Ɛksadɔso 29:11 - AHYERƐLƐ KRONGRON

¹¹ Afei ku nandwie ne AWURADE nyunu, wɔ ɛtena sua atenaleɛ nu berɛ.

Ɛksadɔso 29:11 Iomraidhean Croise

Ɛksadɔso 29:10

“Fa nandwie nyii ne bra ɛtena sua atenaleɛ nu berɛ, ná Aarɔn ne ye mma mmienzua nemɔ bɛ́fa bɛ sa bégua nandwie ne ti afia.

Ɛksadɔso 29:12

Fa nandwie mogya ne bie, ná fa wɔ sa mmɛseka bɔ nu fa kekã afɔleɛ bokyea mmɛen nemɔ anwo. Na mogya bɔ ɔkɔha ne de, hwie gua afɔleɛ bokyea ne abo.

Ɛksadɔso 29:4

Fa Aarɔn ne ye mma mmienzua nemɔ bra ɛtena sua atenaleɛ anoa nu berɛ, ná fa nzue nwunzinwunzi bɛ nwo.

Lewitikɔso 14:13

Odi kyɛ oku boaen akrɔngrɔma ne wɔ nekaa krongron berɛ, nekaa bɔ beku bɔne nwo afɔleɛ ɔne naen yeralɛ afɔleɛ ngaka ne, ofikyɛ foɛlilɛ afɔleɛ te kyɛ bɔne nwo afɔleɛ ne ala; ɔte ɔsɔfo ne deɛ na ɔte krongron paa.

Lewitikɔso 3:2

Odi kyɛ ɔfa ye sa to kaka ne ti afia, ná oku ye wɔ ɛtena sua atenaleɛ anoa nu berɛ; na Aarɔn mma mmienzua bɔ bɛ yeɛ bɛte asɔfo ne, odi kyɛ bɛfa mogya ne behwie begua afɔleɛ bokyea ne anwo bɛbra beyia.

Lewitikɔso 4:4

Odi kyɛ ɔfa nandwie nyii ne ɔba AWURADE nyunu wɔ ɛtena sua atenaleɛ anoa nu berɛ. Odi kyɛ ɔfa ye sa to nandwie ne ti so, ná oku nandwie ne wɔ AWURADE nyunu.

Lewitikɔso 8:15

Mose huni kaka ne, ɔfale ye mogya ne bie, na ɔfale ye sa mmɛseka bɔle mogya ne anu yeyɛle afɔleɛ bokyea mmɛen nemɔ anwo bra yiale. Ɔpetene afɔleɛ bokyea ne anwo, na ohwiele mogya ne guale afɔleɛ bokyea ne abo, ɔtele bokyea ne anwo, na ɔnate ɛhe aso fa yɛle bɔne nwo mbata mane afɔleɛ bokyea ne.

Lewitikɔso 9:12

Afei Aarɔn huni naen yeralɛ afɔleɛ kaka ne, na ye mma mmienzua nemɔ fale kaka ne mogya ne bɛbrɛle ye, na ohwie guale afɔleɛ bokyea ne anwo bra yiale.

Lewitikɔso 9:8

Aarɔn pingyele afɔleɛ bokyea ne, na ohuni nandwie bɔ ɔfa bɔ bɔne nwo afɔleɛ mane ye nwo ne.