Ɛksadɔso 27:9 - AHYERƐLƐ KRONGRON

⁹ “Yakyi aluo to berɛ wɔ nyianu sua ne anu. Fa nwera bɔ banwo, bɔ ye tendenn nu te agyirɛ ɛyaa ko nwi ye bue ko, wɔ ye ngwaen dɔ, wɔ ye famaa so.

Ɛksadɔso 27:9 Iomraidhean Croise

1 Ahemvo 6:36

Sua ne, ye pato ne, kyɛbɔ osili pato ne, nyɔboɛ bɔ base ɔ, nza biala, sida taboa ko wura ye afia.

1 Ahemvo 8:64

Sɔ kyẽa ne ala, Solomon tele AWURADE awuro ne anyunu aluo berɛ nwo, ɔne ye afia berɛ nwo maa ɔyɛle krongron, ofikyɛ berɛ yeɛ ɔbɔle naen yeralɛ afɔleɛ, aburoo afɔleɛ ne asomdwee afɔleɛ bɔ bɛfa ɛloe bɛbɔ nemɔ ɔ. Ɔbɔle afɔleɛ nemɔ wɔ berɛ, ofikyɛ kɔɔbere afɔleɛ bokyea bɔ né ɔwɔ AWURADE nyunu ne, ɔte kãa soma bɔ bɛhyehyɛ naen yeralɛ afɔleɛ ne, aburoo afɔleɛ ne ɔne asomdwee afɔleɛ bɔ bɛfa ɛloe bɛbɔ ne wɔ so a, ɔngɔ so ɔ.

2 Aberɛso Dwirɛ 33:5

Aluo nyɔ bɔ bɛwɔ AWURADE awuro berɛ ne, osisili afɔleɛ mmokyea mane nyameɛso abɔdeɛ ahoroɔ amukoraati wɔ berɛ.

2 Aberɛso Dwirɛ 4:9

Osili aluo berɛ ne mane asɔfo nemɔ, yeɛ osa sili aluo berɛ kandinga ne.’ Ɔyɔle aluo berɛ anoa nemɔ fale kɔɔbere borole bɛ nwo.

Edwein 100:4

Ɛ́mɔfa asennaa béwura ye anoa piri ne anu, ná ɛ́mɔfa ayɛyelɛ bɛbra ye aluo berɛ. Ɛmɔla ye ase, ɛ́mɔhyɛ ye dumaa animnyam!

Edwein 116:19

wɔ AWURADE awuro n’aluo berɛ, wɔ w’afia, ao Yerusalem. Ɛ́mɔye AWURADE ayɛ!

Edwein 84:10

Ofikyɛ ɛlɛhomapɛ bɔ ngoli ye wɔ w’aluo berɛ ne, ɔte paa tra ngyẽa apee bɔ ngoli ye nekaa bie ɔ. Mekuro kyɛ ngɔyɛ me Nyameɛ awuro berɛ anoa wɛmvoɛ tra kyɛ ngɔtena bɔnefoɛ ɛtena sua nu ɔ.

Edwein 92:13

Balua bɛ wɔ AWURADE awuro, na befifi frɔmfrɔm wɔ yɛ Nyameɛ aluo berɛ.

Ɛksadɔso 27:10

Fa kɔɔbere yɔ ye bonima aburanyɔ ne, ɔne ye nyinasoɛ aburanyɔ ne. Nakoso bonima nemɔ bɛ ndɔkorɔ, ɔne bɔ ɔbeabea nu ne de, maa ɔ́yɛ ɛdwetɛ.

Ɛksadɔso 35:17

aluo berɛ mbɛmuɛ ɛtena ne, ye bonima mɔ ne ye nyinasoɛ mɔ, ɔne ɛtena bɔ bɛkɔfa konwi aluo berɛ pambim ne noa ɔ;

Ɛksadɔso 36:17

Ɛtena ndoasoɛ bɔ oli moa ne, ɔbɔle ko bɔ oli nziɛ ne noa kɔtɔkaa aburannu; yeɛ ɛtena ndoasoɛ bɔ ɔtɔ so nyɔ ne koso, ɔbɔle ko bɔ oli nziɛ ne noa kɔtɔkaa aburannu.

