Ɛksadɔso 29:13 - AHYERƐLƐ KRONGRON

¹³ Afei fa ɛloe bɔ wato wafa ye kunu nningyein nwo ne amukoraa, bɔ osinzesinze ye boɛ ne anwo ne, ye saa nyɔ nemɔ ɔne bɛ nwo loe ne, ná yera bɛ wɔ afɔleɛ bokyea ne aso.

Ɛksadɔso 29:13 Iomraidhean Croise

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Ɛksadɔso 12:9

Nnɛma ɛmɔdi ye monɛ, yeɛ nnɛma ɛmɔfa nzue bɛto, na mmom ɛ́mɔtoto: ye ti, ye gya ne ye kunu nningyein ne boka so.

Ɛksadɔso 29:18

Yera boaen nyii mumua ne wɔ afɔleɛ bokyea ne aso. Ɔte naen yeralɛ afɔleɛ ma AWURADE. Ɔte nikyee fonafona, ɔte afɔleɛ bɔ bɛbɔ ye see so bɛma AWURADE ɔ.

Ɛksadɔso 29:22

“Boaen nyii ne, fa ye loe ne, ye dua pue ne, ɛloe bɔ wato wafa ye kunu nningyein nwo ne, bɔ osinzesinze ye boɛ nwo ne, ye saa nyɔ nemɔ ɔne bɛ nwo loe ne, ɔne ye sɔ famaa ne, (ofikyɛ ɔte ɔsɔfohyɛlɛ boaen nyii).

Ɛksadɔso 29:25

Afei, de fi bɛ sa nu, ná yera bɛ ne naen yeralɛ afɔleɛ ne wɔ afɔleɛ bokyea ne aso ma ɔbo fonafona wɔ AWURADE nyunu; ɔte afɔleɛ bɔ bɛfa see bɛyera ye bɛma AWURADE ɔ.

Yesaya 1:11

Ɛmɔ afɔleɛ worawora ne, mefa meyɛ nzu? AWURADE noa dwirɛ ɛne. Mmoaen nyii naen yeralɛ afɔleɛ ɔne nyɛmmoa mɔ bɛ loe ne, mali maa wabɔ me; yeɛ nandwie mogya anaa mmoaen mogya, anaa mbɔngye mogya ɔnzɔ me nye.

Yesaya 34:6

Mogya ayɛ AWURADE ngrandɛ ne anwo takaa, ɛloe afɔrefɔre ye nwo, mmoaen mmaa mogya ne mbɔngye mogya wayɛ ngrandɛ ne anwo, mmoaen nyii mɔ, bɛ saa nwo loe wayɛ ye nwo, ofikyɛ AWURADE asiesie afɔleɛ wɔ Bosra, ɔne ehunɛ afɔleɛ kandinga wɔ Edom aseɛ so.

Yesaya 43:24

Amva sikaa andɔ ayirefona amma me, yeɛ w’afɔleɛ ɛloe nemɔ, amva amma me amma me ko anyi. Na mmom, ama wɔ bɔne ne ayɛ me so adesoa, yeɛ afa w’amumuyɛɛ ne agyegye me.

Lewitikɔso 1:15

Odi kyɛ ɔsɔfo ne ɔfa ye ba afɔleɛ bokyea ne anwo, ókisa ye kɔme ná ɔ́yera ye wɔ afɔleɛ bokyea ne aso, ná ohwi ye mogya ne ogua afɔleɛ bokyea ne ngyɛnu.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 16:25

Ɛloe bɔ ɔwɔ bɔne nwo afɔleɛ ne anu ne, odi kyɛ ɔsɔfo ne yera ye wɔ afɔleɛ bokyea ne aso.

