Ɛksadɔso 29:7 - AHYERƐLƐ KRONGRON

⁷ Fa ɛpopalɛ ngoo ne, hwie gua ye ti so, ná fa popa ye ti so.

Ɛksadɔso 29:7 Iomraidhean Croise

Edwein 133:2

Ɔte kyɛ ngoo nyɔboɛ serɛ bɔ ogua sona ti so, bɔ osongyi gua ye kanza nu, ɔte kyɛ bɔ osongyi gua Aarɔn kanza nu, bɔ ɔtengyɛ gua ye ataadeɛ kɔme anu ɔ.

Edwein 89:20

Manwu me somvoɛ Dawide, mafa me ngoo krongron ne mapopa ye.

Ɛksadɔso 28:41

Ɛkɔfa kowura eliɛma Aarɔn, ɔne ye mma mmienzua mɔ bɔ bɛboka ye so ne. Afei ɛkɔfa ɛpopalɛ ngoo kogua bɛ ti so, ɛkɔyɛ bɛ sɔfo, ná ate bɛ nwo maa bayɛ krongron, ná bali sɔfo baso me.

Ɛksadɔso 40:13

Afei fa ndaadeɛ krongron nemɔ wura Aarɔn, ná fa ɛpopalɛ ngoo ne gua ye ti so, ná te ye nwo ma oli sɔfo so me.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Lewitikɔso 10:7

Nnɛma ɛmɔfi ɛtena sua atenaleɛ ne anoa nu berɛ bɛkɔ, anyɔ a ɛmɔkowu, ofikyɛ AWURADE afa ɛpopalɛ ngoo wapopa ɛmɔ.” Na bɛyɔle kyɛbɔ Mose hyɛle ne ala.

Lewitikɔso 21:10

“Ɔsɔfo panyi paa, bɔ ye yeɛ bahwie ɛpopalɛ ngoo bagua ye ti so, ná bate ye nwo kyɛ ówura asɔfo ndaadeɛ ne, onni kyɛ ɔma ye ti nwiaa gua so basaa, yeɛ nnɛmaa osunzua ye ndaadeɛ nu.

Lewitikɔso 21:12

Onni kyɛ ofi nekaa krongron berɛ kɔ ɛsɛen bo, na wangua ye Nyameɛ nekaa krongron ne nwo fiɛ; ofikyɛ bafa ye Nyameɛ ɛpopalɛ ngoo bate ye nwo: Me ole AWURADE.

Lewitikɔso 7:35

See so afɔleɛ bɔ bɛbɔ bɛma AWURADE ne, ye bue bɔ ɔte Aarɔn ne ye mma bɛ deɛ hɔ ɛne; kyẽa bɔ AWURADE yele bɛ siele berɛ kyɛ ye sɔfo mɔ ne yeɛ ɔɔyɛle bɛ deɛ ɔ;

Sakaria 4:14

Afei osele kyɛ, “Ɛhemɔ ole abɔdeɛ nyɔ bɔ bapopa bɛ ngoo bɔ begyigyi aseɛ amukoraa Mene ne nwo berɛ ne.”

Numeri 35:25

Na maen ne kole sona bɔ wali awue ne kofi wereɛtɔlɛniɛ ne sa nu. Afei maen ne kɔfa sona bɔ wali awue ne kɔhɔ mmenia nwo adwaabɔlɛ kuro bɔ ɔnwati hɔle nu ne aso. Sona bɔ wali awue ne kɔtena kuro ne aso kɔpem kyɛ ɔsɔfo panyi bɔ bapopa ye ngoo krongron ne okowu ɔ.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

1 Yohane 2:27

Nakoso ɛmɔ de, ngoo bɔ wafa wapopa ɛmɔ ne, ɔte ɛmɔ nu, yiti onhia kyɛ ebie kohyirehyire ɛmɔ ɔ. Na sɔ ngoopalɛ ne ala kyirekyire ɛmɔ nikyee biala, ɔkã nahorɛ, ɔmbɛ ngondombo, na kyɛbɔ wahyirehyire ɛmɔ ne, ɛmɔli so.