Ɛksadɔso 3:12 - AHYERƐLƐ KRONGRON

¹² Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 3:12 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Gyenesise 15:8

Nakoso obisale kyɛ, “O, AWURADE Nyameɛ, ɔkɔyɛ sɛɛ né manwu ye kyɛ ɔkɔyɛ m’agyapadeɛ?”

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

Gyenesise 31:3

Na AWURADE sele Yakob kyɛ, “Sá kɔ wɔ nana mɔ maen nu ne w’abusua nu, na ngogyina wɔ si.”

2 Ahemvo 19:29

“ ‘Na Hesekia, ɛhe yeɛ ɔkɔyɛ sɛngyerɛnneɛ kɔma wɔ ɔ: Afoɛ he, ɛmɔkoli aleɛ bɔ ye bɔbɔ wafifi wɔ aseɛ ne aso ɔ. Afoɛ bɔ ɔtɔ so nyɔ ne, ɛmɔkoli aleɛ bɔ okofifi ye si ne. Na afoɛ bɔ ɔtɔ so nza ne, ɛmɔkolua nningyein, ná ɛmɔafa so aleɛ; ɛmɔkolua bobe, na ɛmɔkoli so mmaa.

1 Aberɛso Dwirɛ 9:20

Daa ne, né Eleasa awa Finehase yeɛ ɔla bɛ noa ɔ, na AWURADE gyinane ye si.

Edwein 86:17

Kyire me wɔ ɛlolɛ ne nwo sɛngyerɛnneɛ, amaa ɔnate so me pɔfoɛ mɔ banwu ye ná bafɛre, ofikyɛ AWURADE, wɔ yeɛ aboka me akyekye me wora ɔ.

Ɛksadɔso 18:5

Na Yɛtro, bɔ ɔte Mose sia bienzua ne, ɔfale Mose mma mmienzua nyɔ ne, ɔne Mose aye ne wale Mose berɛ wɔ ɛserɛ ne aso, nekaa bɔ né wasi asikyeleɛ ne, wɔ Nyameɛ bokaa ne anwo.

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Ɛksadɔso 3:13

Na Mose bisale Nyameɛ kyɛ, “Sɛ mekɔ Yisraelfoɛ berɛ, ná mekã mekyire bɛ kyɛ, ‘Ɛmɔ nana mɔ Nyameɛ yeɛ wasoma me ɔ,’ ná bɛ wora bebisa me kyɛ, ‘Ye dumaa li sɛɛ’ a, nzikyɛ dwirɛ yeɛ nga ngyire bɛ ɔ?”

Ɛksadɔso 33:14

Na AWURADE buale kyɛ, “Me bɔbɔ deinn me ne wɔ kɔhɔ, na ngɔmaa ekole wɔ nwome.”

Ɛksadɔso 4:12

Yiti kɔ, na ngɔma wɔ noa kɔte ná mahyire wɔ bɔ ɛha ɔ.”

Ɛksadɔso 4:15

Ka edwirɛ ne kyire ye, ná fa edwirɛ ne tua ye noa; na ngɔmaa ɛne ye ɛmɔ noa kodwu dwaa nu, ná mahyire ɛmɔ bɔ ɛmɔhã ɔ.

Ɛksadɔso 8:27

Ɔsɛ kyɛ yɛpɛ atee bɔ bɛfa ɛlɛsa bɛpɛ ɔ wɔ ɛserɛ so yɛkɔbɔ afɔleɛ yɛma AWURADE yɛ Nyameɛ ne, kyɛbɔ wahyɛ yɛ ne ala.”

Yesaya 37:30

“Na ɛhe yeɛ ɔkɔyɛ sɛngyerɛnneɛ kɔma wɔ ɔ: Afoɛ he, ɛmɔkoli aleɛ bɔ ye bɔbɔ wafifi wɔ aseɛ ne aso ɔ. Afoɛ bɔ ɔtɔ so nyɔ ne, ɛmɔkoli aleɛ bɔ okofifi ye si ne. Na afoɛ bɔ ɔtɔ so nza ne, ɛmɔkolua nningyein, ná ɛmɔafa so aleɛ; ɛmɔkolua bobe, na ɛmɔkoli so mmaa.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yeremia 1:8

Nnɛsuro bɛ nyunu, ngyi wɔ si, na ngɔpepɛ ngole wɔ,” AWURADE noa dwirɛ ɛne.

