Ɛksadɔso 29:42 - AHYERƐLƐ KRONGRON

⁴² Na ɔkɔyɛ daa biala naen yeralɛ afɔleɛ wɔ ɛtena sua atenaleɛ anoa nu berɛ, wɔ AWURADE nyunu, wɔ ɛmɔ aworɛ ndoatoasoɛ mukoraati nu. Na berɛ yeɛ me ne ɛmɔ yɛkoyia, ná me ne wɔ yadwudwo ɔ.

Ɛksadɔso 29:42 Iomraidhean Croise

Ɛksadɔso 25:22

Berɛ yeɛ me ne wɔ yɛkoyia ɔ, wɔ mbata bia ne aso anwuro, wɔ kɛrubim nyɔ bɔ bɛwɔ Adanzeɛ alaka ne aso ne b’afia. Na ngɔhã me mmeraa dwirɛ mukoraati bɔ méfa méma Yisraelfoɛ ne ngohyire wɔ.

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 29:41

Boaen akrɔngrɔma ko bɔ waha ne, fa bɔ afɔleɛ nɔsoa. Fa aleɛ afɔleɛ ne anonneɛ afɔleɛ ne boka so kyɛ ngyerɛmɔ deɛ ne ala. Maa ɔbo fonafona, na ɔte afɔleɛ bɔ bɛfa see bɛyera ye bɛma AWURADE ɔ.

Ɛksadɔso 29:43

Berɛ yeɛ me ne Yisraelfoɛ yɛkoyia ɔ, na m’animnyam kɔma berɛ kɔyɛ krongron.

Ɛksadɔso 30:36

Tĩ bie ma ɔyɛ muhumuhu, ná fa bie sie Adanzeɛ ne nyunu wɔ ɛtena sua atenaleɛ nu berɛ, nekaa bɔ me ne wɔ yɛkoyia ne. Na ɔkɔyɛ krongron paa kɔma ɛmɔ.

Ɛksadɔso 33:7

Né Mose taa fa ɛtena sua ne okosi ye wɔ asikyeleɛ ne asi dɔ nziɛ nziɛ, na ɔfrɛle ye ɛtena sua atenaleɛ nu. Na sona biala bɔ né ɔpena kyɛ ɔfa ye dwirɛ to AWURADE nyunu ne, ɔyɛ a ɔkɔ ɛtena sua atenaleɛ nu berɛ, bɔ ɔwɔ asikyeleɛ ne asi dɔ ne.

Hesekiel 43:6

Yeɛ ndele kyɛ ebie odwudwo kyire me fi awuro ne anu, wɔ mmerɛ bɔ né biaa ne ogyi me nwo berɛ ɔ.

Hesekiel 46:15

Odi kyɛ bɛfa boaen akrɔngrɔma ne, aleɛ afɔleɛ ne ne ngoo ne bɛba ngyerɛmɔ biala, maa ɔyɛ daa biala naen yeralɛ afɔleɛ.

Numeri 17:4

Fa gua ɛtena sua atenaleɛ ne anu wɔ Adanzeɛ ne anyunu, nekaa bɔ me ne ɛmɔ yɛyia ne.

Numeri 28:7

Odi kyɛ boaen akrɔngrɔma ko biala bɛfa anonneɛ afɔleɛ towaa ko ne bue bɛboka so. Odi kyɛ ehwie nzaa serɛ fa bɔ anonneɛ afɔleɛ ma AWURADE wɔ nekaa krongron berɛ.