔ dwirɛ ne ba nu a, yahyɛ wɔ animnyam?”

Maenbulɛfoɛ 13:6

Na braa ne hɔle ɔɔbɔle ohu amaneɛ kyɛ, “Nyameɛ sona bie wale me berɛ, na osoma Nyameɛ abɔfo. Ye nwo yɛ suro paa. Mammisa ye nekaa horɛ bɔ ofi wale ɔ, yeɛ ye koso wammɔ ye dumaa wangyire me.