Ɛksadɔso 29:41 - AHYERƐLƐ KRONGRON

⁴¹ Boaen akrɔngrɔma ko bɔ waha ne, fa bɔ afɔleɛ nɔsoa. Fa aleɛ afɔleɛ ne anonneɛ afɔleɛ ne boka so kyɛ ngyerɛmɔ deɛ ne ala. Maa ɔbo fonafona, na ɔte afɔleɛ bɔ bɛfa see bɛyera ye bɛma AWURADE ɔ.

Ɛksadɔso 29:41 Iomraidhean Croise

1 Ahemvo 18:29

Eyiagyina pɛle nu ne, bɛhɔle so belili ahɔen alaa kɔpem kyɛ mmerɛ bɔ odi kyɛ bɛbɔ aburoo afɔleɛ ne dwuli ɔ. Nakoso ebiala andɛ bɛ so, bannya mmuayɛɛ biala, yeɛ ebiala anye bɛ noa.

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

2 Ahemvo 16:15

Afei Nana Ahase fale ahyɛdeɛ mane ɔsɔfo Yuria kyɛ, “Ngyerɛmɔ naen yeralɛ afɔleɛ ne, nɔsoa aburoo afɔleɛ ne, Yuda hene ye naen yeralɛ afɔleɛ ne ɔne ye aburoo afɔleɛ ne, yeɛ afei maen ne anu ama amukoraa bɛ naen yeralɛ afɔleɛ, b’aburoo afɔleɛ ne anonneɛ afɔleɛ bɔ ɔboka so ne, odi kyɛ ɛbɔ ye wɔ afɔleɛ bokyea piri ne aso. Odi kyɛ ɛto naen yeralɛ afɔleɛ mogya ne amukoraa, ɔne afɔleɛ mogya ne amukoraa pete afɔleɛ bokyea ne anwo. Nakoso kɔɔbere afɔleɛ bokyea ne de, so yeɛ ngɔhɔ ngoobisa Nyameɛ noa dwirɛ ɔ.”

2 Aberɛso Dwirɛ 2:3

Solomon tole Tiro hene Huram ngraa kyɛ, “Mmerɛ bɔ me baba Dawide osi ye ahemvie ne, ɛbrɛle ye sida.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Ɛksadɔso 12:6

Ɛ́mɔfa ye bésie toonn ma odwu bosome he anu kyẽa bɔ ɔtɔ so buru ne nna ne, na afei Yisrael maen ne amukoraa behũhũ bɛ mmoaen ne nɔsoa.

Ɛksadɔso 29:40

Fa ɛhe boka boaen akrɔngrɔma bɔ oli moa ne aso: esam paa olonka ko nu ngyɛmuɛ buru, bɔ bafa ngoo bɔ bahwi ɔ towaa ko ne bue bafra ɔ, ɔne bobe nzaa towaa ko ne bue bɔ ɛkɔfa kɔbɔ anonneɛ afɔleɛ ɔ.

Ɛksadɔso 29:42

Na ɔkɔyɛ daa biala naen yeralɛ afɔleɛ wɔ ɛtena sua atenaleɛ anoa nu berɛ, wɔ AWURADE nyunu, wɔ ɛmɔ aworɛ ndoatoasoɛ mukoraati nu. Na berɛ yeɛ me ne ɛmɔ yɛkoyia, ná me ne wɔ yadwudwo ɔ.

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.