Ɛksadɔso 27:3 - AHYERƐLƐ KRONGRON

³ Fa kɔɔbere yɔ ye nwo nningyein hemɔ amukoraati: ngukue mɔ, ye sofi mɔ, ayaa mɔ, ateɛ anoa tworɔntworɔn mɔ, ɔne ngukue bɔ bɛfa see bekogua nu ɔ.

Ɛksadɔso 27:3 Iomraidhean Croise

1 Ahemvo 7:40

Hiram sa yɔle ngukue nemɔ, ateɛ anoa tworɔntworɔn nemɔ, yeɛ ayaa nemɔ. Yiti AWURADE awuro berɛ adwuma bɔ Hiram yɔ mane Nana Solomon ne, oyiele ye mukoraa.

1 Ahemvo 7:45

Ngukue nemɔ, ateɛ anoa tworɔntworɔn nemɔ, ayaa nemɔ, ɔne nningyein bɔ Hiram yɔ mane Nana Solomon ne amukoraa, ɔfale kɔɔbere bɔ wahwi ye nwo hyɛmhyɛm yeɛ ɔyɔle ɔ.

1 Ahemvo 7:50

esikaa kɔkorɛ paa kulie nemɔ, esikaa kɔkorɛ paa akapɛ bɔ bɛfa bɛtengyɛtengyɛ kanea nyamaa noa nemɔ, esikaa kɔkorɛ paa ayaa nemɔ, esikaa kɔkorɛ paa ɛyɛɛ kulie mɔ, esikaa kɔkorɛ paa ngukue bɔ bɛfa see begua nu nemɔ, sua ne kunu dɔ paa krongron nu krongron dɔ anoa ndenasoɛ nemɔ, yeɛ afei asɔneyɛɛ sua ne anyunu dɔ anoa nemɔ, ɔfale esikaa kɔkorɛ yeɛ ɔyɔle ɔ.

2 Ahemvo 25:14

Bɛsesale ɛhemɔ koso bɛhɔle: ngukue nemɔ, sofi nemɔ, akapɛ bɔ bɛfa bɛtengyɛtengyɛ kanea nyamaa noa nemɔ, ɛyɛɛ kulie nemɔ, ɔne kɔɔbere nningyein amukoraa bɔ bɛfa bɛyɔ asɔneyɛɛ sua nu ɛsɔnenɛ adwuma,

2 Ahemvo 25:15

yeɛ ngukue bɔ bɛfa see begua nu ɔ ɔne ayaa nemɔ. Nikyee biala bɔ bafa esikaa kɔkorɛ bayɔ ne, yeɛ nikyee biala bafa ɛdwetɛ bayɔ koso, awɛmvoɛ nemɔ aso safohene ne sesale hɔle.

1 Aberɛso Dwirɛ 28:17

Yeɛ ohyirele esikaa kɔkorɛ paa somaa bɔ odi kyɛ bɛfa bɛyɔ ɛhemɔ ɔ: ateɛ anoa tworɔntworɔn nemɔ, ayaa nemɔ, kulie nemɔ, esikaa kɔkorɛ ndalie nemɔ, ɛdwetɛ ndalie ne bɛ nu biala nu nonɛ;

2 Aberɛso Dwirɛ 4:11

Na Huram yɔle ngukue nemɔ, ateɛ anoa tworɔntworɔn nemɔ, yeɛ ayaa nemɔ. Yiti Nyameɛ awuro berɛ adwuma bɔ Huram yɔ mane Nana Solomon ne, ɔyɔ yiele.

2 Aberɛso Dwirɛ 4:16

Ngukue nemɔ, sofi nemɔ, ateɛ anoa tworɔntworɔn nemɔ, ɔne nningyein amukoraa bɔ adwiililɛ hene Huram yɔ mane Nana Solomon maa ɔfa siesiele AWURADE awuro berɛ ne, ɔfale kɔɔbere bɔ wahwi ye nwo hyɛmhyɛm yeɛ ɔyɔle ɔ.

Ɛksadɔso 24:6

Mose fale mogya ne bue ko guale ayaa nu, yeɛ ye bue ko wora ohwie guale afɔleɛ bokyea ne anwo.

Ɛksadɔso 27:19

Nyianu sua ne anu nningyein amukoraa bɔ bɛfa bɛsɔne, ye pɛmbɛen amukoraa, ɔne aluo berɛ pɛmbɛen amukoraa, fa kɔɔbere yeɛ yɔ ɔ.

Ɛksadɔso 27:2

Yɔ mmɛen fa tuatua ye ndweaso nna ne aso. Maa ɔne ye mmɛen nemɔ béfi sɔ bakaa kundunzii komapɛ ne ala nu, ná fa kɔɔbere boro ye nwo.

Ɛksadɔso 27:4

Fa kɔɔbere nwo ye ngandanganda ne maa ɔbeabea nu, ná bɔ kɔɔbere kɔtɔkaa nna wɔ ngandanganda ne aso, wɔ ye ndweaso nna ne aso.

Ɛksadɔso 38:3

Ɔyɔle afɔleɛ bokyea ne nwo nningyein amukoraati: ngukue mɔ, sofi mɔ, ayaa mɔ, ateɛ anoa tworɔntworɔn mɔ, ɔne ye ngukue bɔ bɛfa see begua nu ɔ. Kɔɔbere yeɛ ɔfa yɔle ye nwo nningyein ne amu ɔ.

Lewitikɔso 16:12

Na odi kyɛ ɔfa see kulie bɔ afɔleɛ bokyea ne anu see gonn ayi ye tɛkyɛ ɔ ɔba AWURADE nyunu, ɔne ɛyɛɛ fona muhumuhu bɛ sa bum nyɔ, ná ɔ́fa bra mbɛmuɛ tena ne asi.

Numeri 4:14

ná bɛ́fa nningyein hemɔ amukoraati bɔ bɛfa bɛsɔne wɔ afɔleɛ bokyea ne aso ne begua so: ngukue bɔ bɛfa see begua nu ɔ, ateɛ anoa tworɔntworɔn nemɔ, sofi nemɔ, ayaa nemɔ, afɔleɛ bokyea ne aso nningyein amukoraati; bɛ́fa nwomaa paa ngatasoɛ bɛkata so, ná bɛ́fa ye mbuna nemɔ béwurawura nu.