Numeri 16:28

Yeɛ Mose sele kyɛ, “Ɛhe yeɛ ɔkɔmaa ɛmɔkonwu kyɛ AWURADE yeɛ wasoma me kyɛ mmanyɔ sɔ nningyein he amu ɔ; na mmom nna me bɔbɔ yeɛ medi me ti piri ɔ.

Numeri 23:21

Wannwu amumuyɛɛ biala wɔ Yakob nu; yeɛ wannwu amaneɛ dwirɛ biala wɔ Yisrael. AWURADE bɛ Nyameɛ gyi bɛ si, babɔ ye ohomoo wɔ bɛ nu kyɛ b’ɛhene ɛne.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Marko 16:20

Na bɛ de, bɛhɔle bɛɛhane nzɛmba ne nekaa biala, na Awurade fale bɛ yɔle adwuma, na ɔfale nzɛngyerɛnneɛ bɔ ɔboka so ne aso ɔfoale edwirɛ ne aso. Amen.]

Asomafoɛ 11:21

Awurade gyinane bɛ si; na mmenia pee bɔ bele belili ne, bɛfale bɛ nwo bɛmane Awurade.

Asomafoɛ 7:7

Mmenia bɔ wɔ bosofoɛ nemɔ kɔso bɛ ne, ngobua sɔ mmenia ne ndɛen, na ɛhe asi ne, wɔ bosofoɛ bekofi sɔ maen ne anu bɛkɔɔsɔne me wɔ wa.’

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

Deuteronomi 31:23

Afei AWURADE fale ye adwuma wurale Nun awa Yosua sa kyɛ, “Gyina pindinn, ná ma w’ahone yɛ se; ofikyɛ aseɛ bɔ ndale ndaen kyɛ ngɔfa ngɔma Yisraelfoɛ ne, wɔ yeɛ ɛkɔfa bɛ kɔhɔ so ɔ, na ngogyina wɔ si.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Maenbulɛfoɛ 6:12

AWURADE abɔfo ne yele ye nwo ali hyirele Gideon, na osele ye kyɛ, “Koɛhonɛniɛ ahoneserɛniɛ, AWURADE gyi wɔ si.”

Maenbulɛfoɛ 6:16

Na AWURADE sele ye kyɛ, “Ngogyina wɔ si, na ekohũhũ Midianfoɛ nemɔ amukoraati.”

Maenbulɛfoɛ 6:17

Yeɛ Gideon sele AWURADE kyɛ, “Sɛ anya alo me de a, né nzaade maa nwu sɛngyerɛnneɛ bɔ okyire kyɛ wɔ yeɛ ɛne me dwudwo ye.

Maenbulɛfoɛ 6:21

Yeɛ AWURADE abɔfo ne, pɔmaa bɔ otira ye ne, ɔfale ye noa ne hane naen ne ɔne taterɛ kabrɛdi ne. Na see gye fili nyɔbotaen ne anu ɔɔyerale naen ne ɔne taterɛ kabrɛdi ne. Na AWURADE abɔfo ne, otu minini fili Gideon nyunu.

Maenbulɛfoɛ 7:11

Kotie edwirɛ bɔ bɛkeka ɔ, na afei wɔ hue kɔyɛ se maa ɛkɔfa koɛ kɔɔteta asikyeleɛ ne.” Yeɛ Gideon ne ye somvoɛ Pura bɛhɔle beedwuli koɛhonɛfoɛ nemɔ b’asikyeleɛ ne tiwaa.

1 Samuel 14:10

Nakoso sɛ bɛka kyɛ, ‘Ɛ́mɔfo bɛbra yɛ wa’ a, ye de yɛkɔfo kɔhɔ, ofikyɛ okyire kyɛ AWURADE afa bɛ awura yɛ sa. Na ɛhe yeɛ ɔkɔyɛ sɛngyerɛnneɛ kɔma yɛ ɔ.”