Ɛksadɔso 28:34 - AHYERƐLƐ KRONGRON

³⁴ Sikaa kɔkorɛ adɔma li berɛ a, né akengaa wora oli berɛ; maa ɔpɛ ɔsɔfo ataadeɛ aguasoɛ tendenn ne noa bɔ babu ne amukoraa ɔbra yia.

Ɛksadɔso 28:34 Iomraidhean Croise

Edwein 89:15

Maen bɔ bɛse ayɛyelɛ nwo esebɔlɛ ne, benya saleɛ; bɛ yeɛ bɛnate wɔ nyunu hyireinn ne anu ɔ.

Ɛksadɔso 28:33

Ye noa bɔ babu ne amukoraa, fa bibire, koogyan ne adaabene nwo akengaa gua nu; ná fa sikaa kɔkorɛ adɔma mɔ sinzesinze b’afia mukoraati.

Ɛksadɔso 28:35

Na sɛ Aarɔn ɔ́yɔ ye ɔsɔfo adwuma ne a, ɔsɛ kyɛ ɔfa wura, amaa sɛ ɔ́kɔ nekaa krongron ne anu wɔ AWURADE nyunu a, ɔne kyɛ ofi berɛ ófite a, bate adɔma ne wosolɛ, ná wanwu.

Ɛksadɔso 39:22

Osa fale nyamaa bibire ngome nwone ɔsɔfo ataadeɛ aguasoɛ tendenn ne.

Ɛksadɔso 39:26

Adɔma li berɛ a, né akengaa toa so, adɔma li berɛ a, né akengaa toa so, wɔ ɔsɔfo ataadeɛ aguasoɛ tendenn ne noa bɔ babu ne amukoraa bra yiale, kyɛbɔ AWURADE hyɛle Mose nen.

Edwein Nu Dwein 2:3

Kyɛbɔ aprɛ te wɔ eburo mmakaa mɔ nu ne, sɔ ala yeɛ me kurofoɛ ne ɔte wɔ mmerandeɛ mɔ nu ɔ. Ndenane ye bo fɔnwoo ne anu wɔ anika nu, na ye mma ne, wabie wagua me gye abo.

Edwein Nu Dwein 4:13

Wɔ mmaen nemɔ, bɛte turo bɔ akengaa wɔ nu, bɔ mmakaammaa paa wɔ nu ɔ, kandanguru ne mmakaa fonafona,

Edwein Nu Dwein 4:3

Wɔ noa te kyɛ nyamaa kɔkorɛ, wɔ noa dwudwolɛ yeɛ oku me ye, wɔ mvoka bɔ ɔtetɛ berɛ wɔ wɔ ngatanyunu nu ne, ɔte kyɛ akengaa bɔ bapakye nu nyɔ ɔ.

Edwein Nu Dwein 6:11

Ndwu ngɔle kube turo ne anu, kyɛ mekwaanea bɔnza ne anu mmakaa frɔmfrɔm nemɔ, kyɛ mekwaanea sɛ bobe nemɔ bafefɛ a, kyɛ mekwaanea sɛ akengaa nemɔ babɔ nyerɛen a.

Edwein Nu Dwein 6:7

Wɔ mvoka bɔ ɔtetɛ berɛ wɔ wɔ ngatanyunu nu ne, ɔte kyɛ akengaa bɔ bapakye nu nyɔ ɔ.

Edwein Nu Dwein 8:2

Ahaa ngoli wɔ nyunu ngɔfa wɔ ngɔwa me ni awuro maa ekohyire me ehurolɛ. Ahaa ngɔmaa ɛkɔno nzaa bɔ nningyein fonafona wɔ nu ɔ bɔ ɔte m’akengaa nzue bɔ bahwi ɔ.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.