Ɛksadɔso 28:3 - AHYERƐLƐ KRONGRON

³ Ka kyire bɛ bɔ bedi adwii, bɔ mafa sɔ nworɛ ne mama bɛ amukoraati, kyɛ bɛ́pomba ndaadeɛ bɛ́ma Aarɔn ma ɔyɛ krongron, ná oli sɔfo so me.

Ɛksadɔso 28:3 Iomraidhean Croise

1 Ahemvo 7:14

Hiram oni te braa kunaniɛ bie bɔ ofi Nafetali abusua kure nu. Né ɔse koso te kɔɔbere dwumvoɛ bɔ ofi Tiro ɔ. Né Hiram di adwii paa, ɔse nworɛ, na ole kɔɔbere adwuma nwo nimdeɛ. Ɔwale Nana Solomon berɛ ɔɔyɔle ye kɔɔbere nwo adwuma amukoraa mane ye.

Ɛksadɔso 35:10

“Ɛmɔ nu biala bɔ ɔse adwii di ne, ɔ́bra ɔɔyɔ bɔ AWURADE ahyɛ ne amukoraa:

Ɛksadɔso 35:25

Na brasua biala bɔ ɔse ɛtena nwo nen, ɔfale nningyein bɔ wafa bibire, koogyan, adaabene, ne gyese wanwo ɔ wale.

Ɛksadɔso 35:30

Na Mose sele Yisraelfoɛ kyɛ, “Ɛ́mɔtie, AWURADE aneanea nu waye Besalel bɔ ɔse ole Yuri, bɔ ye koso ɔse ole Hure, bɔ ofi Yuda abusua kure nu ne;

Ɛksadɔso 35:31

na wafa Nyameɛ Sunzum wawura ye nu maa wanya ndeaseɛ, nworɛ ne nimdeɛ wɔ adwiililɛ mukoraati nu;

Ɛksadɔso 35:35

Wama nworɛ ayi bɛ ti anu tɛkyɛ kyɛ bɛfa beli adwii biala. Mekyire: nyɔboɛ dwumvoɛ, bakaa dwumvoɛ, ɔne ɛtena nwonɛ bɔ bɛfa bibire, koogyan, adaabene ne gyese bedi nu adwii ɔ. Bɛte mmenia bɔ bɛkora bedi adwii ahoroɔ amukoraati.

Ɛksadɔso 36:1

“Na Besalel, Oholiabo ne dwumvoɛ amukoraa bɔ AWURADE ama bɛ adwiililɛ nwo nimdeɛ ne ndeaseɛ kyɛ bɛ́fa bési nekaa krongron nen, ɔsɛ kyɛ bɛyɔ adwuma ne pɛpɛɛpɛ kyɛbɔ AWURADE ahyɛ bɛ ne.”

Ɛksadɔso 36:2

Afei Mose frɛle Besalel ne Oholiabo ne dwumvoɛ amukoraa bɔ AWURADE ama bɛ adwiililɛ nwo nimdeɛ, ɔne ebiala bɔ edwirɛ ne kanyane ye kyɛ ɔɔyɔ adwuma ne.

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Ɛfesofoɛ 1:17

kyɛ y’Awurade Yesu Kristo Nyameɛ, bɔ ɔte animnyam Baba ne, ɔ́ma ɛmɔ nworɛ ne nyekyire sunzum wɔ ye nwo nimdeɛ nu,

Deuteronomi 34:9

Na nworɛ sunzum yili Nun awa Yosua ti anu tɛkyɛɛ, ofikyɛ né Mose afa ye sa wagua ye so; Yisraelfoɛ tiele Yosua dwirɛ, na belili nhyehyɛleɛ bɔ AWURADE fa mane Mose ne aso.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.