Ɛksadɔso 28:12 - AHYERƐLƐ KRONGRON

¹² Fa nyɔboɛ nyɔ ne teta ɔsɔfo ataadeɛ ne bati so, ma ɔyɛ Yisrael mma mmienzua nemɔ ngayeɛ nyɔboɛ. Na Aarɔn kɔsoa bɛ dumaa ne wɔ ye bati nyɔ ne aso wɔ AWURADE nyunu kɔfa kɔyɛ ngayeɛ.

Ɛksadɔso 28:12 Iomraidhean Croise

YOB NWOMAA NE 31:36

Ahaa ngɔfa ngɔto me kɔme anwo, ahaa ngɔfa ngopuro me ti kyɛ abotire;

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Ɛksadɔso 28:11

Na kyɛbɔ dwumvoɛ di adwii kolikoli nzɔanoɛ so ne, sɔ ala yeɛ di adwii, ná kolikoli Yisrael mma mmienzua nemɔ dumaa gua nyɔboɛ nyɔ ne aso ɔ. Fa sikaa kɔkorɛ fofa ye nwo bra yia.

Ɛksadɔso 28:29

“Yiti mmerɛ biala bɔ Aarɔn kɔhɔ nekaa krongron ne anu nen, Yisrael mma mmienzua nemɔ bɛ dumaa bɔ ɔwɔ ndɛenbualɛ aguasoɛ ne anu ne, ɔkɔsoa ye wɔ ye ahone so, maa ɔkɔyɛ AWURADE nyunu ngayeɛ daa.

Ɛksadɔso 28:7

Ɔsɛ kyɛ onya ye bati so nyamaa nyɔ bɔ bapa basɔ ye noa nyɔ ne aso ɔ, ná bahora babɔ ye porɛ.

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 62:6

O Yerusalem, wɔ fasue nemɔ aso yeɛ mafa awɛmvoɛ magyinagyina ɔ; alehyeleɛ nu amukoraa ne alesaleɛ nu amukoraa bengomua bɛ noa. Ɛmɔ bɔ ɛmɔsu bɛfrɛ AWURADE ne, nnɛma ɛmɔyakyi bede bɛ nwome.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Lewitikɔso 24:7

Fa ɛyɛɛ paa gua folii biala so, maa ɔ́yɛ ngayeɛ nikye bɔ ɔboka paanoo ne aso ɔ, ná ɔ́yɛ afɔleɛ bɔ bɛbɔ ye see so bɛma AWURADE ɔ.

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 31:54

Yiti Mose ne ɔsɔfo Eleasa lele sikaa kɔkorɛ ne fili koɛhonɛfoɛ apee apee so safohene nemɔ ɔne koɛhonɛfoɛ ɛyaa ɛyaa so safohene nemɔ berɛ. Bɛfa bɛwale ɛtena sua atenaleɛ ne anu maa ɔyɛle ngayeɛ nikyee mane Yisraelfoɛ wɔ AWURADE nyunu.

Luka 1:54

Waboka ye akoaa Yisrael, ofikyɛ wakaye ye anwumvoinnwunɛ ne,

Luka 1:72

kyɛ okonwu yɛ nana mɔ anwumvoin, ná wakaye ye apam krongron ne.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

1 Korintofoɛ 11:24

ɔlale ase, na obubuli nu, na ɔhane kyɛ, “[Ɛmɔle beli.] Ɛhe te me nipadua bɔ bébubu bɛ́ma ɛmɔ ɔ; ɛ́mɔyɔ he bɛ́fa bɛ́kaye me.”

Deuteronomi 33:12

Bɔ ɔha fale Benyamin nwo ɛhe: “Ye bɔ AWURADE kuro ye dwirɛ paa ne, ɔkɔtena AWURADE nwo asomdwee nu, AWURADE kɔbɔ ye nwo waen daa biala, na ɔkɔtena AWURADE bati nemɔ afia.”

Yosua 4:7

ɛmɔhã behyire bɛ kyɛ, Yɔɔdan nu nzue pɛle wɔ AWURADE apam alaka ne nyunu. Mmerɛ bɔ né apam alaka ne ɔ́pɛ asue Yɔɔdan nen, Yɔɔdan nu nzue pɛle. Yiti sɔ nyɔboɛ hemɔ te ngayeɛ afebɔɔ ma Yisraelfoɛ.”