Ɛksadɔso 29:25 - AHYERƐLƐ KRONGRON

²⁵ Afei, de fi bɛ sa nu, ná yera bɛ ne naen yeralɛ afɔleɛ ne wɔ afɔleɛ bokyea ne aso ma ɔbo fonafona wɔ AWURADE nyunu; ɔte afɔleɛ bɔ bɛfa see bɛyera ye bɛma AWURADE ɔ.

Ɛksadɔso 29:25 Iomraidhean Croise

Gyenesise 8:20

Nowa sili afɔleɛ bokyea mane AWURADE; na kaka biala bɔ ye nwo te, ɔne anomaa biala bɔ ye nwo te ne, ɔfale nu bie bɔle naen yeralɛ afɔleɛ wɔ bokyea ne aso.

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Ɛksadɔso 29:18

Yera boaen nyii mumua ne wɔ afɔleɛ bokyea ne aso. Ɔte naen yeralɛ afɔleɛ ma AWURADE. Ɔte nikyee fonafona, ɔte afɔleɛ bɔ bɛbɔ ye see so bɛma AWURADE ɔ.

Ɛksadɔso 29:24

ná fa ye mukoraati gua Aarɔn sa nu, ɔne ye mma nemɔ koso bɛ sa nu, ná pagya so kɔ anwuro ma ɔyɛ ɛnwahanɛ afɔleɛ wɔ AWURADE nyunu.

Ɛksadɔso 29:41

Boaen akrɔngrɔma ko bɔ waha ne, fa bɔ afɔleɛ nɔsoa. Fa aleɛ afɔleɛ ne anonneɛ afɔleɛ ne boka so kyɛ ngyerɛmɔ deɛ ne ala. Maa ɔbo fonafona, na ɔte afɔleɛ bɔ bɛfa see bɛyera ye bɛma AWURADE ɔ.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 10:13

Odi kyɛ ɛmɔdi ye wɔ nekaa bɔ ɔte krongron ɔ, ofikyɛ afɔleɛ bɔ babɔ ye see so bama AWURADE ne, ɛne wɔ mma mɔ bɛ deɛ ɛne; sɔ yeɛ AWURADE ahyehyɛ ama me ɔ.

Lewitikɔso 2:11

“Aburoo afɔleɛ biala bɔ ɛmɔbɔ bɛma AWURADE ne, onni kyɛ ɛmɔfa mɔle harewaa bɛbɔ; ofikyɛ onni kyɛ ɛmɔfa mɔle harewaa anaa woɛ bɛbɔ see so afɔleɛ bɛma AWURADE.

Lewitikɔso 2:16

Ɔsɔfo ne kɔyera aburoo bɔ basi, ná bafa ngoo ne ɛyɛɛ ne amukoraa bafra ye ne bie kyɛ ngayeɛ nikye; ɔte afɔleɛ bɔ bɛbɔ ye see so bɛma AWURADE ɔ.

Lewitikɔso 2:2

ná ɔ́fa brɛ Aarɔn mma mmienzua nemɔ bɔ bɛ yeɛ bɛte asɔfo ne. Odi kyɛ ɔsa esam paa bɔ ngoo ne ɛyɛɛ fra ye ne ye sa bum ko, ná ɔsɔfo ne ɔ́yera kãa bɔ wasa ne wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 2:9

Odi kyɛ ɔsɔfo ne sa aburoo afɔleɛ ne bie fa yɛ ngayeɛ nikye, ná ɔyera ye wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 3:11

Na odi kyɛ ɔsɔfo ne ɔyera ye afɔleɛ bokyea ne aso maa ɔyɛ aleɛ bɔ bɛyera ye see so bɛma AWURADE ɔ.

Lewitikɔso 3:14

Ɛloe bɔ wato wafa ye kunu nningyein anwo ne, ɔne ɛloe bɔ ɔwɔ ye kunu nningyein anwo ne amukoraa, odi kyɛ ɛye fi asomdwee afɔleɛ ne anu ná ɛfa see yera ye ɛbɔ afɔleɛ ma AWURADE.

Lewitikɔso 3:16

Na odi kyɛ ɔsɔfo ne ɔyera bɛ wɔ afɔleɛ bokyea ne aso maa ɔyɛ aleɛ bɔ bɛyera ye see so ná bɔ ɔbo fona ɔ. Ɛloe ne amukoraa te AWURADE deɛ.

Lewitikɔso 3:3

Odi kyɛ ɔye ɛloe bɔ wato wafa ye kunu nningyein anwo ne, ɔne ɛloe bɔ ɔwɔ ye kunu nningyein ne anwo amukoraa fi asomdwee afɔleɛ ne anu, ná ɔ́fa see yera ye fa bɔ afɔleɛ ma AWURADE.

Lewitikɔso 3:5

Na odi kyɛ Aarɔn mma mmienzua nemɔ, bɛfa begua naen yeralɛ afɔleɛ bɔ ogua see so wɔ afɔleɛ bokyea so ne aso, ná bɛyera ye; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 3:9

Odi kyɛ ɛfa ɛhemɔ fi ye asomdwee afɔleɛ ne anu ná ɛyera bɛ bɔ afɔleɛ ma AWURADE: ye loe, ye dua pue bɔ baye bafi ye sisia ne anu, ɛloe bɔ wato wafa ye kunu nningyein anwo, ɔne ɛloe bɔ ɔwɔ ye kunu nningyein anwo ne amukoraa,

Lewitikɔso 7:25

Kaka bɔ bayera ye bafa babɔ afɔleɛ bama AWURADE ne, ebiala bɔ okoli ye loe ne, odi kyɛ bɛpɛ ye asue befi maen ne anu.

Lewitikɔso 7:5

Na ɔsɔfo ne kɔyera bɛ afɔleɛ bokyea ne aso kyɛ afɔleɛ bɔ bɛyera ye see so bɛma AWURADE ɔ; ɔte foɛlilɛ afɔleɛ.

Lewitikɔso 8:28

Afei Mose lele sɔ nningyein nemɔ fili bɛ sa nu, na ɔfa bokale naen yeralɛ afɔleɛ ne yerale bɛ wɔ afɔleɛ bokyea ne aso. Ɔte sɔfohyɛlɛ afɔleɛ bɔ yeɛ ɔbo fona, bɔ bɛfa see bɛyera ye bɛma AWURADE ɔ.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

1 Samuel 2:28

Nneaneane nu nyele ye mvili Yisrael mmusua kure amukoraa nu kyɛ ɔɔyɛ ɔsɔfo ma me, kyɛ ɔhɔ m’afɔleɛ bokyea nwo, ɔ́yera ɛyɛɛ, ná ówura ɔsɔfo ataadeɛ ógyina me nyunu. Na see so afɔleɛ mukoraa bɔ Yisraelfoɛ bɛbɔ bɛma me ne, mva nwurale wɔ nana abusua ne sa.