Ɛksadɔso 27:1 - AHYERƐLƐ KRONGRON

¹ “Fa bɔsema si afɔleɛ bokyea. Ma ye tendenn nu yɛ agyirɛ nnu, ná ye tɛtrɛtɛɛ nu yɛ agyirɛ nnu. Ma afɔleɛ bokyea ne yɛ ahinanan, ná ma ye aseɛnwo bɔ ɔkwaadwu ye anwuro ne ɔyɛ agyirɛ nza.

Ɛksadɔso 27:1 Iomraidhean Croise

2 Samuel 24:18

Gade wale Dawide berɛ sɔ kyẽa ne oosele ye kyɛ, “Yebusiniɛ Arayuna ye nekaa bɔ bɛboro aburoo ne, fo kɔ berɛ kosi afɔleɛ bokyea ma AWURADE.”

2 Ahemvo 16:14

Kɔɔbere afɔleɛ bokyea bɔ né ogyi AWURADE nyunu ne, Ahase ye fili AWURADE awuro ne anyunu. Ɔye fili ye afɔleɛ bokyea deɛ ne, ɔne AWURADE awuro ne b’afia, na ɔfa oosiele ye afɔleɛ bokyea deɛ ne ye sorɔ.

1 Aberɛso Dwirɛ 6:49

Na Aarɔn ne ye mma mmienzua nemɔ, bɛbɔle afɔleɛ wɔ naen yeralɛ afɔleɛ bokyea, ɔne ɛyɛɛ afɔleɛ bokyea nemɔ aso. Na bɛyɔle krongron nu krongron berɛ adwuma ne amu bɛfa bɛpatale bɛmane Yisrael, kyɛbɔ ahyɛdeɛ amukoraa bɔ AWURADE somvoɛ Mose hyɛ mane bɛ ne, ɔte ne ala.

2 Aberɛso Dwirɛ 4:1

Ɔyɔle kɔɔbere afɔleɛ bokyea bɔ ye tendenn te agyirɛ aburanyɔ, ye tɛtrɛtɛɛ te agyirɛ aburanyɔ, yeɛ ofi ye aseɛnwo bɔ ɔkwaadwu ye anwuro ne, ɔte agyirɛ buru ɔ.

Ɛsra 3:2

Afei Yesua bɔ ye baba ole Yosadake ne, ɔne ye mmango asɔfo mɔ, yeɛ Sɛtiɛl awa Serubabɛl ne ye abusuafoɛ bɛbɔle ye bo besili Yisrael Nyameɛ afɔleɛ bokyea, bɔ bɛkɔbɔ naen yeralɛ afɔleɛ wɔ so ɔ, kyɛbɔ bahyerɛ ye wɔ Nyameɛ sona Mose mmeraa ne anu ne.

Ɛksadɔso 17:15

Yeɛ Mose sili afɔleɛ bokyea, na ɔtole ye dumaa: AWURADE te me frangaa.

Ɛksadɔso 24:4

Na Mose hyerɛle AWURADE dwirɛ ne amukoraati. Na ɔpɛle aleɛ dwɔsole ngyerɛmɔ sili afɔleɛ bokyea wɔ bokaa ne nye abo, na ɔfale nyɔboɛ buru ne nyɔ penapenane berɛ, ɔfa gyinane berɛ mane Yisrael abusua kure buru ne nyɔ ne.

Ɛksadɔso 31:9

naen yeralɛ afɔleɛ bokyea ne, ɔne ye nwo nningyein amukoraa, ayaa ne ne ye nyinasoɛ ne,

Ɛksadɔso 35:16

naen yeralɛ afɔleɛ bokyea ne, ɔne ye kɔɔbere ngandanganda ne, ye mbuna mɔ ne ye nwo nningyein amukoraa, ayaa ne ne ye nyinasoɛ ne;

Ɛksadɔso 39:39

kɔɔbere afɔleɛ bokyea ne, ye kɔɔbere ngandanganda ne, ye mbuna mɔ ne ye nwo nningyein amukoraa, ayaa ne ne ye nyinasoɛ ne;

Ɛksadɔso 40:10

Asa koso, fa ɛpopalɛ ngoo ne popa afɔleɛ bokyea bɔ bɛyera afɔleɛ so ne, ɔne ye nwo nningyein amukoraa, ná te afɔleɛ bokyea ne nwo maa ɔyɛ nikyee krongron paa.

Ɛksadɔso 40:29

Naen yeralɛ afɔleɛ bokyea ne, ɔfa siele nyianu ɛtena sua anoa nu berɛ, na ɔbɔle naen yeralɛ afɔleɛ ne aleɛ afɔleɛ wɔ so, kyɛbɔ AWURADE hyɛle ye (Mose) nen.

Ɛksadɔso 40:6

Naen yeralɛ afɔleɛ bokyea ne, fa sie nyianu ɛtena sua anoa nu berɛ;

Numeri 3:31

B’adwuma ole kyɛ bɛkɔnea ɛhemɔ aso: apam alaka ne, ɛpoen ne, kanea bakaa ne, afɔleɛ bokyea nemɔ, nekaa krongron berɛ nningyein bɔ asɔfo nemɔ fa yɔ ɛsɔnenɛ adwuma ne, ɔne mbɛmuɛ ɛtena ne, ɔne sɔ nningyein nemɔ nwo adwuma amukoraa.

Numeri 4:13

Odi kyɛ betu nzoen ne befi afɔleɛ bokyea ne anu, ná bɛ́fa koogyan bɛ́sɛ afɔleɛ bokyea ne aso;

Numeri 4:14

ná bɛ́fa nningyein hemɔ amukoraati bɔ bɛfa bɛsɔne wɔ afɔleɛ bokyea ne aso ne begua so: ngukue bɔ bɛfa see begua nu ɔ, ateɛ anoa tworɔntworɔn nemɔ, sofi nemɔ, ayaa nemɔ, afɔleɛ bokyea ne aso nningyein amukoraati; bɛ́fa nwomaa paa ngatasoɛ bɛkata so, ná bɛ́fa ye mbuna nemɔ béwurawura nu.

Hebrifoɛ 13:10

Yɛle afɔleɛ bokyea bɔ bɛ bɔ bedi dwumaa wɔ ɛtena sua ne anu ne, belle ye nwo ate kyɛ bedi so nikyee biala ɔ.