Ɛksadɔso 27:21 - AHYERƐLƐ KRONGRON

²¹ Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 27:21 Iomraidhean Croise

Gyenesise 1:5

Nyameɛ tole hyireinn ne dumaa Alehyeleɛ, yeɛ ɔtole awosii ne dumaa Alesaleɛ. Aleɛ sane, na aleɛ hyene: kyẽa bɔ oli moa ɛne.

Gyenesise 1:8

Nyameɛ tole ewienu ne dumaa Anwuro. Aleɛ sane, na aleɛ hyene: kyẽa bɔ ɔtɔ so nyɔ ɛne.

2 Aberɛso Dwirɛ 13:11

Ngyerɛmɔ ne nɔsoa biala, bɛbɔ naen yeralɛ afɔleɛ ne ɛyɛɛ fona afɔleɛ bɛma AWURADE. Na esikaa kɔkorɛ paa poen ne, bɛhyehyɛ paanoo folii begua so. Bɛnea kyɛ esikaa kɔkorɛ kanea bakaa ne, ye kanea nemɔ kɔsɔ nɔsoa biala, ofikyɛ yɛyɔ bɔ AWURADE yɛ Nyameɛ ahyɛ yɛ kyɛ yɛyɔ ɔ. Nakoso ɛmɔ de, ɛmɔapo ye.

Edwein 134:1

Ɛmɔ, AWURADE somvoɛ amukoraa, ɛmɔ bɔ ɛmɔsɔne wɔ AWURADE awuro berɛ kɔngɔen ɔ, ɛmɔbra bɛɛye AWURADE ayɛ!

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 16:34

Na kyɛbɔ AWURADE hyɛle Mose nen, sɔ ala yeɛ Aarɔn fa siele Adanzeɛ ne anu, kyɛ bɛ́fa bésie ɔ.

Ɛksadɔso 25:16

Fa Adanzeɛ bɔ mebaafa mema wɔ ne to alaka ne anu.

Ɛksadɔso 28:43

Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Ɛksadɔso 29:28

Na sɔ nhyehyɛleɛ ne kɔla berɛ afebɔɔ kɔma Aarɔn ne ye mma mmienzua mɔ, kyɛ bekonya sɔ kyɛfa ne bekofi Yisraelfoɛ berɛ ɔ; ofikyɛ ɔte afɔleɛ bɔ Yisraelfoɛ bɛkɔye bekofi b’asomdwee afɔleɛ ne anu bɛkɔbɔ kɔma AWURADE ɔ.

Ɛksadɔso 29:42

Na ɔkɔyɛ daa biala naen yeralɛ afɔleɛ wɔ ɛtena sua atenaleɛ anoa nu berɛ, wɔ AWURADE nyunu, wɔ ɛmɔ aworɛ ndoatoasoɛ mukoraati nu. Na berɛ yeɛ me ne ɛmɔ yɛkoyia, ná me ne wɔ yadwudwo ɔ.

Ɛksadɔso 29:44

Ngɔte ɛtena sua atenaleɛ berɛ ne afɔleɛ bokyea ne anwo, na ngɔte Aarɔn ne ye mma mɔ nwo, ná bali sɔfo baso me.

Ɛksadɔso 30:21

Ɔsɛ kyɛ benwunzi bɛ sa ne bɛ gya nwo, ná banwu. Na sɔ ahyɛdeɛ ne kɔla berɛ daa kɔma bɛ: Aarɔn ne ye bosofoɛ wɔ b’aworɛ ndoatoasoɛ amukoraati nu.

Ɛksadɔso 30:36

Tĩ bie ma ɔyɛ muhumuhu, ná fa bie sie Adanzeɛ ne nyunu wɔ ɛtena sua atenaleɛ nu berɛ, nekaa bɔ me ne wɔ yɛkoyia ne. Na ɔkɔyɛ krongron paa kɔma ɛmɔ.

Ɛksadɔso 30:8

Sɛ Aarɔn ɔ́sosɔ nganea nemɔ nɔsoa a, ɔsɛ kyɛ ɔyera ɛyɛɛ ne. Ɔkɔyɛ ayirefona wɔ AWURADE nyunu mmerɛ biala, wɔ ɛmɔ aworɛ ndoatoasoɛ mukoraati nu.

Ɛksadɔso 40:3

Fa Adanzeɛ alaka ne sie nu, ná fa mbɛmuɛ tena ne nwi alaka ne nyunu.

Lewitikɔso 10:9

“Ɛne wɔ mma mmienzua mɔ, sɛ ɛmɔkɔ ɛtena sua ne anu a, nnɛma ɛmɔno bobe nzaa anaa nzaa serɛ biala amaa ɛmɔanwu; ɔsɛ kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ amukoraa nu.

Lewitikɔso 16:34

Ɛhe te ahyɛdeɛ afebɔɔ ma ɛmɔ: afoɛ biala odi kyɛ ɛmɔyɛ Yisraelfoɛ bɛ bɔne amukoraa nwo mbata ko. Na Mose yɔle kyɛbɔ AWURADE hyɛle ye ne.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Lewitikɔso 23:14

Nnɛma ɛmɔdi aburoo monɛ ne bie, kyɛ bafa bayɛ paanoo oo, kyɛ bahye oo, anaakyɛ ye monɛ oo, kɔpem kyẽa bɔ ɛmɔkɔfa ɛmɔ Nyameɛ afɔleɛ bɛkɔbrɛ ye ɔ. Ɔte ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 23:21

Sɔ kyẽa ne ala, odi kyɛ ɛmɔyia nu; ɔte nyianu krongron. Nnɛma ɛmɔyɔ adwuma biala. Ɛhe te ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 24:2

“Hyɛ Yisraelfoɛ kyɛ bɛ́fa olive ngoo bɔ bahwi ye gyengɔgyengɔ ɔ bɛbrɛ wɔ, maa ɛfa gua kanea ne anu, ná kanea ne ahɔ so agye daa.

