Ɛksadɔso 3:1 - AHYERƐLƐ KRONGRON

¹ Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Ɛksadɔso 3:1 Iomraidhean Croise

1 Ahemvo 19:19

Yiti Elia sili nu fili berɛ, na onwuni Safate awa Elisa kyɛ ofundam aseɛ bɔ bɛfa bɛyɔ eboo ɔ. Né nandwie nyɔ nyɔ bɔ kɔnnua sosɔ bɛ ɔ sɔ alaa buru ne nyɔ beli Elisa nyunu. Né Elisa ɔfa kure bɔ ɔtɔ so buru ne nyɔ ne ofundam aseɛ ne. Elia ɔɔfale ye nwo berɛ, na Elia tole ye ataadeɛ aguasoɛ ne guale ye so.

1 Ahemvo 19:8

Elia dwɔsole, odidili none nzue, na anwoserɛ bɔ onyane wɔ aleɛ ne anu ne, ɔfa natele eyia ne kɔngɔen sɔ alaa eleburanna, hɔle Nyameɛ bokaa Horebo so.

Edwein 106:19

Bɛyɔle nandwie ba wɔ Horebo, na bɛsɔnene amoen bɔ bahuro nikyee bayɔ ɔ.

Ɛksadɔso 17:6

Tie, ngoogyina wɔ nyunu wɔ dɔ, wɔ nyɔbotaen ne aso wɔ Horebo. Fa fĩ nyɔbotaen ne aso, na nzue kofi nu kɔwa kɔma mmenia ne konya bie kɔno.” Na Mose yɔle sɔ wɔ Yisrael mbanyi nemɔ nyunu.

Ɛksadɔso 18:12

Na Yɛtro, bɔ ɔte Mose sia bienzua ne, ɔfale naen yeralɛ afɔleɛ ne afɔleɛ ahoroɔ brɛle Nyameɛ. Na Aarɔn ne Yisrael mbanyi amukoraa wale, na bɛ ne Mose sia bienzua ne bedidili wɔ Nyameɛ nyunu.

Ɛksadɔso 19:11

ná bɛboaboa bɛ nwo besie ɛhema si, ofikyɛ AWURADE kodwu kɔwa Sinai bokaa ne aso ɛhema si, bɔ mmenia ne amukoraa bɛ nye tua ɔ.

Ɛksadɔso 19:2

Betuli bɛ bo befili Refidim nen, beedwuli Sinai ɛserɛ ne aso, na bɛkyekyele asikyeleɛ wɔ berɛ; na Yisrael kyekyele asikyeleɛ wɔ bokaa ne nyunu.

Ɛksadɔso 19:3

Mose fo hɔle Nyameɛ berɛ. AWURADE frɛle ye fili bokaa ne aso sele ye kyɛ, “Edwirɛ he yeɛ ka kyire Yakob bosofoɛ ɔ. Ka kyire Yisraelfoɛ kyɛ,

Ɛksadɔso 2:16

Né Midian sɔfo le mmaa mmrasua nzoo, na bɛwale berɛ kyɛ bɛbaato nzue begua nningyein bɔ bɛ baba nyɛmmoa no nu nzue ne anu.

Ɛksadɔso 2:18

Na besa bɛwale bɛ baba Rewel berɛ nen, obisale bɛ kyɛ, “Nzu ati yeɛ ɛnɛ de ɛmɔawa ndɛ sɔa ye?”

Ɛksadɔso 2:21

Mose penene so ɔne biaa ne bɛtenane, na ɔfale ɔwa brasua Sipora mane Mose gyale.

Ɛksadɔso 24:13

Yiti Mose dwɔsole, ɔne ye bokafoɛ Yosua, na Mose hɔle Nyameɛ bokaa ne aso.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 3:5

Na AWURADE hane kyɛ, “Nnɛpingye wa! Puropuro wɔ gya nu mbaboa ne, ofikyɛ nekaa bɔ egyi ne te aseɛ krongron.”

Ɛksadɔso 33:6

Yiti Yisraelfoɛ puropurole bɛ nwo mbembenanneɛ ne, fite mmerɛ bɔ befili Horebo bokaa ne anwo ne.

Ɛksadɔso 4:18

Mose sá hɔle ye sia Yɛtro berɛ, na osele ye kyɛ; “Mesrɛ wɔ, maa nza ngɔ nniɛma mɔ berɛ wɔ Misraim, ná ngɔnea sɛ bɛtɛ te ase a.” Na Yɛtro sele Mose kyɛ, “Kɔ asomdwee nu oo.”

