Ɛksadɔso 28:43 - AHYERƐLƐ KRONGRON

⁴³ Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Ɛksadɔso 28:43 Iomraidhean Croise

Ɛksadɔso 20:26

Nnɛfo simbini so kɔ m’afɔleɛ bokyea nwo, ná wɔ nwo angua berɛ wɔ so.’

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 30:21

Ɔsɛ kyɛ benwunzi bɛ sa ne bɛ gya nwo, ná banwu. Na sɔ ahyɛdeɛ ne kɔla berɛ daa kɔma bɛ: Aarɔn ne ye bosofoɛ wɔ b’aworɛ ndoatoasoɛ amukoraati nu.

Hesekiel 44:17

Na ɔkɔwa kyɛ, sɛ bɛba anoa piri bɔ ɔwɔ ye kunu dɔ aluo berɛ ne anu a, odi kyɛ bewura nwera ataadeɛ. Onni kyɛ bewura boaen nwiaa ataadeɛ biala, wɔ mmerɛ bɔ bɛ́yɔ ɛsɔnenɛ adwuma wɔ ye kunu dɔ aluo berɛ anoa piri ne anu ɔ.

Lewitikɔso 16:13

Afei odi kyɛ ɔfa ɛyɛɛ ne ogua see ne aso wɔ AWURADE nyunu, amaa mbata bia bɔ ɔwɔ Adanzeɛ ne aso ne, ɛyɛɛ nwosina ne akata so, ná wanwu.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Lewitikɔso 22:15

Yisraelfoɛ akyɛdeɛ krongron bɔ bɛfa bɛma AWURADE ne, nnɛma ebiala gua ye nwo fiɛ,

Lewitikɔso 22:9

Asɔfo nemɔ beli m’ahyɛdeɛ so, amaa bangua me nekaa krongron ne anwo fiɛ, ná banni fɔ ná banwuwu: Me ole AWURADE bɔ mete bɛ nwo ɔ.

Lewitikɔso 3:17

Na ɛhe kɔyɛ ahyɛdeɛ afebɔɔ kɔma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ, kyɛ nnɛma ɛmɔdi ɛloe anaa mogya.”

Lewitikɔso 5:1

“Sɛ ebie nye tua edwirɛ bie, anaakyɛ ɔte edwirɛ bie, ná bɛfrɛ ye kyɛ ooli ye nwo adanzeɛ, ná wangɔ maa ɔnate so ɔyɔ bɔne a, ye musue kɔbɔ ye ti so.

Lewitikɔso 5:17

“Sɛ ebie yɔ bɔne, kyɛ ɔyɔ nningyein bɔ Nyameɛ abra kyɛ nnɛmaa bɛyɔ ne anu biala nwo a, sɛ ɔnze po a, odi ye nwo fɔ, na ye musue kɔbɔ ye ti so.

Numeri 15:15

Yisraelfoɛ de, ahyɛdeɛ komapɛ yeɛ ɔla berɛ ma ɛmɔ ne ɛwɔfoɛ bɔ baatena ɛmɔ nu ne ɔ; odi kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ nu. Odi kyɛ ɛmɔ ne ɛwɔfoɛ ne bɛyɛ pɛ wɔ AWURADE nyunu.

Numeri 18:22

Ofi ɛnɛ bɔ ɔkɔ ɔ, nnɛma Yisraelfoɛ bepingye ɛtena sua atenaleɛ ne, anyɔ a musue kɔbɔ bɛ ti so maa bekowuwu.

Numeri 18:32

Sɛ ɛmɔfa bɔ ɔte paa paa ne bɛma AWURADE a, ye de foɛlilɛ biala ɔnne ɛmɔ so. Nakoso nnɛma ɛmɔgua Yisraelfoɛ akyɛdeɛ krongron nemɔ anwo fiɛ, ná ɛmɔanwuwu.”

Numeri 18:8

AWURADE sele Aarɔn kyɛ, “Afɔleɛ bɔ bɛfa bɛbrɛ me ne, bɔ ɔte Yisraelfoɛ akyɛdeɛ krongron amukoraa ne, mafa mawura wɔ sa. Mafa mama wɔ ne wɔ mma kyɛ ɔsɔfo kyɛfa bɔ ɔte ɛmɔ deɛ afebɔɔ ɔ.

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.