Lewitikɔso 24:3

Odi kyɛ Aarɔn fa kanea ne sie ɛtena sua atenaleɛ ne anu wɔ Adanzeɛ mbɛmuɛ tena ne asi, maa ɔta fi nɔsoa kodwu ngyerɛmɔ wɔ AWURADE nyunu daa. Ɔkɔyɛ ahyɛdeɛ afebɔɔ kɔma ɛmɔ wɔ aworɛ ndoatoasoɛ mukoraa nu.

Lewitikɔso 24:9

Paanoo nemɔ kɔyɛ Aarɔn ne ye boso ama deɛ, na odi kyɛ bedi ye wɔ nekaa bɔ ɔte krongron ɔ. Ofikyɛ afɔleɛ bɔ bɛbɔ ye see so bɛma AWURADE ne, Aarɔn bue deɛ bɔ ɔte krongron paa ma ye ɛne, na ɔte bɛ deɛ afebɔɔ.”

Lewitikɔso 3:17

Na ɛhe kɔyɛ ahyɛdeɛ afebɔɔ kɔma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ, kyɛ nnɛma ɛmɔdi ɛloe anaa mogya.”

Lewitikɔso 3:8

Odi kyɛ ɛfa wɔ sa to kaka ne ti afia ná eku ye wɔ ɛtena sua atenaleɛ ne anyunu, ná Aarɔn mma mmienzua nemɔ béhwie ye mogya ne bégua afɔleɛ bokyea ne anwo bɛ́bra béyia.

Lewitikɔso 6:15

Aburoo afɔleɛ esam paa ɔne ngoo ne, ɔne ɛyɛɛ amukoraa bɔ ogua aburoo afɔleɛ ne aso ne, odi kyɛ ɔsɔfo ne sa ye sa bum ko, ná ɔyera ye wɔ afɔleɛ bokyea ne aso maa ɔyɛ ngayeɛ nikye bɔ ɔbo AWURADE fona ɔ.

Lewitikɔso 7:36

Kyẽa bɔ AWURADE popale bɛ ngoo ne yeɛ ɔhyɛle Yisraelfoɛ kyɛ bɛfa bɛma bɛ ɔ; ɔte nhyehyɛleɛ afebɔɔ bɔ ɔwɔ berɛ ma b’aworɛ ndoatoasoɛ mukoraati ɔ.

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Numeri 18:23

Nakoso odi kyɛ Lewifoɛ yeɛ bɛyɔ ɛtena sua atenaleɛ nu berɛ adwuma ne ɔ, na bɛ bɔbɔ bɛ mvomsoɛ nwo musue kɔbɔ bɛ ti so. Ɔkɔyɛ daa ahyɛdeɛ wɔ ɛmɔ aworɛ ndoatoasoɛ mukoraati nu. Nakoso bengonya agyapadeɛ biala wɔ Yisraelfoɛ nu,

Numeri 18:5

Odi kyɛ ɛmɔ bɔbɔ ɛmɔyɔ nekaa krongron berɛ adwuma ne ɔne afɔleɛ bokyea ne anwo adwuma, amaa ɛyaafɛlɛ piri amma Yisraelfoɛ so ko le.

Numeri 19:21

Ɛhe kɔyɛ daa ahyɛdeɛ kɔma bɛ. Sona bɔ ɔpete nzue fa te bɛ nwo ne, odi kyɛ ɔpo ye nwo nningyein, na sona biala bɔ ye nwo kɔha nzue bɔ bɛfa bɛpete bɛ nwo ne, ye nwo kogua fiɛ maa okoodwu nɔsoa.

Numeri 35:29

Nekaa bɔ ɛmɔkɔtena biala, sɔ dwirɛ ne kɔyɛ ahyɛdeɛ ne nhyehyɛleɛ kɔma ɛmɔ wɔ ɛmɔ aworɛ ndoatoasoɛ amukoraa nu.

Numeri 8:9

Odi kyɛ ɛma Lewifoɛ mɔ bagyina ɛtena sua atenaleɛ ne anyunu, ná ɛma Yisrael maen ne amukoraa babɔ dwaa.

Mateo 4:16

maen bɔ ɔte awosii nu ne, wanwu kanea hyireinn; na bɛ bɔ bɛte ewue aseɛ awosii kabii so ne, kanea bie apukye ama bɛ.”

Luka 12:35

“Ɛ́mɔmia ɛmɔ abɔsoɛ nu ná ɛ́mɔma ɛmɔ kanea ogye,

Yohane 5:35

Ɔte kanea bɔ ógye ná ɔta ɔ, na ɛmɔhurole kyɛ ɛmɔ nye kɔhã ye kanea ne anu kãa.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

1 Samuel 3:3

Né Nyameɛ kanea ne onnya nnuane. Né Samuel la AWURADE asɔneyɛɛ sua ne anu, wɔ nekaa bɔ Nyameɛ alaka ne gyi ne.

1 Samuel 30:25

Na ofi sɔ kyẽa ne, Dawide fa yɛle ahyɛdeɛ ne nhyehyɛleɛ tole berɛ mane Yisrael, na ɔtɛwɔ berɛ maa waadwu ɛnɛ.