Ɛksadɔso 29:9 - AHYERƐLƐ KRONGRON

⁹ Fa abɔsoɛ bobɔ Aarɔn ne ye mma mmienzua nemɔ nu, ná fa kyerɛ wurawura bɛ. Na ɔnate ahyɛdeɛ afebɔɔ so, ɔsɔfolilɛ kɔyɛ b’adwuma. Sɔ yeɛ hyɛ Aarɔn ne ye mma mmienzua mɔ sɔfo ɔ.

Ɛksadɔso 29:9 Iomraidhean Croise

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 28:1

“Afei, ye eliɛma Aarɔn ne ye mma mmienzua nemɔ sie ahameɛ fi Yisraelfoɛ nu ma bɛbra wɔ berɛ, ná beeli sɔfo bɛso me. Mekyire Aarɔn ne ye mma mmienzua Nadabo ne Abihu, yeɛ Eleasa ne Yitama.

Ɛksadɔso 32:29

Na Mose hane kyɛ, “Ɛnɛ, ɛmɔate ɛmɔ nwo bama AWURADE adwuma. Ebiala afa ɔwa bienzua ne oliɛma bienzua yeɛ wapɛ so ɔ, na ɔnate so ɛmɔanya Nyameɛ saleɛ ɛnɛ kyẽa ye.”

Ɛksadɔso 40:15

ná fa ɛpopalɛ ngoo gua bɛ ti so, kyɛbɔ ɛfale ɛpopalɛ ngoo guale bɛ baba ti so ne ala, ná beli sɔfo bɛso me. Na ɛpopalɛ ngoo bɔ ɛkɔfa kogua bɛ ti so ne, ɔkɔma bɛ ne b’aworɛ ndoatoasoɛ mukoraa bekoli sɔfo afebɔɔ.”

Lewitikɔso 8:1

AWURADE sele Mose kyɛ,

Lewitikɔso 8:13

Na Mose mane Aarɔn mma mmienzua nemɔ koso wale anyunu, ɔfale aguasoɛ wurawurale bɛ, ɔfale abɔsoɛ bobɔle bɛ, ná ɔfale abotire bobɔle bɛ, kyɛbɔ AWURADE hyɛle Mose ne.

Lewitikɔso 8:33

Nnɛma ɛmɔfi ɛtena sua atenaleɛ anoa nu berɛ befite alaa ɛlɛsoo, kɔpem kyɛ ngyẽa bɔ bɛfa bɛhyɛ ɛmɔ sɔfo ne kɔpɛ nu ɔ, ofikyɛ bɛkɔfa ɛlɛsoo yeɛ bɛkɔhyɛ ɛmɔ sɔfo ɔ.

Numeri 16:10

Wama wɔ ne eliɛma mɔ Lewifoɛ amukoraa ate ama ɛmɔawa ye nyunu; nakoso afei de ɛmɔpere asɔfo adwuma ne bɛboka so!

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Numeri 25:13

Na ɛhe kɔyɛ daa sɔfolilɛ nwo apam kɔma ye ne ye boso ama, ofikyɛ wagyina ye gya nu pindinn wama ye Nyameɛ, na wapata wama Yisraelfoɛ.”

Numeri 3:10

Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Deuteronomi 18:5

Ofikyɛ AWURADE wɔ Nyameɛ waneanea nu waye Lewi wafi w’abusua kure ne amukoraa nu, kyɛ ɔne ye bosofoɛ bégyina bɛ́yɔ ɔsɔfo adwuma wɔ AWURADE dumaa nu mmerɛ biala.

Hebrifoɛ 5:10

na Nyameɛ yɛle ye sɔfo panyi paa kyɛ Mɛlkisɛdɛke deɛ ne ala.

Maenbulɛfoɛ 17:5

Sɔ biaa Mika he, né ole amoen asɔneyɛɛ. Ɔpale ɔsɔfo ataadeɛ, na ɔyɔle abusua amoen. Ɔhyɛle ɔwa bienzua ko sɔfo maa ɔyɛle ye sɔfo.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.