Ɛksadɔso 28:21 - AHYERƐLƐ KRONGRON

²¹ Ɔsɛ kyɛ nyɔboɛ nemɔ yɛ buru ne nyɔ. Yisrael mma mmienzua nemɔ, ko biala dumaa kogua ko aso. Maa beli adwii bekolikoli ko biala so kyɛbɔ nzɔanoɛ so kolikolilɛ te ɔ. Abusua buru ne nyɔ ne, ko biala dumaa kogua ko aso.

Ɛksadɔso 28:21 Iomraidhean Croise

1 Ahemvo 18:31

Elia sesale nyɔboɛ buru ne nyɔ, kyɛbɔ Yakob bɔ AWURADE hã hyirele ye kyɛ, ‘Bɛkɔfrɛ wɔ Yisrael’ ne, ye mma mmienzua mɔ mmusua kure ne, bɛ somaa te ɔ.

YOB NWOMAA NE 19:24

Sɛ ahaa bɛfa buralɛ pɛn, ɔne sum bekolikoli begua nyɔboɛ so maa ɔtena berɛ afebɔɔ a!

Ɛksadɔso 24:4

Na Mose hyerɛle AWURADE dwirɛ ne amukoraati. Na ɔpɛle aleɛ dwɔsole ngyerɛmɔ sili afɔleɛ bokyea wɔ bokaa ne nye abo, na ɔfale nyɔboɛ buru ne nyɔ penapenane berɛ, ɔfa gyinane berɛ mane Yisrael abusua kure buru ne nyɔ ne.

Ɛksadɔso 28:11

Na kyɛbɔ dwumvoɛ di adwii kolikoli nzɔanoɛ so ne, sɔ ala yeɛ di adwii, ná kolikoli Yisrael mma mmienzua nemɔ dumaa gua nyɔboɛ nyɔ ne aso ɔ. Fa sikaa kɔkorɛ fofa ye nwo bra yia.

Ɛksadɔso 28:20

ná folii bɔ ɔtɔ so nna ne yɛ nyɔboɛ bɔ bɛfrɛ ye bɛrile, onike ne yasepa. Fa sikaa kɔkorɛ pɛ ye nwo hangra.

Ɛksadɔso 28:22

Fa sikaa kɔkorɛ paa yɔ ndweaban, bɔ banwo ye mmɛsa kyɛ nyamaa wɔ ahone so aguasoɛ ne anu.

Sakaria 9:16

Na sɔ kyẽa ne, AWURADE bɛ Nyameɛ kole bɛ ngoa, ɔnate kyɛ bɛte ye maen mmoaen kure, ofikyɛ bɛkɔyɛ kyɛ mbembenanneɛ bɔ betuatua abotire nu bɔ bɛta wɔ ye aseɛ so ɔ.

Luka 22:30

amaa ɔnate so ɛmɔadidi ná ɛmɔano wɔ me poen so wɔ m’ahennie nu, ná ɛmɔatenatena ahennie bia so babua Yisrael mmusua kure buru ne nyɔ ne ndɛen.”

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.

Nyekyire 21:12

Né ole fasue pirikua tendenn, bɔ anoa mbiri buru ne nyɔ wɔ nu, bɔ abɔfo buru ne nyɔ begyigyi anoa nemɔ anu ɔ. Né bahyerɛ Yisrael mma abusua kure buru ne nyɔ nemɔ bɛ dumaa bagua anoa nemɔ nwo.