Ɛksadɔso 39:40

aluo berɛ mbɛmuɛ ɛtena ne, ye bonima mɔ ne ye nyinasoɛ mɔ, ɛtena bɔ onwi aluo berɛ pambim ne noa ne, ye nyamaa mɔ, ye pɛmbɛen mɔ, nyianu sua ne ne ɛtena sua atenaleɛ nu berɛ ɛsɔnenɛ nningyein amukoraati;

Ɛksadɔso 40:33

Mose lele aluo berɛ anwo ɔfa pɛle nyianu sua ne ɔne afɔleɛ bokyea ne anwo bra yiale, na ɔfale ɛtena ne nwini aluo berɛ pambim ne noa. Yiti Mose yiele adwuma ne.

Ɛksadɔso 40:8

Dé aluo berɛ amukoraati nwo yia, ná fa ɛtena ne nwi aluo berɛ pambim ne anoa nu berɛ.

Hesekiel 40:14

Afei osusuli ngurolo ne, né ɔte agyirɛ aburasia, na anoa piri ne asi berɛ yeɛ ɔte asa so ɔ.

Hesekiel 40:17

Afei ɔfale me hɔle aluo berɛ pato nu berɛ, na yieee, né pumbu mɔ ne atee wɔ berɛ bɔ bapɛ aluo berɛ nwo bayia ɔ; né pumbu aburasa yeɛ bɛwɔ atee ne anoa ɔ.

Hesekiel 40:20

Na anoa piri bɔ ye nye kyire sorɔ dɔ, bɔ atee la berɛ kɔ aluo berɛ pato nu berɛ ne, osusuli ye tendenn nu ne ye tɛtrɛtɛɛ nu.

Hesekiel 40:23

Né anoa piri bie wɔ ye kunu dɔ aluo berɛ bɔ ye nye kyire sorɔ dɔ anoa piri ne, kyɛbɔ ye nye kyire eyia afiteleɛ ne ɔ. Na osusuli, na efi anoa piri ko bɔ ɛkwaadwu ko ne, ɔte agyirɛ ɛyaa ko.

Hesekiel 40:28

Afei ɔfale me fale ngwaen dɔ anoa piri ne anu hɔle ye kunu dɔ aluo berɛ, na osusuli ngwaen dɔ anoa piri nen; né ɔte kyɛbɔ esusu ko nemɔ a bɛte ne ala.

Hesekiel 40:32

Afei ɔfale me hɔle ye kunu dɔ aluo berɛ, wɔ eyia afiteleɛ so; na osusuli anoa piri nen, né ɔte kyɛbɔ esusu ko nemɔ a bɛte ne ala.

Hesekiel 40:44

Na ye kunu dɔ anoa piri ne asi dɔ, né edweintolɛfoɛ bɛ pumbu mɔ wɔ ye kunu dɔ aluo berɛ, wɔ sorɔ dɔ anoa piri ne anwo, bɔ bɛ nye kyire ngwaen dɔ ɔ. Né ko wɔ eyia afiteleɛ ɛpoen piri ne anwo, bɔ ye nye kyire sorɔ dɔ ɔ.

Hesekiel 42:3

Ye kunu dɔ bɔ ɔte agyirɛ aburanyɔ, bɔ ɔwɔ aluo berɛ pato ne ndendeneɛ so ne, abrannaa nye nea abrannaa nza ne nyunu.

Numeri 3:26

aluo berɛ mbɛmuɛ tena nemɔ; aluo berɛ bɔ wapɛ nyianu sua ne ne afɔleɛ bokyea ne anwo wayia ne, ye nyunu berɛ ɛtena bɔ onwi berɛ ne, ɔne ye nyamaa nemɔ, ɔne bɛ nwo adwuma amukoraa.

Numeri 4:26

aluo berɛ mbɛmuɛ tena nemɔ, aluo berɛ bɔ wapɛ nyianu sua ne afɔleɛ bokyea ne anwo wayia ne, ye ɛtena bɔ onwi ye anoa nu berɛ ne ɔne ye nyamaa nemɔ, yeɛ nikyee biala bɔ ohia kyɛ bɛfa bɛyɔ bɛ nwo adwuma ɔ. Na odi kyɛ bɛyɔ adwuma biala bɔ ɔfa sɔ nningyein nemɔ anwo ɔ.

Numeri 4:32

bonima mɔ bɔ bapɛ aluo berɛ amukoraa nwo bayia ne, bɛ nyinasoɛ, pɛmbɛen nemɔ, nyamaa nemɔ, ɔne bɛ nwo nningyein amukoraati, ɔne adwuma bɔ ɔboka so amukoraati. Na ɛ́mɔhyire ebiala nningyein bɔ odi kyɛ ɔsoa ɔ.