Ɛksadɔso 3:11 - AHYERƐLƐ KRONGRON

¹¹ Nakoso Mose bisale Nyameɛ kyɛ, “Me ole nwa bɔ mékɔ Faro berɛ mekɔye Yisraelfoɛ mefi Misraim ɔ?”

Ɛksadɔso 3:11 Iomraidhean Croise

2 Samuel 7:18

Afei Nana Dawide ɔɔtenane AWURADE nyunu, na ɔhane kyɛ, “Ao, AWURADE Nyameɛ, me ole nwa, yeɛ m’abusua gyi ye sɛ, bɔ apagya me amaa manya dibea sɔa ye?

1 Ahemvo 3:7

O, AWURADE me Nyameɛ, ɔwɔ nu kyɛ nde akwadaa kaaba de, nakoso ama w’akoaa mali ɛhene masi me baba Dawide gya nu. Kekesaala ye, mennwu me bɛen ne me famaa.

1 Ahemvo 3:9

Yiti ma w’akoaa ndeaseɛ adwene bɔ ngɔfa ngɔla wɔ mmenia noa ɔ. Maa ngora nwu paa ne tɛɛ b’afia nzonzoleɛ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

1 Aberɛso Dwirɛ 29:14

“Na me ole nwa, yeɛ me maen koso ole nwa, bɔ yahora yabɔ sɔ akyɛdeɛ afɔleɛ he ɔ? Ofikyɛ nikyee bɔ yɛle biala, wɔ yeɛ ɛfa mane yɛ ɔ, na wɔ bɔbɔ wɔ nikyee yeɛ yafa yabrɛ wɔ ɔ.

Ɛksadɔso 6:12

Nakoso Mose buale AWURADE kyɛ, “Yisraelfoɛ po bandie me, ɔkɔyɛ sɛɛ né Faro atie me, me bɔ me noa ɔttele ɔ?”

Yeremia 1:6

Yeɛ ngane kyɛ, “Yieee, AWURADE Nyameɛ! Nahorɛ nu, menze dwudwo, ofikyɛ nde akwadaa.”

2 Korintofoɛ 2:16

Sɔ ayirefona ne te ewue pambaen bɔ ɔkɔ wue nu ma ebiemɔ; nakoso ebiemɔ de, ɔte ngoa fona bɔ ɔkɔ ngoa nu ɔ. Na nwa yeɛ ɔfata ɛhemɔ ɔ?

2 Korintofoɛ 3:5

nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

Maenbulɛfoɛ 6:15

Gideon buale kyɛ, “Me mene, me yeɛ nne nwa bɔ mekora mepepɛ mede Yisrael ɔ? Manase abusua kure nu, m’abusua yeɛ yɛte awiɛmvoɛ koraa ɔ, na m’abusua nu koso, me yeɛ nde kãa paa ɔ.”

1 Samuel 18:18

Yeɛ Dawide buale Sɔɔlo kyɛ, “Me ole nwa? Me nwo ama gyi ye sɛ? Me se abusua gyi ye sɛ wɔ Yisrael, bɔ me, mebaayɛ Nana sia ɔ?”