Ɛksadɔso 26:34 - AHYERƐLƐ KRONGRON

³⁴ Fa mbata bia ne sie Adanzeɛ alaka ne aso wɔ krongron nu krongron ne anu.

Ɛksadɔso 26:34 Iomraidhean Croise

1 Ahemvo 6:16

Sua ne akunu dɔ paa, osili pumbu fa yɛle krongron nu krongron ne. Ɔfale sida mane pumbu ne anwo fili aseɛnwo oodwuli abuu ne. Efi pumbu ne anwo bɔ ɛkɔ sua ne bo dɔ paa ne, ɔte agyirɛ aburanyɔ.

Ɛksadɔso 25:21

Fa mbata bia ne sie alaka ne aso anwuro, ná fa Adanzeɛ bɔ mebaafa mema wɔ ne to alaka ne anu.

Ɛksadɔso 40:20

Ɔfale Adanzeɛ ne tole apam alaka ne anu, ɔfale mbuna nemɔ wurawurale apam alaka ne anwo, na ɔfale mbata bia ne siele alaka ne aso.

Hesekiel 41:4

Osusuli ye tendenn nu, na né ɔte agyirɛ aburanyɔ, ye tɛtrɛtɛɛ nu te agyirɛ aburanyɔ, wɔ asɔneyɛɛ sua ne anyunu berɛ. Na osele me kyɛ, “Ɛwa yeɛ ɔte Krongron nu krongron ne ɔ.”

Lewitikɔso 16:2

Na AWURADE sele Mose kyɛ, “Ka kyire eliɛma Aarɔn kyɛ, nekaa krongron bɔ ɔwɔ mbɛmuɛ tena ne asi dɔ ne, mbata bia bɔ ɔwɔ apam alaka ne aso ne, nnɛmaa ɔba ye nyunu mmerɛ biala bɔ okuro ɔ. Sɛ ɔyɔ sɔ a okowu, ofikyɛ meye me nwo ali mekyire wɔ munungum bɔ ɔwɔ mbata bia ne aso ne anu.

Hebrifoɛ 9:5

Né animnyam kɛrubim mɔ batrɛtrɛ bɛ ndaa nu wɔ mbata bia ne aso wɔ alaka ne aso. Nakoso kekesaala ye de, yɛngɔhora yɛngɔhã sɔ nningyein hemɔ nwo dwirɛ ngoko ngoko.