Ɛksadɔso 28:2 - AHYERƐLƐ KRONGRON

² Pomba ndaadeɛ krongron ma eliɛma Aarɔn ma onya animnyam ne dibea.

Ɛksadɔso 28:2 Iomraidhean Croise

YOB NWOMAA NE 40:10

Nzaade fa ahennie ne anidie siesie wɔ nwo e! Nzaade fa animnyam ne nyemene kera e!

Edwein 132:16

Ye asɔfo mɔ, ngɔfa ngoalelɛ ngɔhera bɛ, na ye teneneefoɛ bɛkɔfa ahurusi bɛkɔbɔ ese.

Edwein 132:9

Ma w’asɔfo mɔ bɛfa tenenee bɛhera, ná ma w’anwoteefoɛ mɔ bɛfa ahurusi bɛbɔ ese.

Edwein 149:4

Ofikyɛ AWURADE nye gye ye maen nwo, na ɔfa ngoalelɛ ɔbɔ anwobrɛaseɛfoɛ abotire.

Edwein 96:6

Anidie ne animnyam wɔ ye nyunu, na tumi ne nyemene wɔ ye nekaa krongron berɛ.

Ɛksadɔso 28:40

“Pomba ataadeɛ aguasoɛ, abɔsoɛ, ɔne kyerɛ mɔ ma Aarɔn mma mmienzua nemɔ ma benya animnyam ne dibea.

Ɛksadɔso 29:28

Na sɔ nhyehyɛleɛ ne kɔla berɛ afebɔɔ kɔma Aarɔn ne ye mma mmienzua mɔ, kyɛ bekonya sɔ kyɛfa ne bekofi Yisraelfoɛ berɛ ɔ; ofikyɛ ɔte afɔleɛ bɔ Yisraelfoɛ bɛkɔye bekofi b’asomdwee afɔleɛ ne anu bɛkɔbɔ kɔma AWURADE ɔ.

Ɛksadɔso 31:10

ndaadeɛ bɔ banwo ye nyemenenyemene nemɔ, ɔsɔfo Aarɔn ndaadeɛ krongron ne, ɔne ye mma nemɔ ndaadeɛ bɔ bɛkɔfa bekoli sɔfo ɔ,

Ɛksadɔso 40:13

Afei fa ndaadeɛ krongron nemɔ wura Aarɔn, ná fa ɛpopalɛ ngoo ne gua ye ti so, ná te ye nwo ma oli sɔfo so me.

Yesaya 4:2

Sɔ kyẽa ne, AWURADE (bakaa) mmaen ne kɔyɛ nyemene, okonya animnyam, na aseɛ ne aso mmakaammaa kɔyɛ anwohoahoa nikyee ne animnyam kɔma Yisrael mmenia bɔ banya bɛ ti badidi nu ne.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Lewitikɔso 8:30

Mose fale ɛpopalɛ ngoo ne bie, ɔne mogya bɔ ɔwɔ afɔleɛ bokyea ne aso ne bie, na ɔfa petene Aarɔn ne ye mma mmienzua nemɔ anwo ɔne bɛ ndaadeɛ nu. Yiti ɔtele Aarɔn ne ye ndaadeɛ nwo, yeɛ afei ɔtele ye mma mmienzua nemɔ ne bɛ ndaadeɛ nwo.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

Romanfoɛ 3:22

Nyameɛ nate sona gyidie bɔ ɔwɔ Yesu Kristo nu so yeɛ ɔfa siesie ye ne kuro sona afia ɔ, ɔnate kyɛ Nyameɛ nyɛ nyeyemuɛ.

Galatiafoɛ 3:27

Na ɛmɔ amukoraa bɔ babɔ ɛmɔ asu wɔ Kristo nu ne, ɛmɔafa Kristo bahera.

Hebrifoɛ 2:9

Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

2 Petro 1:17

Ofikyɛ mmerɛ bɔ onyane anidie ne animnyam fili Baba Nyameɛ berɛ, ná komviɛ bie fili Animnyam Totohyia ne berɛ wale ye berɛ kyɛ, “Mma bɔ ɔla m’ahone nwo ná me nye gye ye nwo paa ne ɛhe” nen,

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 5:10

na ayɛ bɛ ahennie maen ne asɔfo ama yɛ Nyameɛ, na bekoli aseɛ so hene.”