Ɛksadɔso 29:18 - AHYERƐLƐ KRONGRON

¹⁸ Yera boaen nyii mumua ne wɔ afɔleɛ bokyea ne aso. Ɔte naen yeralɛ afɔleɛ ma AWURADE. Ɔte nikyee fonafona, ɔte afɔleɛ bɔ bɛbɔ ye see so bɛma AWURADE ɔ.

Ɛksadɔso 29:18 Iomraidhean Croise

Gyenesise 22:13

Abraham mane ye nye so, na yieee, onwuni boaen nyii bie [wɔ ye si dɔ], bɔ ndire asosɔ ye mmɛen nu akyekye ye abɔ berɛ ɔ. Abraham hɔle ɔɔfale boaen nyii ne, na ɔfale boaen ne mmom sili ɔwa ne gya nu ɔbɔle naen yeralɛ afɔleɛ ne.

Gyenesise 22:2

Na Nyameɛ sele kyɛ, “Fa ɛwa ne, ɛwa komapɛ twe Yisake, bɔ ɔla w’ahone nwo ne, kɔ Moria aseɛ so, ná fa ye bɔ naen yeralɛ afɔleɛ wɔ berɛ, wɔ mmokaa nemɔ nu ko bɔ ngohyire wɔ ne aso.”

Gyenesise 22:7

Yisake frɛle ɔse Abraham kyɛ, “Baba!” Na osurole kyɛ, “Mma, me ɛhe!” Na Yisake bisale kyɛ, “See ne eyein ne ɛhe, na boaen bɔ yɛkwaafa yɛbɔ naen yeralɛ afɔleɛ ne wɔ nisua?”

Gyenesise 8:20

Nowa sili afɔleɛ bokyea mane AWURADE; na kaka biala bɔ ye nwo te, ɔne anomaa biala bɔ ye nwo te ne, ɔfale nu bie bɔle naen yeralɛ afɔleɛ wɔ bokyea ne aso.

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

1 Ahemvo 18:38

Afei AWURADE see ne fili anwuro ɔɔyerale naen yeralɛ afɔleɛ ne, eyein ne, nyɔboɛ nemɔ ne berɛ nnɛterɛ ne, na ɔwewele nzue bɔ ogyi ɛkã ne anu ne.

1 Ahemvo 3:4

Ɛlɛho bie, Nana Solomon hɔle Gibeon kyɛ ɔkwaabɔ afɔleɛ wɔ berɛ, ofikyɛ berɛ yeɛ né ɔte asɔneyɛɛ titire paa ɔ. Né ɔyɛ a, Solomon taa kɔbɔ naen yeralɛ afɔleɛ apee ko wɔ sɔ afɔleɛ bokyea ne aso.

Edwein 50:8

Nna wɔ ngaka afɔleɛ ne ati yeɛ mekã wɔ nyunu ɔ; wɔ naen yeralɛ afɔleɛ ne, ɔwɔ me nyunu daa.

Ɛksadɔso 29:17

Pepɛ boaen naen ne anu ahuronzi ahuronzi. Nwunzi ye kunu nningyein ne ye gya nemɔ anwo, ná fa bɛ gua naen ahuronzi ahuronzi ɔne ye ti ne aso.

Ɛksadɔso 29:25

Afei, de fi bɛ sa nu, ná yera bɛ ne naen yeralɛ afɔleɛ ne wɔ afɔleɛ bokyea ne aso ma ɔbo fonafona wɔ AWURADE nyunu; ɔte afɔleɛ bɔ bɛfa see bɛyera ye bɛma AWURADE ɔ.

Yesaya 1:11

Ɛmɔ afɔleɛ worawora ne, mefa meyɛ nzu? AWURADE noa dwirɛ ɛne. Mmoaen nyii naen yeralɛ afɔleɛ ɔne nyɛmmoa mɔ bɛ loe ne, mali maa wabɔ me; yeɛ nandwie mogya anaa mmoaen mogya, anaa mbɔngye mogya ɔnzɔ me nye.

Yeremia 6:20

Ɛyɛɛ bɔ bɛ ne ye fi Hyeba bɛba, yeɛ ayirefona bɔ bɛ ne ye fi dedeede maen bie aso bɛba ne, aso bɛ nwo le mvasoɛ ma me? Me nye ngye ɛmɔ ɛyeralɛ afɔleɛ nemɔ anwo, yeɛ ɛmɔ afɔleɛ mɔ koso bɛnzɔ me nye.

Lewitikɔso 1:17

Na odi kyɛ ɔsɔ ye ndaa nemɔ anu osua ye nu, bɔ koso ɔmma ye nu nde koraa ɔ. Afei ɔsɔfo ne ɔ́yera ye wɔ afɔleɛ bokyea ne aso wɔ eyein bɔ ogua see ne aso ne aso. Ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 4:31

Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 8:21

Na bɛfale nzue benwunzini ye kunu nningyein ne ye gya nemɔ anwo beyiele nen, Mose yerale boaen nyii mumua ne amu wɔ afɔleɛ bokyea ne aso fa bɔle naen yeralɛ afɔleɛ bɔ ɔbo fona ná bafa see babɔ bama AWURADE ɔ, kyɛbɔ AWURADE hyɛle Mose ne.

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Marko 12:33

na sɛ ɛfa w’ahone amukoraa ne wɔ ndeaseɛ amukoraa ne wɔ kra amukoraa ne w’anwoserɛ amukoraa ekuro ye dwirɛ, ná ekuro ebiɛngo dwirɛ kyɛ wɔ bɔbɔ wɔ nwo a, ɔte paa tra ɛyeralɛ afɔleɛ ne afɔleɛ amukoraa.”

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.

1 Samuel 7:9

Yiti Samuel fale boaen ba bɔ otua nyɔfone noa bɔle afɔleɛ mumua yeralɛ mane AWURADE. Afei Samuel sũ frɛle AWURADE mane Yisrael, na AWURADE tiele ye mbaeɛ.