Ɛksadɔso 28:30 - AHYERƐLƐ KRONGRON

³⁰ Yurim ne Tumim ne, fa wurawura ahone so ndɛenbualɛ aguasoɛ ne anu, amaa bagua Aarɔn ahone so mmerɛ biala bɔ ɔkɔhɔ AWURADE nyunu ɔ. Yiti nikyee bɔ Yisraelfoɛ fa bisa Nyameɛ apɛdeɛ ne, Aarɔn kɔsoa ye wɔ ye ahone so wɔ AWURADE nyunu daa.

Ɛksadɔso 28:30 Iomraidhean Croise

Ɛsra 2:63

Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

Nehemia 7:65

Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

Ɛksadɔso 28:29

“Yiti mmerɛ biala bɔ Aarɔn kɔhɔ nekaa krongron ne anu nen, Yisrael mma mmienzua nemɔ bɛ dumaa bɔ ɔwɔ ndɛenbualɛ aguasoɛ ne anu ne, ɔkɔsoa ye wɔ ye ahone so, maa ɔkɔyɛ AWURADE nyunu ngayeɛ daa.

Lewitikɔso 8:8

Ɔfale ahone so aguasoɛ ne wurale ye, na ɔfale Yurim ne Tumim ne wurale ahone so aguasoɛ ne anu.

Sakaria 6:13

Amba, ye yeɛ okosi AWURADE asɔneyɛɛ sua ne ɔ, okonya ahennie animnyam ne, ɔkɔtena ye ahennie bia so koli hene, okoli sɔfo wɔ ye ahennie bia ne aso, na asomdwee bɔ odi mu ɔ kɔwa bɛ munyɔ b’afia.”

Numeri 27:21

Nakoso odi kyɛ ɔba ɔsɔfo Eleasa nyunu maa ɔfa Yurim so obisa AWURADE noa dwirɛ ɔma ye wɔ AWURADE nyunu. AWURADE noa dwirɛ so yeɛ odi kyɛ ɔne Yisrael maen ne amukoraa begyina bɛyɔ nikyee biala ɔ.”

2 Korintofoɛ 12:15

Na me de, ɔkɔyɛ me fɛ kyɛ ɔnate ɛmɔ kra ti ngɔhwere me nikyee biala, ɔne me bɔbɔ me mumua ne. Na sɛ mekuro ɛmɔ dwirɛ pee sɔa a, né nzu ati yeɛ ɛmɔ de ɛmɔkuro me dwirɛ kãa bie ɔ?

2 Korintofoɛ 7:3

Menga he memmua ɛmɔ foɛ, ofikyɛ mali moa mahã kyɛ ɛmɔbata y’ahone nwo, bɔ sɛ ewue nu oo, ngoa nu oo, yɛne ɛmɔ ala.

Deuteronomi 33:8

Bɔ ɔha fale Lewi nwo ɛhe: Fa wɔ Tumim ne ma Lewi, fa wɔ Yurim ne ma wɔ krongronniɛ ne, bɔ esole ye neane wɔ Masa, ná ɛne ye perele so wɔ Meriba asue nwo ne.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Hebrifoɛ 9:12

na wawura Krongron nu Krongron ne anu berɛ komapɛ. Wamva mbɔngye ne nandwie mmaa mogya yeɛ ɔɔbɔle afɔleɛ ɔ, na mmom ye bɔbɔ ye mogya yeɛ ɔfa bɔle afɔleɛ nyane daa ngoa mane yɛ ɔ.

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

Maenbulɛfoɛ 1:1

Yosua wue asi ne, Yisraelfoɛ bisale AWURADE kyɛ, “Yɛ nu abusua kure beni yeɛ oli moa ɔfa koɛ ɔɔteta Kanaanfoɛ ɔma yɛ ɔ?”

Maenbulɛfoɛ 20:18

Yisraelfoɛ sili nu bɛhɔle Betel beebisale Nyameɛ kyɛ, “Yɛ nu abusua kure beni yeɛ oli moa ɔfa koɛ ɔɔteta Benyaminfoɛ ɔ?” Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ.”

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

1 Samuel 28:6

Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.