Ɛksadɔso 28:36 - AHYERƐLƐ KRONGRON

³⁶ “Boro sikaa kɔkorɛ paa yɛ ye taataa, ná di adwii kolikoli so, kyɛbɔ nzɔanoɛ so kolikolilɛ te ɔ, kyɛ, ‘Ɔte krongron ma AWURADE.’

Ɛksadɔso 28:36 Iomraidhean Croise

1 Aberɛso Dwirɛ 23:13

Amram mma mmienzua ole Aarɔn ne Mose. Nyameɛ tuli Aarɔn siele berɛ kyɛ ɔɔte nningyein krongron paa nemɔ anwo, ná ye sɔ ti, ɔne ye boso ama bɛyera ɛyɛɛ wɔ AWURADE nyunu afebɔɔ, bɛsɔne ye, ná beyira mmenia wɔ AWURADE dumaa nu afebɔɔ.

Edwein 93:5

Wɔ noa dwirɛ te nahorɛ turoloo; ao AWURADE, krongronyɛlɛ fata w’awuro afebɔɔ.

Ɛksadɔso 19:6

Ɛmɔkɔyɛ m’asɔfo ahennie maen ɔne maen krongron. Na edwirɛ bɔ ɔsɛ kyɛ ɛkã kyire Yisraelfoɛ hɔ ɛne.”

Ɛksadɔso 28:11

Na kyɛbɔ dwumvoɛ di adwii kolikoli nzɔanoɛ so ne, sɔ ala yeɛ di adwii, ná kolikoli Yisrael mma mmienzua nemɔ dumaa gua nyɔboɛ nyɔ ne aso ɔ. Fa sikaa kɔkorɛ fofa ye nwo bra yia.

Ɛksadɔso 28:35

Na sɛ Aarɔn ɔ́yɔ ye ɔsɔfo adwuma ne a, ɔsɛ kyɛ ɔfa wura, amaa sɛ ɔ́kɔ nekaa krongron ne anu wɔ AWURADE nyunu a, ɔne kyɛ ofi berɛ ófite a, bate adɔma ne wosolɛ, ná wanwu.

Ɛksadɔso 28:37

Fa nyamaa bibire kyekye ye fa sɔ abotire ne, ná maa ɔbra abotire ne nyunu.

Ɛksadɔso 28:9

Nyɔboɛ bɔ bɛfrɛ ye onike ne, fa nyɔ, ná di adwii kolikoli Yisrael mma mmienzua nemɔ dumaa gua so.

Ɛksadɔso 29:6

Fa abotire ne bɔ ye, ná fa kyerɛ krongron ne puro abotire ne aso.

Ɛksadɔso 39:27

Besa bɛfale nwera paa bɔ banwo ɔ bɛyɛle ataadeɛ aguasoɛ bɛmane Aarɔn ne ye mma mmienzua nemɔ.

Ɛksadɔso 39:30

Bɛborole sikaa kɔkorɛ paa taataa bɛfa bɛyɔle kyerɛ krongron ne, na bɛhyerɛle so kyɛbɔ nzɔanoɛ so ahyerɛlɛ te ɔ, kyɛ, “Ɔte krongron ma AWURADE.”

Ɛksadɔso 39:31

Na bɛfale nyamaa bibire bɛkyekyele bɛfa bɛsɔle abotire ne aso anwuro, kyɛbɔ AWURADE hyɛle Mose nen.

Yesaya 23:18

Nakoso ye dwaa nningyein ne ye mvasoɛ ne, ɔkɔyɛ krongron kɔma AWURADE. Bɛngɔfa ngosie, yeɛ bɛngɔfa ngɔfea, na mmom ye dwaa nningyein ne kɔyɛ bɛ bɔ bɛwɔ AWURADE nyunu ɔ bɛ deɛ, na ɔkɔmaa bekonya aleɛ pee bekoli, ɔne ɛtena paa bɛkɔhera.

Hesekiel 43:12

Awuro ne, ye nwo mmeraa ɛhe: Bokaa ne ti afia, ɔne ye nwo wɛen bɔ ɔpɛ ye nwo wabra wayia amukoraa te krongron nu krongron. Tie, awuro ne nwo mmeraa ɛne.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Lewitikɔso 19:2

“Ka kyire Yisrael maen ne amukoraati kyɛ, Ɛ́mɔyɛ krongron ofikyɛ me AWURADE, ɛmɔ Nyameɛ, nde krongron.

Lewitikɔso 8:9

Ɔfale abotire ne bɔle ye, na ɔfale sikaa kɔkorɛ taataa ne, bɔ yeɛ ɔte krongronyɛlɛ kyerɛ ne bɔle abotire ne aso wɔ ye nyunu, kyɛbɔ Nyameɛ hyɛle Mose ne ala.

Sakaria 14:20

Sɔ kyẽa ne, adɔma mɔ bɔ bɛlela mbɔngɔ kɔme ne, bɛkɔhyerɛ so kyɛ, “ƆTE KRONGRON MA AWURADE.” Na AWURADE awuro berɛ ngukue nemɔ bɛkɔyɛ kyɛ afɔleɛ bokyea ne anyunu berɛ ndalie nemɔ.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.