Ɛksadɔso 28:1 - AHYERƐLƐ KRONGRON

¹ “Afei, ye eliɛma Aarɔn ne ye mma mmienzua nemɔ sie ahameɛ fi Yisraelfoɛ nu ma bɛbra wɔ berɛ, ná beeli sɔfo bɛso me. Mekyire Aarɔn ne ye mma mmienzua Nadabo ne Abihu, yeɛ Eleasa ne Yitama.

Ɛksadɔso 28:1 Iomraidhean Croise

1 Aberɛso Dwirɛ 23:13

Amram mma mmienzua ole Aarɔn ne Mose. Nyameɛ tuli Aarɔn siele berɛ kyɛ ɔɔte nningyein krongron paa nemɔ anwo, ná ye sɔ ti, ɔne ye boso ama bɛyera ɛyɛɛ wɔ AWURADE nyunu afebɔɔ, bɛsɔne ye, ná beyira mmenia wɔ AWURADE dumaa nu afebɔɔ.

1 Aberɛso Dwirɛ 6:10

Yohanan wole Asaria (ye yeɛ ɔyɔle sɔfo adwuma wɔ awuro bɔ Solomon sili ye wɔ Yerusalem ne anu ne).

1 Aberɛso Dwirɛ 6:34

bɔ ye baba ole Ɛlkana, bɔ ye baba ole Yeroham, bɔ ye baba ole Eliɛl bɔ ye baba ole Toya,

2 Aberɛso Dwirɛ 11:14

Lewifoɛ nemɔ yakyili b’aseɛ ne b’agyapadeɛ mɔ berɛ bɛwale Yuda ne Yerusalem, ofikyɛ Yeroboam ne ye mma mmienzua nemɔ, bamma bɛ ate maa banyɔ AWURADE asɔfo adwuma ne.

Edwein 115:10

Ao Aarɔn awuro ama, ɛ́mɔfa ɛmɔ wora béwura AWURADE nu! Ye yeɛ ɔte ɛmɔ bokafoɛ ne ɛmɔ akokyɛm ɔ.

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Ɛksadɔso 24:1

Afei Nyameɛ sele Mose kyɛ, “Fo bra AWURADE berɛ, ɛne Aarɔn, Nadabo ne Abihu, yeɛ Yisraelfoɛ nu mbanyi aburasoo, ná ɛ́mɔgyina nziɛ nziɛ bɛsɔne (me).

Ɛksadɔso 24:9

Afei Mose ne Aarɔn, Nadabo, Abihu ne Yisraelfoɛ nu mbanyi aburasoo ne hɔle bokaa ne aso.

Ɛksadɔso 28:41

Ɛkɔfa kowura eliɛma Aarɔn, ɔne ye mma mmienzua mɔ bɔ bɛboka ye so ne. Afei ɛkɔfa ɛpopalɛ ngoo kogua bɛ ti so, ɛkɔyɛ bɛ sɔfo, ná ate bɛ nwo maa bayɛ krongron, ná bali sɔfo baso me.

Ɛksadɔso 29:1

“Afei yɔ ɛhe fa te bɛ nwo ma bɛyɛ krongron, ná beli sɔfo bɛso me: Fa nandwie nyii akrɔngrɔma ko ɔne mmoaen nyii nyɔ bɔ bellili nnɛen ɔ,

Ɛksadɔso 29:44

Ngɔte ɛtena sua atenaleɛ berɛ ne afɔleɛ bokyea ne anwo, na ngɔte Aarɔn ne ye mma mɔ nwo, ná bali sɔfo baso me.

Ɛksadɔso 29:9

Fa abɔsoɛ bobɔ Aarɔn ne ye mma mmienzua nemɔ nu, ná fa kyerɛ wurawura bɛ. Na ɔnate ahyɛdeɛ afebɔɔ so, ɔsɔfolilɛ kɔyɛ b’adwuma. Sɔ yeɛ hyɛ Aarɔn ne ye mma mmienzua mɔ sɔfo ɔ.

Ɛksadɔso 30:30

Fa ɛpopalɛ ngoo ne gua Aarɔn ne ye mma mmienzua nemɔ ti so, ná te bɛ nwo ma beli sɔfo bɛso me.