Lewitikɔso 17:6

Odi kyɛ ɔsɔfo ne hwie mogya ne gua AWURADE afɔleɛ bokyea ne anwo wɔ ɛtena sua atenaleɛ anoa nu berɛ, ná ɔ́yera ɛloe ne maa ɔyɛ nwosina bɔ ɔbo AWURADE fona ɔ.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 4:31

Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 4:35

Na odi kyɛ ɔye ye loe ne amukoraati, kyɛbɔ bɛye asomdwee afɔleɛ boaen nu loe ne, na odi kyɛ ɔsɔfo ne ɔfa gua afɔleɛ bɔ bafa babrɛ AWURADE ne aso, ná ɔyera ye wɔ afɔleɛ bokyea ne aso; na ɔsɔfo ne kɔpata kɔma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Lewitikɔso 6:12

Odi kyɛ ɔma see ne kɔ so gye wɔ afɔleɛ bokyea ne aso; onni kyɛ onnua ɔ. Ɔsɔfo ne ɔ́fa eyein gua nu ngyerɛmɔ biala, ɔ́hyehyɛ naen yeralɛ afɔleɛ ne wɔ so, ná ɔyera asomdwee afɔleɛ loe ne wɔ so.

Lewitikɔso 7:3

Odi kyɛ bɛfa ye loe ne amukoraa bɛbɔ afɔleɛ, ye dua pue ɔne ɛloe bɔ wato wafa ye kunu nningyein anwo ne,

Lewitikɔso 7:31

Odi kyɛ ɔsɔfo ne yera ɛloe ne wɔ afɔleɛ bokyea ne aso. Nakoso kaka ne sa ne de, Aarɔn ne ye mma mmienzua mɔ bɛ deɛ ɔ.

Lewitikɔso 7:4

ɔne ye saa nyɔ ne ɔne bɛ nwo loe bɔ ɔwɔ ye sisia ne anu ne, ɔne ye boɛ ne bie bɔ odi kyɛ ɔye boka ye saa nemɔ aso ne.

Lewitikɔso 8:16

Mose fale ɛloe bɔ wato wafa ye kunu nningyein anwo ne amukoraa, ye boɛ ne bie, ye saa nyɔ ne ɔne bɛ loe, na ɔyerale bɛ wɔ afɔleɛ bokyea ne aso.

Lewitikɔso 8:25

Ɔfale ɛloe ne ye dua pue ne, ɛloe amukoraa bɔ wato wafa ye kunu nningyein anwo ne, ye boɛ ne bie, ye saa nyɔ nemɔ ɔne bɛ nwo loe ne, ɔne ye sɔ famaa ne;

Lewitikɔso 9:10

Nakoso bɔne nwo afɔleɛ loe ne, ye saa nemɔ, ɔne ye boɛ ne bie de, ɔyerale bɛ wɔ afɔleɛ bokyea ne aso, kyɛbɔ AWURADE hyɛle Mose ne.

Lewitikɔso 9:19

Bɛfale ɛhemɔ koso bɛbrɛle ye: nandwie nyii loe ne ɔne boaen nyii loe ne, bɛ dua pue ne, ɛloe bɔ wato wafa bɛ kunu nningyein ne anwo ne, bɛ saa nyɔ ne, ɔne ye bɛ boɛ ne bie.

Numeri 18:17

Nakoso nandwie bamuɛbaa, anaa boaen bamuɛbaa, anaa abɔngye bamuɛbaa de, nnɛpɔ bɛ; bɛte krongron. To bɛ mogya ne pete afɔleɛ bokyea ne aso, ná yera bɛ loe ne ma ɔyɛ afɔleɛ bɔ bɛfa see bɛyera ye, bɔ ɔbo AWURADE fona ɔ.

1 Samuel 2:16

Na sɛ sona ne bua ye kyɛ, “Maa bɛyera ɛloe ne koraka né afa bɔ ekuro ɔ” a, ye koso obua kyɛ, “Daabi, fa ma me kekesaala ye. Anyɔ sɔ a, ngɔfa ye anyeborolɛ so!”