Ɛksadɔso 29:14 - AHYERƐLƐ KRONGRON

¹⁴ Nakoso nandwie naen ne, ye nwomaa ne ye fure nu nningyein de, fa see yera bɛ wɔ asikyeleɛ ne asi dɔ. Ɔte bɔne nwo afɔleɛ.

Ɛksadɔso 29:14 Iomraidhean Croise

2 Aberɛso Dwirɛ 29:24

Asɔfo nemɔ huhuni bɛ, na bɛfale bɛ mogya bɛbɔle bɔne nwo afɔleɛ wɔ afɔleɛ bokyea ne aso; bɛfa bɛyɛle mbata bɛmane Yisrael amukoraa. Ofikyɛ Nana Hesekia hyɛle kyɛ odi kyɛ bɛbɔ naen yeralɛ afɔleɛ ne bɔne nwo afɔleɛ bɛma Yisrael amukoraa.

Ɛsra 8:35

Sɔ mmerɛ ne, bɛ bɔ befili nnurehyelɛ nu besa bɛwale ne, bɛbobɔle naen yeralɛ afɔleɛ bɛmane Yisrael Nyameɛ. Begyinane Yisrael amukoraa gya nu bɛfale ɛhemɔ bɛbɔle afɔleɛ: nandwie nyii buru ne nyɔ, mmoaen nyii aburahona ne nzia, yeɛ mmoaen mmaa aburasoo ne nzoo. Besa bɛfale mbɔngye buru ne nyɔ bɛbɔle bɔne nwo afɔleɛ. Bɛfale ye mukoraa bɛbɔle naen yeralɛ afɔleɛ bɛmane AWURADE.

Ɛksadɔso 30:10

Afoɛ biala, ɔsɛ kyɛ Aarɔn bɔ bɔne nwo afɔleɛ wɔ ye mmɛen nemɔ aso. Ɔkɔfa bɔne nwo mbata afɔleɛ mogya kɔpata komapɛ afoɛ biala, wɔ ɛmɔ aworɛ ndoatoasoɛ mukoraati nu. Ɔte krongron paa ma AWURADE.”

Hesekiel 43:21

Afei fa bɔne nwo afɔleɛ nandwie nyii ne, ná yera ye wɔ awuro ne anu nekaa bɔ baye basie berɛ ne, wɔ nekaa krongron ne asi dɔ.

Lewitikɔso 16:11

“Odi kyɛ Aarɔn fa nandwie nyii ne ɔbɔ bɔne nwo afɔleɛ ma ye nwo, ná ɔpata ma ye nwo ne ye awuro ama. Ɔsɛ kyɛ oku nandwie nyii ne ná ɔfa bɔ bɔne nwo afɔleɛ ma ye nwo.

Lewitikɔso 16:27

Bɔne nwo afɔleɛ nandwie nyii ne, ɔne bɔne nwo afɔleɛ abɔngye ne bɔ bɛfale bɛ mogya bɛɛpatale wɔ nekaa krongron ne anu ne, odi kyɛ bɛfa bɛ bɛkɔ asikyeleɛ ne asi; na bɛ nwomaa, bɛ naen ɔne bɛ fure ne, odi kyɛ bɛfa see bɛyera bɛ.

Lewitikɔso 16:3

Sɛ Aarɔn ɔba nekaa krongron ne anu a, bɔ odi kyɛ ɔyɔ ɛhe: odi kyɛ ɔfa nandwie nyii akrɔngrɔma ko bɔ ɔfa bɔ bɔne nwo afɔleɛ ɔ ɔne boaen nyii bɔ ɔfa bɔ naen yeralɛ afɔleɛ.

Lewitikɔso 4:21

Na odi kyɛ ɔsoa nandwie nyii ne kɔ asikyeleɛ ne asi dɔ, ná ɔ́yera ye kyɛbɔ ɔyerale nandwie nyii bɔ oli moa ne; ɔte bɔne nwo afɔleɛ ma maen ne.

Lewitikɔso 4:25

Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie ogua naen yeralɛ afɔleɛ bokyea ne abo.

Lewitikɔso 4:29

Ɔsɛ kyɛ ɔfa ye sa to bɔne nwo afɔleɛ ne ti afia, ná oku ye wɔ nekaa bɔ bɛbɔ naen yeralɛ afɔleɛ nen.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Lewitikɔso 4:32

“Sɛ boaen yeɛ ɔfa babɔ bɔne nwo afɔleɛ a, odi kyɛ ɔfa beleɛ bɔ ollili nnɛen biala ɔ.

Lewitikɔso 5:6

ná ɔ́fa ye foɛlilɛ afɔleɛ ɔbrɛ AWURADE, ɔnate bɔne bɔ wayɔ ne ati. Odi kyɛ ɔfa boaen beleɛ anaa abɔngye beleɛ ɔbɔ foɛlilɛ afɔleɛ, na ɔsɔfo ne kɔsrɛ mbata kɔma ye, ɔnate ye bɔne ti.

Lewitikɔso 5:8

Odi kyɛ ɔfa ngaka nemɔ ɔbrɛ ɔsɔfo ne, ná ɔsɔfo ne oli moa ɔfa ko ne ɔbɔ bɔne nwo afɔleɛ, ókisa ye kɔme, nakoso nnɛmaa ɔte ye ti fi so.

Lewitikɔso 6:25

“Ka kyire Aarɔn ne ye mma mmienzua mɔ kyɛ, ‘Bɔne nwo afɔleɛ nwo nhyehyɛleɛ ɛhe: Nekaa bɔ beku naen yeralɛ afɔleɛ ngaka nemɔ ne, berɛ yeɛ ɔsɛ kyɛ beku bɔne nwo afɔleɛ kaka ne wɔ AWURADE nyunu ɔ; ɔte krongron paa.

Lewitikɔso 8:17

Nakoso nandwie nyii ne, ɔne ye nwomaa, ye naen, ɔne ye fure nu nningyein ne de, Mose fale see yerale bɛ wɔ asikyeleɛ ne asi dɔ kyɛbɔ AWURADE hyɛle ye nen.

Lewitikɔso 9:2

na osele Aarɔn kyɛ, “Fa nandwie nyii akrɔngrɔma bɔ bɔne nwo afɔleɛ ma AWURADE, ná fa boaen nyii bɔ naen yeralɛ afɔleɛ ma AWURADE. Onni kyɛ ngaka ne anu biala yɛ bɔ wali nnɛen ɔ.

Malaki 2:3

Tie, ngohwi ɛmɔ bosofoɛ bɛ nyunu, na ngɔfa bondua ngɔpete ɛmɔ nyunu, ɛmɔ aluolue ngaka bondua ne, na bekogyi ɛmɔ ne bondua ne bekogua.

Numeri 19:5

Odi kyɛ bɛyera nandwie beleɛ ne wɔ Eleasa nyunu berɛ. Bɛ́yera ye nwomaa, ye naen, ye mogya, ɔne ye fure ne.

Numeri 7:16

abɔngye nyii ko bɔ bɛfa bɛbɔ bɔne nwo afɔleɛ ɔ;