Ɛksadɔso 31:10

ndaadeɛ bɔ banwo ye nyemenenyemene nemɔ, ɔsɔfo Aarɔn ndaadeɛ krongron ne, ɔne ye mma nemɔ ndaadeɛ bɔ bɛkɔfa bekoli sɔfo ɔ,

Ɛksadɔso 35:19

ndaadeɛ nyemenenyemene bɔ bewura bɛyɔ ɔsɔfo adwuma wɔ nekaa krongron ne anu ɔ, mekyire ɔsɔfo Aarɔn ndaadeɛ krongron nemɔ, ɔne ye mma nemɔ ndaadeɛ bɔ bɛkɔfa koli sɔfo ɔ.”

Ɛksadɔso 6:23

Aarɔn gyale Aminadabo awa brasua Elihyeba bɔ oliɛma ole Nason ne. Na ɔne ye bɛwole Nadabo, Abihu, Eleasa ne Yitama.

Lewitikɔso 10:1

Aarɔn mma mmienzua Nadabo ne Abihu, bɛ nu biala fale ye see kulie. Bɛfale see beguale nu, na bɛfale ɛyɛɛ beguale so. Bɛfale see bɔ ye nwo nde ɔ bɛwale AWURADE nyunu, see bɔ nna AWURADE yeɛ wahyɛ bɛ kyɛ bɛfa bɛbra ye nyunu ɔ.

Lewitikɔso 10:12

Mose sele Aarɔn ɔne Aarɔn mma bɔ baha bɔ bɛ ole Eleasa ne Yitama kyɛ, “Afɔleɛ mɔ bɔ bɛbɔle ye see so bɛmane AWURADE ne, ɛ́mɔfa aburoo afɔleɛ ngaa ne, ná ɛ́mɔli ye kabrɛdi wɔ afɔleɛ bokyea ne ngyɛnu, ofikyɛ ɔte krongron paa.

Lewitikɔso 7:35

See so afɔleɛ bɔ bɛbɔ bɛma AWURADE ne, ye bue bɔ ɔte Aarɔn ne ye mma bɛ deɛ hɔ ɛne; kyẽa bɔ AWURADE yele bɛ siele berɛ kyɛ ye sɔfo mɔ ne yeɛ ɔɔyɛle bɛ deɛ ɔ;

Lewitikɔso 8:1

AWURADE sele Mose kyɛ,

Lewitikɔso 8:2

“Fa Aarɔn ne ye mma mmienzua nemɔ, ndaadeɛ ne, ɛpopalɛ ngoo ne, bɔne nwo afɔleɛ nandwie nyii ne, mmoaen nyii nyɔ ne, kɛndɛen bɔ paanoo kabrɛdi gua nu ne;

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Numeri 2:4

Na ye lɔen bɔ baha bɛ ne, bɛ somaa te apee aburasoo ne nna ɔne ɛyaa nzia.

Numeri 26:61

Nakoso Nadabo ne Abihu de, bewuwuli ofikyɛ né bɛmvata kyɛ bɛfa see bɛbɔ afɔleɛ wɔ AWURADE nyunu, nakoso bɛyɔle sɔ.

Luka 1:8

Na ɔwale kyɛ, odwuli ye asɔfo kure ne aso, bɔ né ɔyɔ ye ɔsɔfo dwuma wɔ Nyameɛ nyunu ɔ.

Deuteronomi 10:6

(Yisraelfoɛ tuli bɛ bo befili Beerote Bene Yaakan bɛhɔle Mosera. Berɛ yeɛ Aarɔn wuli ɔ, besiele ye berɛ, na ɔwa bienzua Eleasa sili ye gya nu lili sɔfo.

Deuteronomi 18:5

Ofikyɛ AWURADE wɔ Nyameɛ waneanea nu waye Lewi wafi w’abusua kure ne amukoraa nu, kyɛ ɔne ye bosofoɛ bégyina bɛ́yɔ ɔsɔfo adwuma wɔ AWURADE dumaa nu mmerɛ biala.

1 Samuel 2:28

Nneaneane nu nyele ye mvili Yisrael mmusua kure amukoraa nu kyɛ ɔɔyɛ ɔsɔfo ma me, kyɛ ɔhɔ m’afɔleɛ bokyea nwo, ɔ́yera ɛyɛɛ, ná ówura ɔsɔfo ataadeɛ ógyina me nyunu. Na see so afɔleɛ mukoraa bɔ Yisraelfoɛ bɛbɔ bɛma me ne, mva nwurale wɔ nana abusua ne sa.