Ɛksadɔso 28:4 - AHYERƐLƐ KRONGRON

⁴ Ndaadeɛ bɔ ɔsɛ kyɛ bɛpomba nemɔ ɛhe: ahone so aguasoɛ, ɔsɔfo ataadeɛ, ataadeɛ tendenn, aguasoɛ bɔ banwo nningyein bagua nu ɔ, yeɛ abotire ne abɔsoɛ. Ɔsɛ kyɛ bɛpomba ndaadeɛ krongron hemɔ bɛma eliɛma Aarɔn ne ye mma mmienzua nemɔ, maa bedi sɔfo bɛso me.

Ɛksadɔso 28:4 Iomraidhean Croise

2 Samuel 6:14

Dawide fale ye anwoserɛ amukoraa gole abilie wɔ AWURADE nyunu. Né Dawide afa ɔsɔfo ataadeɛ bɔ ɔte nwera ɔ wapɛ ye bo.

Ɛksadɔso 25:7

nyɔboɛ bɔ bɛfrɛ ye onike, mbembenanneɛ bɔ bɛfa bɛteta ɔsɔfo ataadeɛ nu, ɔne ye ahone so aguasoɛ nu ɔ.

Ɛksadɔso 29:6

Fa abotire ne bɔ ye, ná fa kyerɛ krongron ne puro abotire ne aso.

Ɛksadɔso 39:28

Besa bɛnwone nwera paa abotire ne, nwera paa kyerɛ ne, ɔne pieto bɔ bafa gyese banwo ne;

Yesaya 11:5

Tenenee kɔyɛ abɔsoɛ bɔ ɔkɔfa kɔbɔ ye nu ɔ, yeɛ nahorɛlilɛ kɔyɛ abɔsoɛ kɔbɔ ye yaase.

Yesaya 59:17

Ofikyɛ ɔfale tenenee wurale kyɛ buralɛ bɔ ɔkata bɛ hue so ɔ, yeɛ ɔfale ngoalelɛ buralɛ kyerɛ wurale ye ti; ɔfale wereɛtɔlɛ ataadeɛ wurale, na ɔfale nungunɛhwenɛ herale kyɛ ɛtena.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Ɛfesofoɛ 6:14

Yiti ɛ́mɔgyina pindinn, ɛ́mɔfa nahorɛ bɛyɛ abɔsoɛ bɛbɔ ɛmɔ yaase, ná ɛ́mɔfa tenenee bɛyɛ buralɛ bɛkata ɛmɔ hue so,

1 Tɛsalonikafoɛ 5:8

Nakoso ɔnate kyɛ yɛte alehyeleɛ mma ne ati, ɛ́mɔma yɛ nye la berɛ ná yɛfa gyidie ne ɔdɔ yɛyɛ koɛ buralɛ yɛkata yɛ hue so, na yɛfa ngoalelɛ nwo anyelasoɛ yɛyɛ koɛ buralɛ kyerɛ yɛwura.

Nyekyire 9:17

Na mbɔngɔ mɔ ne bɛ bɔ bɛtete bɛ so ne, kyɛbɔ nzi nwuni bɛ wɔ me nyekyire ne anu ne, ye ɛhe: Bele see ne afasebire ne sɔfe buralɛ bɔ ɔkata bɛ hue so ɔ, na mbɔngɔ nemɔ bɛ ti te kyɛ gyata ti, na see ne nwosina ne sɔfe fili bɛ noa nu wale.

1 Samuel 2:18

Né Samuel de, ɔte akwadaa bɔ ɔso AWURADE ɔ. Né owura ɔsɔfo somvoɛ ataadeɛ bɔ ɔte nwera ɔ.

1 Samuel 22:18

Na Nana Sɔɔlo sele Dɔɔgye kyɛ, “Wɔ Dɔɔgye, kɔ asɔfo nemɔ so kohũhũ bɛ!” Na Edomniɛ Dɔɔgye hɔle asɔfo nemɔ so oohuhuni bɛ. Sɔ kyẽa ne, ohuni mmenia aburawɔtwɛ ne nnu bɔ bewura ɔsɔfo ataadeɛ bɔ ɔte nwera ɔ.

1 Samuel 23:6

Mmerɛ bɔ né Ahimɛlɛke awa Abiata ɔnwati kɔ Dawide berɛ wɔ Keila nen, ɔfale ɔsɔfo ataadeɛ ne hɔle.

1 Samuel 30:7

Yeɛ Dawide sele Ahimɛlɛke awa ɔsɔfo Abiata kyɛ, “Fa ɔsɔfo ataadeɛ ne brɛ me.” Na Abiata fale ɔsɔfo ataadeɛ ne brɛle ye.