Ɛksadɔso 4:27

AWURADE sele Aarɔn kyɛ, “Kɔ ɛserɛ so dɔ koyia Mose.” Yiti ɔhɔle, oyiale ye wɔ Nyameɛ bokaa ne anwo, na ɔfele ye noa.

Amose 1:1

Yuda hene Yusia aberɛ so, yeɛ Yisrael hene Yoase awa Yeroboam aberɛ so, afoɛ nyɔ koraka yeɛ aseɛ baawoso ne, Amose bɔ ɔboka Tekoa mmoaenneafoɛ nemɔ aso ne, edwirɛ bɔ onwuni ye fale Yisrael nwo ne, ye ɛhe.

Malaki 4:4

“Me somvoɛ Mose mmeraa, nhyehyɛleɛ ne ahyɛdeɛ bɔ nhyɛle ye wɔ Horebo mva mane Yisrael amukoraa ne, odi kyɛ ɛmɔkaye.

Numeri 10:29

Mose sele Midianniɛ Rewel bɔ yeɛ ɔte ye sia bienzua ne, ɔwa Hobabo kyɛ, “Yɛtu yɛkɔ nekaa bɔ AWURADE aha ye nwo dwirɛ kyɛ, ‘Ngɔfa ngɔma ɛmɔ’ ne. Ɛne yɛ hɔ, na yɛkɔnea wɔ yé; ofikyɛ AWURADE ahyɛ Yisrael bɔ kyɛ ɔkɔmaa okoyie ye yé.”

Numeri 10:33

Yiti besili nu befili AWURADE bokaa ne aso bɛpɛle atee bɔ bɛfa ɛlɛsa yeɛ bɛpɛ ɔ. Né AWURADE apam alaka ne li bɛ nyunu wɔ sɔ ɛlɛsa ateetulɛ ne anu kyɛ ɔkwaapena nekaa maa bɛkyekye asikyeleɛ.

Luka 2:8

Né mmoaenneafoɛ biemɔ bɛwɔ porɛ ne anu berɛ ɛserɛ so, bɔ bɛ́nea bɛ mmoaen kure so kɔngɔen ne ɔ.

Asomafoɛ 7:30

“Na afoɛ aburanna pɛle nu ne, abɔfo yele ye nwo ali hyirele Mose wɔ ngyɛkyerɛ bɔ né ogye ne anu wɔ ɛserɛ bie bɔ opingye Sinai Bokaa ne.

Deuteronomi 1:2

(Sɛ ɛfa Sɛre bokaa atee ne aso dɔ a, ngyẽa buru ne ko yeɛ ɛkɔfa kofi Horebo kɔhɔ Kadese Banea ɔ.)

Deuteronomi 1:6

“AWURADE yɛ Nyameɛ ha hyirele yɛ wɔ Horebo kyɛ, ‘Ɛmɔatena bokaa he anwo wa bahyɛ.

Deuteronomi 4:10

kyɛbɔ daa bie ɛmɔgyinane AWURADE ɛmɔ Nyameɛ nyunu wɔ Horebo, bɔ AWURADE sele me kyɛ, ‘Boaboa mmenia ne noa ma me, ná nga me noa nu dwirɛ ngyire bɛ, amaa ɔnate so basua kyɛ bekosuro me wɔ mmerɛ biala bɔ bɛte ase ɔ, ná bafa bahyirehyire bɛ mma mɔ.’

Maenbulɛfoɛ 4:11

Né Keniniɛ Heberi wate ye nwo wafi Kenifoɛ ngaa nemɔ anwo. Kenifoɛ bɛte Mose sia bienzua Hobabo ye boso ama, na né bakyekye b’asikyeleɛ maa waadwu Elon Besananim, bɔ opingye Kedese ne.

1 Samuel 16:11

Afei Samuel bisale Yese kyɛ, “Wɔ mma mmienzua nemɔ, bɛ mu ɛhe?” Na obuale kyɛ, “Waha kãa paa ne, na ye de ɔ́nea mmoaen so.” Yeɛ Samuel sele Yese kyɛ, “Soma ma bɛɛfa ye bɛbra, ofikyɛ yɛngɔtena ase kyɛ yɛdidi, sana wawa wa koraka.”